ការដេញថ្លៃគម្រោងស្តារផ្ទៃរងទឹកភ្លៀង និងជីកស្រះទឹក
- Career Category: Invitation for Bids
- Location: Siemreap Province
ការពិពណ៌នាអំពីលទ្ធផលនៃកិច្ចសន្យា៖ ការស្តារផ្ទៃរងទឹកភ្លៀងចំនួន ១កន្លែង ទំហំ (៦០ម៉ែត្រx១០០ម៉ែត្រx៣ម៉ែត្រ)ត្រូវបានស្តារឡើងវិញ និងបិទទំនាបទឹកហូរប្រវែង (៦ម៉ែត្រx១៥ម៉ែត្រx៥ម៉ែត្រ) រួមបញ្ចូលគ្នាតែមួយ។ ជីកស្រះទឹកចំនួន ១កន្លែង ទំហំ (២៥ម៉ែត្រx៥០ម៉ែត្រx៣ម៉ែត្រ) នៅក្នុងព្រៃសហគមន៍ឆក់បាស ប្រកបដោយគុណភាព និងការថែទាំដំណើរការស្តុកទឹកប្រើប្រាស់សម្រាប់កសិដ្ឋាន កសិ-រុក្ខកម្ម និងសម្រាប់សត្វផឹកក្នុងរដូវប្រាំង។
លេខកូដគម្រោង៖ KHM/COMDEK-4/2025/02
បរិយាយពីគម្រោង៖ “អភិរក្សជីវៈចម្រុះ និងស្តារប្រព័ន្ធអេកូឡូស៊ីព្រៃសហគមន៍ឆក់បាស ប្រកបដោយនិរន្តរភាព” ។
សកម្មភាពសំខាន់ផ្តោតលើការការពារធនធានធម្មជាតិ បរិស្ថានទីជម្រាលស្ទឹងសៀមរាប និងច្នៃតំបន់អភិរក្សឱ្យទៅជាតំបន់អេកូទេសចរណ៍ប្រកបដោយសក្តានុពល ក្នុងការទាក់ទាញភ្ញៀវទេសចរណ៍ ក៏ដូចជាការបង្កើតឱកាសការងាររកប្រាក់ចំណូល ដើម្បីជួយលើកកម្ពស់ជីវៈភាពរស់នៅរបស់សហគមន៍ ប្រកបដោយចីរភាព។ គម្រោងនឹងស្តារប្រព័ន្ធទឹកនៅក្នុងព្រៃសហគមន៍ឆក់បាសមានដូចជា ការស្តារផ្ទៃរងទឹកភ្លៀងចំនួន ១កន្លែង និងការជីកស្រះទឹកចំនួន ១កន្លែង។
សហគមន៍ព្រៃឆក់បាសមានទំហំ ៨០៤ហិកតាដែលមានសត្វរស់នៅដូចជា ទន្សោង ក្ងោក សំពោច ជ្រូកព្រៃ ។ល។
តម្លៃប៉ាន់ស្មានការស្តារផ្ទៃរងទឹកភ្លៀង៖ ទឹកប្រាក់សរុប 10,800.00 USD (មួយម៉ឺនប្រាំបីរយដុល្លារអាមេរិកគត់)
តម្លៃប៉ាន់ស្មានការជីកស្រះទឹក៖ ទឹកប្រាក់សរុប 2,800.00 USD (ពីរពាន់ប្រាំបីរយដុល្លារអាមេរិកគត់)
អ្នកដែលអាចដេញថ្លៃ៖ អ្នកទទួលម៉ៅការប្រភេទទី១ និងទី២ (ជានីតិបុគ្គល ឬ រូបវន្តបុគ្គល)
ប្រាក់កក់ធានាការដេញថ្លៃ៖ យ៉ាងតិចចំនួន២% នៃតម្លៃដាក់ដេញថ្លៃ
ឈ្មោះធនាគារពាណិជ្ជដែលតម្រូវតម្កល់ប្រាក់កក់៖ ឈ្មោះធនាគារ៖ (ប្រាក់កក់តម្កល់ត្រូវបានកាត់ចេញពីធនាគារពាណិជ្ជរបស់ក្រុមហ៊ុនម៉ៅការដែលចាប់អារម្មណ៍ចូលរួមដេញថ្លៃ)
កាលបរិច្ឆេទចាប់ផ្តើមទទួលសំណើរដេញថ្លៃ៖ ២៧ ធ្នូ ២០២៥ រៀងរាល់ម៉ោងធ្វើការ ពីថ្ងៃចន្ទ ដល់ ថ្ងៃសុក្រ
កាលបរិច្ឆេទឈប់ទទួលសំណើរដេញថ្លៃ៖ ២៣ មករា ២០២៦ វេលាម៉ោង ១៧:០០ នាទីល្ងាច
កាលបរិច្ឆេទនៃការប្រជុំបើកសំណើរដេញថ្លៃ៖ ២៧ មករា ២០២៦
ពេលវេលាបើកសំណើរដេញថ្លៃ៖ ម៉ោង ៩:០០ នាទីព្រឹក ដល់ម៉ោង ១២:០០ នាទីថ្ងៃត្រង់
Eligibility
- លក្ខណៈសម្បត្តិ
- មានបទពិសោធន៍យ៉ាងតិច ២ឆ្នាំក្នុងវិស័យការជីកកាយ ការស្តារ ឬ ការសាងសង់ហេដ្ឋារចនាសម្ព័ន្ធ។
- មានបទពិសោធន៍ធ្លាប់បានទទួលជោគជ័យក្នុងគម្រោងណាមួយពីមុនមក។
- មានសម្ភារៈគ្រប់គ្រាន់ក្នុងការប្រើប្រាស់ដើម្បីអនុវត្តសកម្មភាព
- មានចំណេះដឹងទាក់ទងការងារអភិវឌ្ឍន៍សហគមន៍ ការអភិរក្សជីវៈចម្រុះ។
- មានចំណេះដឹងទាក់ទងនឹងការអភិរក្សធនធានធម្មជាតិ និងបរិស្ថាន។
