សេចក្តីជូនដំណឹងស្តីពីការជ្រើសរើសក្រុមហ៊ុន ឬ រូបវ័ន្តបុគ្គលសម្រាប់ផលិតវីដេអូខ្លី នៃការអនុវត្តគម្រោង“ពង្រឹងការអភិរក្សជីវចម្រុះ និងលើកកម្ពស់ជីវភាពសហគមន៍នេសាទចុងឃ្នៀស តាមរយៈស្ថានីយផលិតទឹកពិសារបរិសុទ្ធ និងការគ្រប់គ្រងធនធានជលផលប្រកបដោយនិរន្តរភាព”
- Career Category: Invitation for Bids
- Location: Siemreap Province
Summary
គោលបំណងនៃការថត វីដេអូខ្លី
រៀបចំចងក្រងនូវលទ្ធផលនៃការអនុវត្តគម្រោង បទពិសោធន៍ល្អ និងមេរៀនដែលទទួលបានពីការអនុវត្តន៍គម្រោង ការចូលរួមរបស់ស្ថាប័នជំនាញ និងភាគីពាក់ព័ន្ធ ក្នុងកិច្ចសហការរួមគ្នាក្នុងកិច្ចការការពារដែនសហគមន៍នេសាទ និងអភិវឌ្ឍសហគមន៍ប្រកបដោយនិរន្តរភាព ក្នុងគោលដៅផ្សព្វផ្សាយ និងចែករំលែក។
ទំហំ ការផលិតវីដេអូ
ក្រុមហ៊ុនផលិតវីដេអូ/នីតិបុគ្គល ត្រូវប្រមូលព័ត៌មានពីឯកសារដែលមានស្រាប់មួយចំនួនទាក់ទងនឹងគម្រោងដើម្បីថតវីដេអូនេះ សម្រាប់សហគមន៍នេសាទចុងឃ្នៀស។ ក្រុមហ៊ុន ផលិតវីដេអូ ឬនីតិបុគ្គល ត្រូវតែប្រឹក្សាជាមួយបុគ្គលិកគ្រប់គ្រងគម្រោង ក្នុងការរៀបចំកិច្ចការមួយចំនួនរួមមាន៖
- កំណត់ភាគីពាក់ព័ន្ធត្រូវត្រូវចូលរួម សម្ភារៈ ឬ ឯកសារជំនួយ
- ដំណើរការថតវីដេអូ រួមបញ្ចូល ( សំភាសន៍គណៈកម្មការគ្រប់គ្រងសហគមន៍នេសាទចុងឃ្នៀស តំណាងមន្ទីរបរិស្ថានខេត្តសៀមរាប តំណាងមន្ទីរកសិកម្ម រុក្ខាប្រមាញ់ និងនេសាទ /ខណ្ឌរដ្ឋបាលជលផល ខេត្តសៀមរាប ក្រុមប្រឹក្សាសង្កាត់ និងតំណាងអង្គការអ្នកត្រួសត្រាយនៃកម្ពុជា)។
- ក្រុមហ៊ុន ឬ រូបវ័ន្តបុគ្គល ដែលជាអ្នកផលិតវីដេអូត្រូវតែរៀបចំថត វីដេអូ និងសនឹ្លក ដល់ក្រុមគោលដៅ ជាមួយនឹងមាត្រដ្ឋានខី្ល មិនត្រូវឲ្យលើសពី 6 -7 នាទី ។
- ក្រុមហ៊ុន/បុគ្គលិកអ្នកផលិតវីឌីអូ ត្រូវរៀបចំសេចកី្តព្រាងសាច់រឿងជាភាសាខ្មែរ និងភាសាអង់គ្លេស និងបញ្ចាំងសេចកី្តព្រាងវីឌីអូ ដល់ថ្នាក់គ្រប់គ្រងសហគមន៍ និងអង្គការអ្នកត្រួសត្រាយនៃកម្ពុជា ដើម្បីផ្តល់យោបល់ មុនពេលផ្តល់ជូនវីឌីអូចុងក្រោយ។
តួនាទី និងការទទួលខុសត្រូវរបស់អ្នកផលិតវីឌីអូ
- ក្រុមហ៊ុន ឬ រូបវ័ន្តបុគ្គល ត្រូវតែបង្កើតផែនការសកម្មភាពមួយ ដោយមានកិច្ចសហការពីអ្នកសម្របសម្រួលគម្រោង លើវឌ្ឍនភាព និងអ្នកពាក់ព័ន្ធគម្រោង ដើម្បីបង្កើតគំនិតសម្រាប់ការផលិតវីឌីអូ។
- កត់ត្រាសកម្មភាពរបស់អ្នកទទួលផលកុ្នងគម្រោង និងធ្វើសម្រង់ផ្ទាល់ពីអ្នកទទួលផលដោយផ្តល់អាទិភាពដល់ស្ត្រី ជនមានពិការភាព តំណាងសហគមន៍ អាជ្ញាធរ និងតំណាង អង្គការដៃគូ។
វិសាលភាពការងារ
- តំបន់សហគមន៍នេសាទចុងឃ្នៀស ដែលគ្របដណ្ដប់ទាំងសង្កាត់ចុងឃ្នៀស និងសង្កាត់ជ្រាវ ក្រុងសៀមរាប ខេត្តសៀមរាប។
- ការផលិតវីឌីអូ ត្រូវអនុវត្តចាប់ពីថ្ងៃចុះកិច្ចសន្យា និងបញ្ចប់ការផលិតយ៉ាងយូរបំផុតរយៈពេល ៣០ថ្ងៃ។
ថវិកា
- ថវិកា ១,០០០ (មួយពាន់ដុល្លារអាមេរិក ) រួមបញ្ចូលទាំងពន្ធកាត់ទុក។
Eligibility
- ក្រុមហ៊ុន/នីតិបុគ្គលត្រូវតែមានលក្ខណៈសម្បត្តិដូចខាងក្រោម៖
- មានបទពិសោធន៍យ៉ាងតិច ២ ឆ្នាំក្នុងវិស័យចងក្រង និងផលិតវីដេអូ
- មានបទពិសោធន៍ក្នុងការផលិតវីដេអូ និងការចងក្រង ជាពិសេសជាមួយគម្រោងដែលទាក់ទងនឹង ការងារ អភិវឌ្ឍន៍នាពេលកន្លងមក។
- អាចរៀបចំឈុតខ្លីៗតាមតម្រូវការរបស់គម្រោង។
