អ្នកជំនាញផ្នែកលើកកម្ពស់ជីវភាពរស់នៅសហគមាន៍
បរិយាកាសមុខតំណែង
- ប្រភេទការងារ: ផ្នែកអប់រំ/ហ្វឹកហ្វឺន/បង្រៀន, ផ្នែកអភិវឌ្ឍន៍សង្គម, ផ្នែកការងារសង្គម, ផ្នែកអភិវឌ្ឍន៍ជនបទ
- ពេលវេលា:ការងារពេញម៉ោង
- ប្រាក់ខែ: $490 - $540 អាចចរចាបាន
ដើម្បីធ្វើការសម្របសម្រួល និងអនុវត្ដផែនការសកម្មភាពរបស់គម្រោងយុវជនដើម្បីកម្ពុជាដោយផ្ទាល់ ជាមួយក្រុមគោលដៅ និងភាគីពាក់ព័ន្ធនៅតាមតំបន់គោលដៅនៃគម្រោងក្នុងស្រុកកោះញែ ខេត្ដមណ្ឌលគិរី។ តួនាទីនេះធ្វើការដោយផ្ដោតទៅលើក្រុមយុវជន និងគ្រួសារងាយរងគ្រោះ ដើម្បីលើកកម្ពស់ជីវភាពរស់នៅរបស់ពួកគេឱ្យបានល្អប្រសើរ និងពង្រឹងស្មារតី ភាពអង់អាច និងការចូលរួម ក្នុងការងារអភិវឌ្ឍន៍សហគមន៍ប្រកបដោយ ប្រសិទ្ធភាព និងប្រសិទ្ធផលខ្ពស់ ស្របតាមផែនការគោលដៅអភិវឌ្ឍន៍នៃគម្រោងយុវជនដើម្បីកម្ពុជា។
ករណីកិច្ច និងការទទួលខុសត្រូវ:
- រៀបចំផែនការ និងអនុវត្ដសកម្មភាពឱ្យស្របតាមទិសដៅ និងផែនការគោលរបស់គម្រោង ជាពិសេសក្នុងបរិបទនៃការប្រែប្រួលអាកាសធាតុ។
- សហការរៀបចំវគ្គបណ្ដុះបណ្ដាល/សិក្ខាសាលា ដើម្បីលើកកម្ពស់ការយល់ដឹងដល់ក្រុមយុវជន និងគ្រួសារងាយរងគ្រោះ ស្ដីអំពីបំណិនជីវិតផ្នែកកសិកម្ម ការចិញ្ចឹមសត្វ សហគ្រិនភាព ដើម្បីបង្កើនប្រាក់ចំណូលសំដៅដល់ការលើកកម្ពស់ជីវភាពរស់នៅ។
- ចូលរួមរៀបចំ និងផ្សព្វផ្សាយលើកកម្ពស់ការយល់ដឹងអំពីសារប្រយោជន៍នៃការសិក្សាអប់រំ និងសកម្មភាពនានាដល់យុវជន និងភាគីពាក់ព័ន្ធ នៅតាមតំបន់គោលដៅ។
- ចូលរួមប្រជុំពិភាក្សា/សិក្ខាសាលាជាមួយអាជ្ញាធរ និងភាគីពាក់ព័ន្ធសំខាន់ៗដើម្បីលើកកម្ពស់ការសហការ និងសម្រួលដល់ការអនុវត្តសកម្មភាពគម្រោង។
- តាមដានត្រួតពិនិត្យ និងវាយតម្លៃជាប្រចាំអំពីលទ្ធផល ឬផលប៉ះពាល់នៃការងារគម្រោង ព្រមទាំងប្រមូលកត់ត្រាទុករាល់ភស្ដុតាងសំខាន់ៗ ដើម្បីយកមកធ្វើការឆ្លុះបញ្ចាំងរៀនសូត្រ និងកែប្រែសកម្មភាពគម្រោងឱ្យឆ្លើយតបទាន់ពេលវេលា។
- ចូលរួមប្រជុំពិភាក្សាជាមួយភាគីពាក់ព័ន្ធផ្សេងៗ ដើម្បីស្រាវជ្រាវកំណត់បញ្ហាស្នូលថ្មីៗ ពាក់ព័ន្ធនឹងការលើកកម្ពស់ជីវភាពរស់នៅ ហើយធ្វើការដោះស្រាយឱ្យស្របតាមសភាពការណ៍ជាក់ស្ដែង និងទាន់ពេលវេលា។
- ធ្វើរបាយការណ៍ កំណត់ហេតុផ្សេងៗជាប្រចាំ និងរាយការណ៍ជូនដល់ថ្នាក់ដឹកនាំគម្រោងទាន់ពេលវេលា។
ប្រភេទនៃបេក្ខជនដែលបានរំពឹងទុក
ភាសា:
- ខ្មែរ - កម្រិតល្អ
- អង់គ្លេសត្រូវបានផ្តល់អាទិភាព
កម្រិតវប្បធម៌:
- បរិញ្ញាបត្រ ផ្នែក កសិកម្ម ឬបទពិសោធន៍ដែលទាក់ទងនឹងកសិកម្ម ការលើកកម្ពស់ជីវភាពរស់នៅ ឬវិញ្ញាបនបត្រដែលមានតម្លៃស្មើ។
ជំនាញ និងចំណេះដឹង:
ជំនាញទូទៅ និងបច្ចេកទេស
- មានបទពិសោធន៍ការងារផ្នែករកប្រាក់ចំណូល និងការលើកកម្ពស់ជីវភាពរស់នៅ។
- មានចំណេះដឹង និងបទពិសោធន៍ក្នុងកិច្ចការទំនាក់ទំនងនៅកម្រិតសហគមន៍ ថ្នាក់ក្រោមជាតិនិងថ្នាក់ជាតិ។
- មានចំណេះដឹង និងបទពិសោធន៍លើការតាមដានត្រួតពិនិត្យវឌ្ឍនភាព និងផលប៉ះពាល់គម្រោ ព្រមទាំងចេះកត់ត្រាទុករាល់ភស្ដុតាងបង្ហាញពីផលវិជ្ជមាន និងអវិជ្ជមាននៃគម្រោង ដើម្បីធ្វើការឆ្លុះបញ្ចាំង និងកែប្រែសកម្មភាពគម្រោងឱ្យកាន់តែមានប្រសិទ្ធភាពល្អ។
- មានចំណេះដឹង និងជំនាញសរសេរ អានភាសាខ្មែរ ក្នុងកម្រិតខ្ពស់ និងចេះសរសេរ អានភាសាអង់គ្លេសបានល្អ កាន់តែប្រសើរ។
- មានចំណេះដឹង និងជំនាញប្រើប្រាស់កុំព្យូទ័រ ដើម្បីបំពេញការងារ (Microsoft Word, Excel, PowerPoint, Email & Internet)។
- មានចំណេះដឹង និងជំនាញរៀបចំផែនការ ធ្វើរបាយការណ៍ និងកំណត់ហេតុផ្សេងៗ។
- ចេះបើកបរម៉ូតូ និងអាចចុះធ្វើការតាមភូមិគោលដៅរបស់គម្រោងដោយខ្លួនឯង។
ជំនាញទន់
- មានចំណេះដឹងពាក់ព័ន្ធ និងជំនាញសម្របសម្រួល ការរៀបចំកម្មវិធីបណ្ដុះបណ្ដាល ការផ្សព្វផ្សាយ និងសិក្ខាសាលានានា។
- មានឆន្ទៈ និងស្រឡាញ់ពេញចិត្ដការងារអភិវឌ្ឍសហគមន៍នៅតាមតំបន់ដាច់ស្រយាល។
- មានភាពស្មោះត្រង់ និងអនុវត្ដការងារដោយគោរពតាមគោលនយោបាយ និងគោលការណ៍ផ្សេងៗ របស់អង្គការ។
- គោរព និងផ្ដល់គុណតម្លៃលើសិទ្ធិមនុស្ស ជាពិសេស សិទ្ធិជនជាតិដើមភាគតិច និងវប្បធម៌ប្រពៃណី ដោយគ្មានការរើសអើង។
- ត្រូវជាជនជាតិខ្មែរ ដោយមានអត្តសញ្ញាណបណ្ណសញ្ជាតិខ្មែរ ។ល។
