សេចក្តីជូនដំណឹងស្តីពីការជ្រើសរើសអ្នកជំនាញសរសេរករណីសិក្សាសម្រាប់គម្រោង“ពង្រឹងការអភិរក្សជីវចម្រុះ និងលើកកម្ពស់ជីវភាពសហគមន៍នេសាទចុងឃ្នៀស តាមរយៈស្ថានីយផលិតទឹកពិសារបរិសុទ្ធ និងការគ្រប់គ្រងធនធានជលផលប្រកបដោយនិរន្តរភាព”
- Career Category: Invitation for Bids
- Location: Siemreap Province
គោលបំណងនៃការចងក្រងករណីសិក្សា
គម្រោងមានគោលបំណងក្នុងការចងក្រងករណីសិក្សាចំនួនពីរ ដែលជ្រើសរើសចេញពីការអនុវត្តគម្រោងនេះ។ ដោយករណីសិក្សាទី១ ជាការចងក្រងនូវបទពិសោធន៍ល្អ និងមេរៀនដែលទទួលបានពីការពង្រឹងភាពអង់អាចផ្នែកសេដ្ឋកិច្ចរបស់សហគមន៍ តាមរយៈការបង្កើតស្ថានីយផលិតទឹកពិសារបរិសុទ្ធ និងករណីសិក្សាទី២ គឺប្រសិទ្ធភាពនៃយន្តការសហគ្រប់គ្រងលើដែនសហគមន៍នេសាទ រវាងស្ថាប័នជំនាញ និងអ្នកពាក់ព័ន្ធក្នុងការគ្រប់គ្រងសហគមន៍នេសាទប្រកបដោយនិរន្តរភាព។
ទំហំការងារ
អ្នកជំនាញត្រូវប្រមូលព័ត៌មានពីឯកសារដែលមានស្រាប់មួយចំនួន ដែលទាក់ទងនឹងគម្រោងដើម្បីស្វែងយល់អំពីការងារគម្រោង និងពិភាក្សាជាមួយនឹងក្រុមការងារគម្រោងដើម្បីកំណត់ក្រុមគោលដៅដែលត្រូវចុះសិក្សា។ ចុះប្រមូលព័ត៌មានដល់ទីតាំងជាក់ស្ដែង និងជួបជាមួយនឹងសហគមន៍គោលដៅ និងអ្នកពាក់ព័ន្ធ។
តួនាទី និងការទទួលខុសត្រូវរបស់អ្នកជំនាញ
- អ្នកជំនាញត្រូវតែបង្កើតផែនការសកម្មភាពមួយ ដោយមានកិច្ចសហការពីអ្នកសម្របសម្រួលគម្រោង លើការចុះប្រមូលព័ត៌មានពាក់ព័ន្ធនឹងករណីសិក្សា ។
- កត់ត្រាសកម្មភាពរបស់អ្នកទទួលផលកុ្នងគម្រោង និងធ្វើសម្រង់ផ្ទាល់ពីអ្នកទទួលផលគោលដៅដោយផ្តល់និងផ្ញើជូនក្រុមការងារដើម្បីត្រួតពិនិត្យ។
- រៀបចំសេចកី្តព្រាងសាច់រឿងជាភាសាខ្មែរ និងភាសាអង់គ្លេស ផ្ញើជូនឲ្យក្រុមការងារគម្រោងត្រួតពិនិត្យ នឹងកែសម្រួល។
វិសាលភាពការងារ
- តំបន់សហគមន៍នេសាទចុងឃ្នៀស ដែលគ្របដណ្ដប់ទាំងសង្កាត់ចុងឃ្នៀស និងសង្កាត់ជ្រាវ ក្រុងសៀមរាប ខេត្តសៀមរាប។
- ត្រូវអនុវត្តចាប់ពីថ្ងៃចុះកិច្ចសន្យា និងបញ្ចប់ការផលិតយ៉ាងយូរបំផុតរយៈពេល ៣០ថ្ងៃ។
ថវិកា
- ថវិកា ៣០០ (បីរយដុល្លារអាមេរិក )។
Eligibility
- អ្នកជំនាញត្រូវតែមានលក្ខណៈសម្បត្តិដូចខាងក្រោម៖
- មានបទពិសោធន៍យ៉ាងតិច៥ឆ្នាំក្នុងការស្រាវជ្រាវ និងចងក្រងករណីសិក្សា ជាពិសេសលើការងារអភិរក្ស និងអភិវឌ្ឍសហគមន៍ និងអង្គការក្រៅរដ្ឋាភិបាល។
- មានចំណេះដឹងភាសាអង់គ្លេសល្អ។
- មានការទទួលខុសត្រូវ និង ការអត់ធ្មត់ខ្ពស់។
