បុគ្គលិកផ្នែកគណនេយ្យ
បរិយាកាសមុខតំណែង
- ប្រភេទការងារ: ផ្នែកគណនេយ្យ
- ពេលវេលា:ការងារពេញម៉ោង
- ប្រាក់ខែ: អាចចរចាបាន
ទីតាំងការងារ៖ អាចស្នាក់នៅ និងបំពេញការងារប្រចាំនៅកសិដ្ឋានខេត្តស្ទឹងត្រែង។
កសិដ្ឋាន MAO & KIN (ខេត្តស្ទឹងត្រែង) កំពុងពង្រីកការចិញ្ចឹមមាន់ ជ្រូក និងដំណាំហូបផ្លែ។ យើងខ្ញុំត្រូវការជ្រើសរើសបុគ្គលិកផ្នែក គណនេយ្យករកសិដ្ឋាន ដែលមានភាពស្មោះត្រង់ ហ្មត់ចត់ និងច្បាស់លាស់ជាមួយតួលេខ ដើម្បីជួយគ្រប់គ្រងការចំណាយប្រចាំថ្ងៃឱ្យមានរបៀបរៀបរយ។ អ្នកនឹងធ្វើការផ្ទាល់ជាមួយម្ចាស់កសិដ្ឋាន និងអ្នកគ្រប់គ្រងចម្ការ ដើម្បីធានាថារាល់ចំណូលនានា និងការចំណាយលើចំណី ប្រេងឥន្ធនៈ និងសម្ភារៈនានា ត្រូវបានកត់ត្រាច្បាស់លាស់ និងគ្មានការបាត់បង់ ឬខ្ជះខ្ជាយ។
ករណីកិច្ច និងការទទួលខុសត្រូវ:
- កត់ត្រាចំណាយ និងគ្រប់គ្រងលុយរាយ (Petty Cash)៖ កត់ត្រារាល់ប្រតិបត្តិការចំណាយប្រចាំថ្ងៃចូលក្នុងកម្មវិធី QuickBooks និង Excel គ្រប់គ្រងការទូទាត់លុយរាយសម្រាប់តម្រូវការបន្ទាន់ (ចំណី ប្រេង ថ្លៃជួសជុល) និងពិនិត្យផ្ទៀងផ្ទាត់វិក្កយបត្រ ឬបង្កាន់ដៃចំណាយឱ្យបានត្រឹមត្រូវមុននឹងទូទាត់។
- ត្រួតពិនិត្យ និងរាប់ស្តុកជាក់ស្តែង៖ ចុះពិនិត្យឃ្លាំងផ្ទាល់ជាមួយប្រធានក្រុម ដើម្បីរាប់ចំនួនបាវចំណី ថ្នាំសត្វ និងឧបករណ៍ប្រើប្រាស់ ធានាកុំឱ្យខ្វះមុខខ្វះក្រោយ ឬបាត់បង់ដោយគ្មានមូលហេតុ។
- គណនាថ្លៃដើមផលិតកម្ម៖ កត់ត្រា និងបូកសរុបថ្លៃដើមធាតុចូលប្រចាំថ្ងៃ ដើម្បីដឹងពីថ្លៃដើមជាក់ស្តែងសម្រាប់ស៊ុត កូនមាន់ ឬកូនជ្រូក ដោយប្រើប្រាស់តារាងតាមដានលើកុំព្យូទ័រ។
- ស្រង់វត្តមាន និងរៀបចំប្រាក់ខែ៖ ស្រង់ទិន្នន័យវត្តមាន ម៉ោងធ្វើការរបស់កម្មករ និងរៀបចំបញ្ជីបើកប្រាក់ខែប្រចាំខែឱ្យបានត្រឹមត្រូវ និងទាន់ពេលវេលា។
- ការងារចាត់តាំងផ្សេងៗ៖ បំពេញភារកិច្ច និងការងារផ្សេងៗទៀតទៅតាមការណែនាំ ឬការចាត់តាំងជាក់ស្តែងរបស់ប្រធានកសិដ្ឋាន និងម្ចាស់កសិដ្ឋាន។
អត្ថប្រយោជន៍:
- ប្រាក់បៀវត្សរ៍សមរម្យ ($300 – $400 / ខែ អាចចរចាបានតាមសមត្ថភាពជាក់ស្តែង) ជាមួយនឹងការវាយតម្លៃលទ្ធផលការងារជាប្រចាំ។
- ទទួលបានបទពិសោធន៍គ្រប់គ្រងជាក់ស្តែងនៅក្នុងបរិយាកាសកសិកម្មសរីរាង្គទំនើប ដោយរៀនសូត្រផ្ទាល់ជាមួយម្ចាស់កសិដ្ឋាន។
- មានឱកាសច្បាស់លាស់សម្រាប់ការរីកចម្រើនអាជីពការងារយ៉ាងឆាប់រហ័ស។
ប្រភេទនៃបេក្ខជនដែលបានរំពឹងទុក
ភាសា:
- ខ្មែរត្រូវបានផ្តល់អាទិភាព
- អង់គ្លេស - កម្រិតល្អ
កម្រិតវប្បធម៌:
- បរិញ្ញាបត្ររង
- បរិញ្ញាបត្រ ផ្នែក គណនេយ្យ ហិរញ្ញវត្ថុ ឬធនាគារ (និស្សិតទើបចប់ការសិក្សាថ្មីៗ ដែលមានឆន្ទៈរៀនសូត្រការងារជាក់ស្តែង ក៏អាចដាក់ពាក្យបាន)
ជំនាញ និងចំណេះដឹង:
ជំនាញទូទៅ និងបច្ចេកទេស
- ជំនាញបច្ចេកវិទ្យា/កុំព្យូទ័រ៖ ចេះប្រើប្រាស់កម្មវិធី QuickBooks និងស្ទាត់ជំនាញ Microsoft Excel ព្រមទាំងកម្មវិធីពាក់ព័ន្ធនានា។
ជំនាញទន់
- អត្តចរិត និងសីលធម៌៖ មានសីលធម៌ និងភាពស្មោះត្រង់ខ្ពស់ ម៉ត់ចត់លើតួលេខ ទុកចិត្តបាន និងចាត់ចែងលុយកាក់កសិដ្ឋានប្រកបដោយការទទួលខុសត្រូវខ្ពស់។
