សេចក្តីជូនដំណឹង ស្តីពីការអញ្ជើញចូលរួមដេញថ្លៃសាងសង់សួនកុមារ
- Career Category: Invitation for Bids
- Location: Phnom Penh
Eligibility
- លក្ខខណ្ឌ និងនីតិវិធីនៃការដាក់សំណើដេញថ្លៃ
- ការដាក់ឯកសារបញ្ជាក់លក្ខណៈសម្បត្តិ៖ អ្នកចូលរួមដេញថ្លៃត្រូវផ្ញើឯកសារភ្ជាប់ដែលបញ្ជាក់ពីលក្ខណៈសម្បត្តិរបស់ខ្លួនអោយបានត្រឹមត្រូវ និងពេញលេញ។
- ការដាក់ឯកសារសម្រង់តម្លៃ និងពាក្យសុំចូលរួមដេញថ្លៃ៖ រាល់ឯកសារសម្រង់តម្លៃត្រូវបង្ហាញពត៌មានលំអិតអំពីតម្លៃសម្ភារៈ និងកំលាំងពលកម្មដោយរួមបញ្ចូលនូវពន្ធអាករលើតម្លៃបន្ថែម (VAT) ១០% សម្រាប់បុគ្គលជាប់អាករ (បានចុះបញ្ជីជាមួយអគ្គនាយកដ្ឋានពន្ធដារ) រឺរំលេចនូវពន្ធកាត់ទុកលើកម្លាំងពលកម្ម ១៥% (Withholding Tax 15%) សម្រាប់បុគ្គល មិនជាប់អាករ (មិនបានចុះបញ្ជីជាមួយអគ្គនាយកដ្ឋានពន្ធដារ)។ ឯកសារសម្រង់តម្លៃ និងពាក្យសុំចូលរួមដេញថ្លៃទាំងអស់ ត្រូវដាក់ក្នុងស្រោមសំបុត្របិទជិត ដោយមានហត្ថលេខា និងត្រារបស់ក្រុមហ៊ុន ឬអ្នកម៉ៅការសំណង់នៅលើស្រោមសំបុត្រ ហើយបញ្ជូនមកការិយាល័យអង្គការសាលារៀនទន្សាយ ដែលមានទីតាំងក្នុងបរិវេណសាលាបឋមសិក្សាទួលគោក រាជធានីភ្នំពេញ។ មិនអនុញ្ញាតឱ្យដាក់ឯកសារសម្រង់តម្លៃ និងពាក្យសុំចូលរួមដេញថ្លៃតាមរយៈសារអេឡិចត្រូនិច (អ៊ីមែល) ឡើយ។
- ការដាក់ឯកសារឱ្យទាន់ពេលវេលា៖ ឯកសារសម្រង់តម្លៃ និងពាក្យសុំចូលរួមដេញថ្លៃដែលមិនបានបញ្ជូនមកអង្គការសាលារៀនទន្សាយទាន់ពេលវេលា នឹងមិនត្រូវបានទទួលយកឡើយ។
- ការប្រជុំបើកកញ្ចប់ដេញថ្លៃ៖ ការប្រជុំបើកកញ្ចប់ដេញថ្លៃនឹងធ្វើឡើងដោយផ្ទាល់នៅសាលប្រជុំសាលាបឋមសិក្សាទួលគោក។ កាលបរិច្ឆេទ និងពេលវេលានៃការបើកកញ្ចប់ដេញថ្លៃ នឹងត្រូវជូនដំណឹងនៅពេលក្រោយ។
- វត្តមានក្នុងការប្រជុំបើកកញ្ចប់ដេញថ្លៃ៖ អ្នកចូលរួមដេញថ្លៃទាំងអស់ត្រូវមកចូលរួមប្រជុំឱ្យទាន់ពេលវេលា។ ប្រសិនបើអ្នកចូលរួមដេញថ្លៃណាម្នាក់មិនមានវត្តមាននៅពេលចាប់ផ្តើមប្រជុំ ឬអវត្តមានលើសពី ១៥ នាទី នោះសំណើដេញថ្លៃរបស់អ្នកនោះនឹងមិនត្រូវបានអនុញ្ញាតឱ្យចូលរួមក្នុងការបើកកញ្ចប់ដេញថ្លៃឡើយ។
- លិខិតផ្ទេរសិទ្ធិតំណាង៖ អ្នកតំណាងក្រុមហ៊ុន ឬអ្នកម៉ៅការសំណង់ដែលចូលរួមប្រជុំបើកកញ្ចប់ដេញថ្លៃ ត្រូវមានលិខិតផ្ទេរសិទ្ធិដែលមានហត្ថលេខាត្រឹមត្រូវពីប្រធានក្រុមហ៊ុន ឬម្ចាស់អាជីវកម្មម៉ៅការសំណង់។
- ការរក្សាទុកឯកសារ៖ ឯកសារទាំងអស់ដែលបានដាក់ជូនអង្គការសាលារៀនទន្សាយ នឹងត្រូវរក្សាទុកដោយអង្គការ ហើយមិនត្រូវប្រគល់ត្រឡប់ជូនអ្នកដាក់សំណើវិញឡើយ។
