សេចក្តីជូនដំណឹង ស្តីពីការអញ្ជើញចូលរួមដេញថ្លៃជាសាធារណៈ សម្រាប់ការផ្គត់ផ្គង់ និងអនុវត្តការងារតាមកញ្ចប់លទ្ធកម្ម with STAR Kampuchea

BTDC-ID: 41650

Closing Date: 30-Sep-2026

សេចក្តីជូនដំណឹង ស្តីពីការអញ្ជើញចូលរួមដេញថ្លៃជាសាធារណៈ សម្រាប់ការផ្គត់ផ្គង់ និងអនុវត្តការងារតាមកញ្ចប់លទ្ធកម្ម

Office Address

#16, St. 440, Sangkat Boeng Trabaek, Khan Chamkar Mon, Phnom Penh, Cambodia
Tumpoar, Pramaoy Commune, Veal Veaeng District, Pursat Province, Cambodia

Contact Name

STAR Kampuchea

Phone

Email

Announcement Description

អង្គការស្តារកម្ពុជា (SK) ជាអង្គការមិនស្វែងរកប្រាក់ចំណេញ និងជាអង្គការមិនមែនរដ្ឋាភិបាល ដែលបានចុះបញ្ជីជាមួយក្រសួងមហាផ្ទៃ លេខ ១១៨៨ ស.ជ.ណ ចុះថ្ងៃទី២៦ ខែធ្នូ ឆ្នាំ១៩៩៧។ អង្គការស្តារកម្ពុជា មានកម្មវិធីធំចំនួន ៣ គឺ៖ (១) កម្មវិធីអភិបាលកិច្ចល្អ និងសិទ្ធិមនុស្ស (២) កម្មវិធីធនធានធម្មជាតិ និងបម្រែបម្រួលអាកាសធាតុ និង (៣) កម្មវិធីអ្នកស្ម័គ្រចិត្តដើម្បីកម្ពុជា។ បច្ចុប្បន្ន អង្គការស្តារកម្ពុជា កំពុងអនុវត្តសកម្មភាពនៅក្នុងខេត្តពោធិ៍សាត់ បាត់ដំបង និងខេត្តសៀមរាប។

សេចក្តីជូនដំណឹង ស្តីពីការអញ្ជើញចូលរួមដេញថ្លៃជាសាធារណៈ សម្រាប់ការផ្គត់ផ្គង់ និងអនុវត្តការងារតាមកញ្ចប់លទ្ធកម្ម

Career Category: Invitation for Bids
Location: Pursat Province

Summary

អង្គការស្តារកម្ពុជា បានទទួលការគាំទ្រថវិកាពី កម្មវិធីជំនួយខ្នាតតូចរបស់មូលនិធិបរិស្ថានពិភពលោក ដំណាក់កាលទី៨ (GEF SGP) តាមរយៈ កម្មវិធីអភិវឌ្ឍន៍សហប្រជាជាតិ (UNDP) ដើម្បីអនុវត្តគម្រោង “អភិរក្សប្រព័ន្ធ អេកូឡូស៊ី និងប្រភេទសត្វដែលរងការគំរាមកំហែង នៅសហគមន៍តំបន់ការពារធម្មជាតិទឹកធ្លាក់ថ្មចាំង ក្នុងដែនជម្រកសត្វព្រៃភ្នំសំកុស (COTSE)”។ គម្រោងមានរយៈពេល ១៨ ខែ ចាប់ពីថ្ងៃទី ០២ ខែកក្កដា ឆ្នាំ២០២៦ ដល់ថ្ងៃទី៣០ ខែធ្នូ ឆ្នាំ២០២៧។

ក្នុងគោលបំណងចូលរួមអនុវត្តសកម្មភាពរបស់គម្រោងឱ្យសម្រេចបានតាមផែនការ និងធានាឱ្យការផ្គត់ផ្គង់សម្ភារៈ និងការអនុវត្តការងារមានគុណភាព តម្លាភាព ប្រសិទ្ធភាព និងស្របតាមតម្រូវការរបស់គម្រោង អង្គការស្តារកម្ពុជា (SK) សូមអញ្ជើញក្រុមហ៊ុន អ្នកម៉ៅការ អ្នកផ្គត់ផ្គង់ បុគ្គល គ្រួសារ ឬក្រុមផលិតសហគមន៍ដែលមានចំណាប់អារម្មណ៍ និងមានសមត្ថភាពពាក់ព័ន្ធ ចូលរួមដេញថ្លៃសម្រាប់ការងារ និងការផ្គត់ផ្គង់តាមកញ្ចប់លទ្ធកម្មដូចខាងក្រោម៖

កញ្ចប់លទ្ធកម្ម

ដើម្បីធានាឱ្យមានការប្រកួតប្រជែងដោយស្មើភាព និងអាចឱ្យអ្នកដេញថ្លៃចូលរួមតាមជំនាញ និងសមត្ថភាពរបស់ខ្លួន អង្គការស្តារកម្ពុជា (SK) បានបែងចែកការងារ និងការផ្គត់ផ្គង់ជា ៣ កញ្ចប់លទ្ធកម្មដាច់ដោយឡែកពីគ្នា។ អ្នកដេញថ្លៃអាចដាក់សំណើសម្រាប់កញ្ចប់ណាមួយ ឬច្រើនកញ្ចប់ ដោយមិនតម្រូវឱ្យអ្នកដេញថ្លៃម្នាក់ត្រូវអនុវត្តការងារទាំង ៣ កញ្ចប់នោះទេ។

កញ្ចប់ទី១៖ ការងារសាងសង់
កញ្ចប់ទី២៖ ផលិត និងដំឡើងផ្លាកសញ្ញា
កញ្ចប់ទី៣៖ ផ្គត់ផ្គង់កូនកង្កែប និងសម្ភារៈសម្រាប់ចិញ្ចឹមកង្កែប

សូមចុចលើឯកសារភ្ជាប់ខាងក្រោមសម្រាប់ព័ត៌មានបន្ថែម។

លក្ខខណ្ឌសម្រាប់ការចូលរួមដេញថ្លៃ
អ្នកចូលរួមអាចដាក់សំណើសម្រាប់ កញ្ចប់ណាមួយ ឬច្រើនកញ្ចប់ ដែលខ្លួនមានសមត្ថភាពអនុវត្ត។ អ្នកដេញថ្លៃ មិនចាំបាច់មានសមត្ថភាពអនុវត្តគ្រប់កញ្ចប់ទាំង ៣ នោះទេ។
សម្រាប់ កញ្ចប់ទី១ ការងារសាងសង់ អាចចូលរួមដោយក្រុមហ៊ុនម៉ៅការសំណង់ ម្ចាស់សហគ្រាស សិប្បកម្ម ឬអ្នកម៉ៅការដែលមានសមត្ថភាព និងបទពិសោធន៍ពាក់ព័ន្ធនឹងការងារសាងសង់។
សម្រាប់ កញ្ចប់ទី២ ផ្លាកសញ្ញា អាចចូលរួមដោយក្រុមហ៊ុន សហគ្រាស សិប្បកម្ម ឬអ្នកផ្គត់ផ្គង់ដែលមានសមត្ថភាពផលិត និងដំឡើងផ្លាកសញ្ញា។
សម្រាប់ កញ្ចប់ទី៣ កង្កែប និងសម្ភារៈចិញ្ចឹមកង្កែប អាចចូលរួមដោយអ្នកផ្គត់ផ្គង់ បុគ្គល គ្រួសារ ក្រុមផលិត/ក្រុមសហគមន៍ ឬអាជីវកម្មមូលដ្ឋានដែលមានបទពិសោធន៍ និងសមត្ថភាពផ្គត់ផ្គង់កង្កែប និង/ឬសម្ភារៈដែលត្រូវការ។ ចំពោះអ្នកផ្គត់ផ្គង់ដែលមិនបានចុះបញ្ជីជាក្រុមហ៊ុន ឬសហគ្រាស អាចដាក់ឯកសារបញ្ជាក់អត្តសញ្ញាណ និងព័ត៌មានពាក់ព័ន្ធផ្សេងទៀត ដើម្បីបញ្ជាក់ពីអត្តសញ្ញាណ សមត្ថភាព និងបទពិសោធន៍របស់ខ្លួន ស្របតាមលក្ខខណ្ឌលទ្ធកម្មរបស់ SK។
អ្នកចូលរួមត្រូវបំពេញឯកសារដេញថ្លៃឱ្យបានពេញលេញ និងបញ្ជាក់តម្លៃឱ្យបានច្បាស់លាស់។ តម្លៃត្រូវគិតជាប្រាក់រៀល និងបញ្ជាក់ពន្ធ និងអាករដែលពាក់ព័ន្ធ ស្របតាមតម្រូវការរបស់ SK និងច្បាប់ជាធរមាន។
អ្នកចូលរួមដេញថ្លៃត្រូវដាក់សំណើក្នុងស្រោមសំបុត្របិទជិត ដោយមានហត្ថលេខា និងត្រារបស់អ្នកដេញថ្លៃ ប្រសិនបើមាន។
អ្នកចូលរួមម្នាក់អាចដាក់សំណើបានតាមកញ្ចប់ដែលខ្លួនមានសមត្ថភាព។ ប្រសិនបើដាក់ច្រើនកញ្ចប់ ត្រូវបញ្ជាក់ឱ្យបានច្បាស់ថា សំណើនោះសម្រាប់ កញ្ចប់ទី១ កញ្ចប់ទី២ ឬកញ្ចប់ទី៣។
អ្នកចូលរួមដែលមានប្រភពកម្មសិទ្ធិ ឬផលប្រយោជន៍ជាមួយគ្នា ហើយមានភាពពាក់ព័ន្ធដែលអាចប៉ះពាល់ដល់ការប្រកួតប្រជែងដោយស្មើភាព នឹងត្រូវពិនិត្យ និងអាចត្រូវបដិសេធ ស្របតាមគោលនយោបាយលទ្ធកម្មរបស់ SK។
រាល់ឯកសារដេញថ្លៃដែលដាក់មិនទាន់ពេលវេលា ឬមិនបានដាក់តាមទីតាំងដែលបានកំណត់ អាចត្រូវចាត់ទុកថាមិនមានសុពលភាព។
គណៈកម្មការលទ្ធកម្មនឹងពិនិត្យ និងវាយតម្លៃសំណើតាមលក្ខណៈវិនិច្ឆ័យដែលបានកំណត់ ដោយប្រកាន់ខ្ជាប់នូវគោលការណ៍តម្លាភាព យុត្តិធម៌ និងគណនេយ្យភាព។ រាល់ឯកសារដែលបានដាក់ នឹងត្រូវរក្សាការសម្ងាត់តាមនីតិវិធីរបស់ SK។
អង្គការស្តារកម្ពុជារក្សាសិទ្ធិក្នុងការបដិសេធសំណើណាមួយដែលមិនបំពេញតាមលក្ខខណ្ឌ ឬមិនស្របតាមតម្រូវការរបស់គម្រោង និងគោលនយោបាយលទ្ធកម្មរបស់ SK។
មានតែអ្នកដេញថ្លៃដែលត្រូវបានជ្រើសរើសដោយជោគជ័យប៉ុណ្ណោះ នឹងត្រូវបានជូនដំណឹងជាផ្លូវការ។

សូមចុចលើឯកសារភ្ជាប់ខាងក្រោមសម្រាប់ព័ត៌មានបន្ថែម។

Attachment:

_រើសអ្នកដេញថ្លៃសាងសង់និងផ្គត់ផ្គង់_ចុងក្រោយ
Application Form
Application Form