Happy Cambodian Children Organization
Employer Description
អង្គការកុមារកម្ពុជារីករាយ ត្រូវបានបង្កើតឡើងដោយមូលនិធិគីនចាន់ និងបានចុះបញ្ជីជាអង្គការក្នុងស្រុក តាមរយ:ប្រកាសរបស់ក្រសួងមហាផ្ទៃ លេខ ៨៧៦៥ ប្រក ចុះថ្ងៃទី ១៣ កញ្ញា ឆ្នាំ ២០១៩។ អង្គការកុមារកម្ពុជារីករាយ បង្កើតឡើងក្នុងភាពជាស្ថាប័នតំណាងឲ្យមូលនិធិគីនចាន់ ដើម្បីធ្វើការត្រួតពិនិត្យ តាមដាន និង វាយតម្លៃលើការអនុវត្តគម្រោងរបស់អង្គការដៃគូ និង ដើរតួនាទីជាអ្នកសម្រសសម្រួលរវាងម្ចាស់ជំនួយ និង អង្គការដែលជាប្រតិបត្តិករ។
ទស្សនវិស័យ
កុមារកម្ពុជាទទួលបាននូវភាពរីករាយ តាមរយ:ការទទួលបាននូវបរិក្ខារសិក្សាសមរម្យ បរិស្ថានសិក្សាស្អាត និង អនាម័យល្អ មានអាហារូបត្ថម្ភគ្រប់គ្រាន់ និងការអប់រំពេញលេញប្រកបដោយគុណភាព និង បរិយាបន្ន។
បេសកកម្ម
បច្ចុប្បន្ននេះអង្គការកុមារកម្ពុជារីករាយបាននឹងកំពុងធ្វើការជាមួយអង្គការដៃគូក្នុងស្រុកដើម្បីធ្វើឱ្យប្រសើរឡើងនូវការទទួលបានការអប់រំ និងការលើកកម្ពស់គុណភាពអប់រំនៅកម្រិតមត្តេយ្យសិក្សា និង បឋមសិក្សាសាធារណ:នៅក្នុងខេត្តគោលដៅចំនួន០៨ក្នុងនោះរួមមាន៖ ខេត្ត ព្រៃវែង ត្បូងឃ្មុំ សៀមរាប បន្ទាយមានជ័យ ស្ទឹងត្រែង រតនគិរី ក្រចេះ និង កំពង់ចាម។