សេចក្តីជូនដំណឹងស្តីពីការដេញថ្លៃជ្រើសរើសក្រុមហ៊ុនដំឡើងម៉ាស៊ីនផលិតទឹកពិសារបរិសុទ្ធជប៉ុន-អាមេរិកខ្នាត៣,០០០លីត្រ ក្នុង១ម៉ោង with Chong Khnies Community Fisheries

BTDC-ID: 42020

Closing Date: 21-Oct-2026

សេចក្តីជូនដំណឹងស្តីពីការដេញថ្លៃជ្រើសរើសក្រុមហ៊ុនដំឡើងម៉ាស៊ីនផលិតទឹកពិសារបរិសុទ្ធជប៉ុន-អាមេរិកខ្នាត៣,០០០លីត្រ ក្នុង១ម៉ោង

Office Address

Ti4 Village, Sangkat Chong Kneas Siem Reap City, Siem Reap Province, Phum Ti Buon, Chong Khnies Sangkat, Siem Reap Municipality, Siemreap Province, Cambodia
Kouk Thlok, Kandaek Commune, Prasat Bakong District, Siemreap Province, Cambodia

Contact Name

ក.ពាង សុខា

Phone

096 275 3699

Announcement Description

សហគមន៍នេសាទចុងឃ្នៀស ជាសហគមន៍ដែលស្ថិតនៅតំបន់បឹងទន្លេសាប ដែលត្រូវបានទទួលស្គាល់ថាជាឋបនីយជីវមណ្ឌល និងជាប្រព័ន្ធអេកូឡូស៊ីទឹកសាបដ៏ធំបំផុតនៅអាស៊ីអាគ្នេយ៍។ សហគមន៍មានតួនាទីយ៉ាងសំខាន់ក្នុងការគ្រប់គ្រង និងអភិរក្សធនធានជលផល ព្រៃលិចទឹក និងជីវចម្រុះ ព្រមទាំងជាគោលដៅទេសចរណ៍ធម្មជាតិដ៏ល្បីល្បាញ ដែលទាក់ទាញភ្ញៀវទេសចរជាតិ និងអន្តរជាតិឱ្យមកទស្សនាជីវភាពរស់នៅលើទឹក និងប្រពៃណីនេសាទរបស់ប្រជាពលរដ្ឋ។ សហគមន៍នេសាទចុងឃ្នៀសមានផ្ទៃដី ទំហំ ៧,៣៣៨ហិកតា ដែលលាតសន្ធឹងជាប់នឹងសហគមន៍នេសាទកណ្ដែក នៅភាគខាងកើត ខាងលិចទល់នឹងសហគមន៍នេសាទកែវព៌ណ ខាងជើងទល់នឹងសង្កាត់សៀមរាប និងខាងត្បូងទល់នឹងលំហរបឹងទន្លេសាប។ សហគមន៍នេសាទបានសម្រេចបង្កើត តំបន់អភិរក្សចំនួនពីរកន្លែង ដែលមានសក្តានុពលសម្រាប់ការអភិរក្សត្រីមេពូជ និងជីវចម្រុះ គឺបឹងពារាំង ដែលមានផ្ទៃអភិរក្សទំហំ ៤៨ហិកតា និងបឹងដៃតាណូន ដែលមានផ្ទៃទំហំ៣ហិកតា។

ដោយមានការគាំទ្រពីអង្គការអ្នកត្រួសត្រាយនៃកម្ពុជា សហគមន៍នេសាទចុងឃ្នៀស បានទទួលមូលនិធិពី កម្ម វិធីជំនួយខ្នាតតូចនៃមូលនិធិបរិស្ថានសាកល នៃកម្មវិធីសហប្រជាជាតិ (SGP GEF UNDP) ក្នុងការអនុវត្តគម្រោង “ពង្រឹងការអភិរក្សជីវចម្រុះ និងលើកកម្ពស់ជីវភាពសហគមន៍នេសាទចុងឃ្នៀស តាមរយៈស្ថានីយផលិតទឹកពិសារបរិសុទ្ធ និងការគ្រប់គ្រងធនធានជលផលប្រកបដោយនិរន្តរភាព” លេខគម្រោងKHM/COMDEK-4/2025/07 ។ គម្រោងមានគោលបំណងពង្រឹងកិច្ចការពារ និងអភិរក្សដែននេសាទចុងឃ្នៀស ជាពិសេសតំបន់អភិរក្សបឹងពារាំង (ត្រី សត្វស្លាប និងព្រៃលិចទឹក) អោយមានប្រសិទ្ធិភាព និង ផ្តល់ប្រភពចំណូលចំបងមួយដល់គណកម្មការសហគមន៍នេសាទចុងឃ្នៀស សម្រាប់អភិរក្ស និងអភិវឌ្ឍសហគមន៍ប្រកបដោយនិរន្តរភាព តាមរយៈបង្កើតស្ថានីយ៍ផលិតទឹកពិសារបរិសុទ្ធមួយដែលមានសមត្ថភាពផលិតទឹកពិសារបរិសុទ្ធចំណុះ៣០០០លីត្រក្នុងមួយម៉ោង ដើម្បីផ្គត់ផ្គង់តម្រូវការទឹកស្អាតប្រើប្រាស់នៅក្នុងសហគមន៍ ។

គម្រោងសូមប្រកាសជ្រើសរើសក្រុមហ៊ុនដែលបានចុះបញ្ជីស្របច្បាប់នៅក្នុងព្រះរាជាចក្រកម្ពុជា ដែលមានជំនាញ និងបទពិសោធន៍ផ្តល់សេវាកម្មដំឡើងម៉ាស៊ីនផលិតទឹកពិសារបរិសុទ្ធជប៉ុន-អាមេរិកដែលមានសមត្ថភាព ផលិតទឹកបាន ៣,០០០លីត្រ ក្នុង១ម៉ោងសម្រាប់សហគមន៍នេសាទចុងឃ្នៀស។

សេចក្តីជូនដំណឹងស្តីពីការដេញថ្លៃជ្រើសរើសក្រុមហ៊ុនដំឡើងម៉ាស៊ីនផលិតទឹកពិសារបរិសុទ្ធជប៉ុន-អាមេរិកខ្នាត៣,០០០លីត្រ ក្នុង១ម៉ោង

Career Category: Invitation for Bids
Location: Siemreap Province

Summary

រាជធានី/ខេត្ត:សៀមរាប ស្រុក/ខណ្ឌ: សៀមរាប ឃុំ/សង្កាត់: ជ្រាវ

ការពិពណ៌នាអំពីការងារ៖ ដំឡើងម៉ាស៊ីនផលិតទឹកពិសារបរិសុទ្ធជប៉ុន-អាមេរិក ដែលមានសមត្ថភាពផលិតទឹកស្អាតបាន៣,០០០លីត្រ ក្នុង១ម៉ោង ចំនួន១ឈុត សម្រាប់សហគមន៍នេសាទចុងឃ្នៀស។

តម្លៃប៉ាន់ស្មានសរុប (គិតរួមទាំងសម្ភារៈ និងកំលាំងពលកម្ម ដែលបានរៀបរាប់ខាងលើ)- តម្លៃ៨,៥០០ដុល្លាអាមេរិក (ប្រាំបីពាន់ ប្រាំរយដុល្លារ អាមេរិកគត់)

អ្នកដែលអាចដេញថ្លៃបាន៖ ក្រុមហ៊ុនដែលបានចុះបញ្ជីស្របច្បាប់ ទាំងឡាយណាដែលមានសមត្ថភាព និងបទពិសោធន៍ក្នុងការដំឡើងម៉ាស៊ីនផលិតទឹកពិសារបរិសុទ្ធដូចដែលបានកំណត់ខាងលើ

ទីកន្លែងដែលអាចទទួលឯកសារដេញថ្លៃ

ទីស្នាក់ការសហគមន៍នេសាទចុងឃ្នៀស ក្រុងសៀមរាប ខេត្តសៀមរាប។
សាលាសង្កាត់ចុងឃ្នៀស ក្រុងសៀមរាប ខេត្តសៀមរាប
សាលាសង្កាត់ជ្រាវ ក្រុងសៀមរាប ខេត្តសៀមរាប
ការិយាល័យអង្គការអ្នកត្រួសត្រាយនៃកម្ពុជា ស្រុកប្រាសាទបាគង ខេត្តសៀមរាប

កាលបរិច្ឆេទទទួលបានពាក្យស្នើសុំដេញថ្លៃ

ចាប់ពីថ្ងៃចន្ទ ដល់ថ្ងៃសុក្រ៖ ចាប់ពីថ្ងៃទី៧ ដល់ថ្ងៃទី ២១ ខែតុលា ឆ្នាំ២០២៦
ពីម៉ោង ៨.០០នាទី ដល់ម៉ោង ៥.០០នាទីល្ងាច
ឯកសារសំណើដេញថ្លៃត្រូវដាក់ក្នុងស្រោមសំបុត្របិទជិតផ្ញើមកកាន់ទីតាំងខាងលើ ភ្ជាប់ជាមួយនឹងផែនការសកម្មភាព។

កាលបរិច្ឆេទ ពេលវេលា ទីកន្លែង ប្រជុំបើកសំណើដេញថ្លៃ

ថ្ងៃទី ២៣ ខែតុលា ឆ្នាំ២០២៦
ម៉ោង ៨៖៣០ នាទីព្រឹក
សាលាសង្កាត់ចុងឃ្នៀស ក្រុងសៀមរាប ខេត្តសៀមរាប។

រយៈពេលសុពលភាពនៃសំណើដេញថ្លៃ៖ ចំនួន៦០(ហុកសិប)ថ្ងៃ គិតចាប់ពីថ្ងៃបើកសំណើដេញថ្លៃ

កំណត់សម្គាល់

ក្រុមហ៊ុនដែលមានចំណាប់អារម្មណ៍ចូលរួមដេញថ្លៃ ត្រូវភ្ជាប់មកជាមួយនឹងសំណើដេញថ្លៃរបស់ខ្លួន ប័ណ្ណប៉ាតង់ដែលមានសុពលភាព ឬបង្កាន់ដៃបញ្ជាក់ការបង់ប៉ាតង់ចំនួនមួយច្បាប់ (ច្បាប់ថតចម្លងដែលមាននីត្យានុកូលកម្ម) និងអត្តសញ្ញាណប័ណ្ណសញ្ជាតិខ្មែររបស់ម្ចាស់ក្រុមហ៊ុន ថតចម្លងចំនួន១ច្បាប់។

Attachment:

Bidding announcement - Clean Water System

Office Address

Ti4 Village, Sangkat Chong Kneas Siem Reap City, Siem Reap Province, Phum Ti Buon, Chong Khnies Sangkat, Siem Reap Municipality, Siemreap Province, Cambodia
Kouk Thlok, Kandaek Commune, Prasat Bakong District, Siemreap Province, Cambodia

Contact Name

ក.ពាង សុខា

Phone

096 275 3699

Expected Outputs

Contact Details

Announcement Description

Expected Outputs

Submission Requirements

Contact Details