ក្រុមហ៊ុនវ៉ធើរ​ អ៊ិនវ៉ាយរ៉ិនម៉ិន ​(ដាប់បែលយូ.អ៊ី)​ វេនឈ័រ ​ឯក​ (WE Venture) ​ជាក្រុមហ៊ុន​ឯកជន​ក្នុង​ស្រុកដែល​បាន​ចុះបញ្ជី​ស្របច្បាប់​ក្នុងព្រះរាជាណាចក្រកម្ពុជា​ និង​បង្កើតឡើង​ដោយស្ថាបនិក ​ដែល​មានជំ​នាញ​និងបទពិសោធន៍​ផ្សេងៗគ្នាក្នុង ​ វិស័យ​ឯកជន​ និង​ការអភិវឌ្ឍន៍​ក្នុងប្រទេស​កម្ពុជា។ ក្រុមហ៊ុនបាន​ចុះកិច្ចព្រមព្រៀង​ជាមួយ​គម្រោង​មូលនិធិគំនិត​ថ្មីសម្រាប់​កាត់បន្ថយ​ភាពក្រីក្រ (​Innovation Against Poverty) ​របស់អង្គការ​អភិវឌ្ឍន៍​ហូឡង់(SNV)កម្ពុជា ​ដើម្បីសាងសង់​ស្ថានីយទឹកស្អាត​ វី ​វេនឈ័រ ​ព្រែកជីកក្រោម ​ជំនួយ​ហិរញ្ញទាន​ដោយ​ភ្នាក់ងារ​អភិវឌ្ឍន៍​ប្រទេសស៊ុយអែត​(Sida)។ តាមរយៈ​គម្រោង​នេះប្រជាជន​នៅក្នុង​ឃុំព្រែកជីក ​និង​ឃុំរបស់​មង្គល​ក្នុង​ខេត្តបាត់ដំបង ​នឹង​ទទួលបាន​ទឹកស្អាត​តាមបំពង់ ​ដែល​អាចចូលរួម​ចំណែក​ធ្វើឱ្យប្រសើរ​ឡើងសុខភាព​ប្រជាជន​ក្នុងឃុំទាំងពីរនេះ។