ដំណឹងជ្រើសរើសអ្នកម៉ៅការចូលរួមដេញថ្លៃ គម្រោងលើកកម្ពស់ការប្រើប្រាស់ទឹកស្អាត និងទឹកសម្រាប់ទទួលទាន
- Career Category: Invitation for Bids
- Location: Mondul Kiri Province
Summary
គោលបំណង
អង្គការអនាម័យដើម្បីបរិស្ថានកម្ពុជា (ESC) សុំអញ្ជើញក្រុមហ៊ុន សហគ្រាសខ្នាតតូច និងមធ្យមក្នុងប្រទេសកម្ពុជាដែលមានលក្ខណៈសម្បត្តិគ្រប់គ្រាន់ចូលរួមដេញថ្លៃសាងសង់គម្រោងខាងលើតាមកាលកំណត់ដែលមានចែងនៅខាងក្រោម។
គោលដៅគម្រោង
- ផ្តល់លទ្ធភាពទទួលបានទឹកស្អាត៖ ដើម្បីធានាថាអ្នកជំងឺ បុគ្គលិកសុខាភិបាល និងអ្នកមកទទួលសេវានៅមន្ទីរពេទ្យបង្អែកខេត្តមណ្ឌលគិរី មានទឹកស្អាត និងទឹកសម្រាប់ទទួលទានដែលមានសុវត្ថិភាព ។
- កាត់បន្ថយការចំណាយលើថាមពលអគ្គិសនី៖ តាមរយៈការដំឡើងប្រព័ន្ធសូឡាទឹកក្តៅ ដើម្បីកាត់បន្ថយការប្រើប្រាស់អគ្គិសនី និងធានាបាននូវនិរន្តរភាពបរិស្ថាន សម្រាប់ផ្នែកសម្ភព និងវះកាត់។
- កាត់បន្ថយចំណាយការប្រើប្រាស់ទឹក៖ បង្កើនប្រសិទ្ធភាពការប្រើប្រាស់ទឹកភ្លៀងតាមរយៈការដំឡើងអាងទឹកភ្លៀង។
វិសាលភាព និង សមិទ្ធិផល
- សាងសង់ស្ថានីយ៍ និងដំឡើងប្រព័ន្ធចម្រោះទឹកដែលមានសមត្ថភាព ១ម៉ែត្រគូប/ម៉ោង។
- រៀបចំដំឡើងប្រព័ន្ធសូឡាទឹកក្តៅ និងប្រព័ន្ធត្រងទឹកភ្លៀង។
- រៀបចំបណ្តាញបំពង់ និងកន្លែងទទួលទឹកដែលចេញពីប្រព័ន្ធចម្រោះ និងប្រព័ន្ធសូទ្បាទឹកក្តៅ។
- ផ្តល់របាយការណ៍វឌ្ឍនភាពសាងសង់ជាប្រចាំរៀងរាល់ពីរសប្តាហ៍ និងរូបភាពដែលមានគុណភាព។
ថវិកា និងការទូទាត់
- ថវិកាសម្រាប់ការសាងសង់ប៉ាន់ស្មានសរុបចំនួន ៣៤,៨០០.០០ ដុល្លារសហរដ្ឋអាមេរិក រួមមាន ថ្លៃសម្ភារៈ កំលាំងពលកម្ម ប្រាក់ចំណេញ និងប្រាក់ពន្ធគម្រោង។
Eligibility
- ត្រូវមានឯកសារចុះបញ្ជីនៅក្រសួងពាណិជ្ជកម្ម ឬមន្ទីរពាណិជ្ជកម្មខេត្ត (មានបញ្ជាក់ច្បាប់ដើម)។
- ត្រូវមានឯកសារចុះបញ្ជីនៅអគ្គនាយកដ្ឋានពន្ធដារ (មានបញ្ជាក់បណ្ណ័ប៉ាតង់ច្បាប់ដើម)
- ត្រូវមានបទពិសោធន៍សាងសង់គម្រោងទឹកស្អាត តម្លើងប្រព័ន្ធសូទ្បាទឹកក្តៅ និងប្រព័ន្ធចម្រោះទឹកទទួលទាន ឬ គម្រោងសាងសង់ប្រហាក់ប្រហែល។
