Bright Community Cambodia Organization
Employer Description
អង្គការពន្លឺសហគមន៍កម្ពុជា (BCCO) គឺជាអង្គការមិនមែនរដ្ឋាភិបាលក្នុងស្រុកមួយ ដែលមានគោលបំណងបណ្តុះបណ្តាលអ្នកជំនាន់ក្រោយតាមរយៈការអប់រំដែលមានគុណភាព។ យើងផ្តោតជាពិសេសលើកុមារពីសហគមន៍ងាយរងគ្រោះខ្វះឱកាសក្នុងសង្គម ដើម្បីជួយពួកគេទទួលបានចំណេះដឹង អភិវឌ្ឍន៍ទេពកោសល្យ និងក្លាយជាមនុស្សមានបុគ្គលិកលក្ខណៈល្អ ដើម្បីត្រៀមខ្លួនយ៉ាងរឹងមាំក្នុងការប្រឈមមុខនឹងបញ្ហានាពេលអនាគត។
កម្មវិធីអប់រំរបស់យើងមានចាប់ពីថ្នាក់មត្តេយ្យ រហូតដល់ថ្នាក់វិទ្យាល័យ លើសពីនេះ អង្គការក៏មានកម្មវិធីឧបត្ថម្ភសិក្សាថ្នាក់សាកលវិទ្យាល័យ ដើម្បីគាំទ្រការសិក្សាបន្ដទៀត។
ក្រោមការគ្រប់គ្រងរបស់អង្គការ យើងមានមោទនភាពក្នុងការបង្តើត សាលា ពន្លឺប៉ៃលិន(Bright Pailin School) និង សាលា អេ ជី អេស បរហ៊ុយ (AGS Primary School) ដែលសាលាទាំងពីរនេះស្ថិតនៅក្នុងខេត្តប៉ៃលិន និងកំពុងដំណើរការយ៉ាងពេញលេញតាមស្តង់ដាររបស់ក្រសួងអប់រំ យុវជន និងកីឡា។