អ្នកបច្ចេកទេស
បរិយាកាសមុខតំណែង
- ប្រភេទការងារ: ទីប្រឹក្សា / អ្នកប្រឹក្សា, ផ្នែកវិស្វករ - ស៊ីវិល, ផ្នែកវិស្វករ - ហេដ្ឋារចនាសម្ព័ន្ធ
- ពេលវេលា:ការងារពេញម៉ោង
- ប្រាក់ខែ: អត់បញ្ជាក់
មុខតំណែងនេះសម្រាប់គូរប្លង់ប្រឡាយ និងស្រះទឹកសហគមន៍តាមបទដ្ឋានបច្ចេកទេសស្តង់ដារវិស្វកម្ម
គោលបំណង
ជ្រើសរើស អ្នកបច្ចេកទេស ដើម្បីចុះសិក្សាទីតាំង និងគូរប្លង់បច្ចេកទេសគំរូ សម្រាប់ការជីកប្រឡាយ ផ្លូវអម និងស្រះទឹក នៅក្នុងសហគមន៍ព្រៃឈើព្រៃតាម៉ូវ។
លទ្ធផលរំពឹងទុក
ប្លង់គំរូប្រឡាយទឹក និងផ្លូវអមមាត់ប្រឡាយ ក្នុងព្រៃសហគមន៍ចំនួន ១ ខ្សែ និងប្លង់គំរូស្រះទឹក ក្នុងព្រៃសហគមន៍ចំនួន ២ ទីតាំង ស្របតាមបទដ្ឋាន និងស្តង់ដារបច្ចេកទេសវិស្វកម្ម។
ទីតាំង រយៈ និងពេលវេលាអនុវត្ត
- ប្រឡាយទឹក៖ ស្ថិតនៅចន្លោះចាប់ពីម្តុំ ប្រាសាទព្រៃប្រាសាទ តាមបណ្តោយព្រំប្រទល់ព្រៃសហគមន៍ រហូតដល់ចំណុច ហួសត្រពាំងគុំភ្នេញ។
- ស្រះទឹកទី ១៖ ទីតាំងជាក់លាក់ស្ថិតនៅត្រង់ចំណុច ត្រពាំងគុំភ្នេញ។
- ស្រះទឹកទី ២៖ ទីតាំងជាក់លាក់ស្ថិតនៅត្រង់ចំណុច ត្រពាំងពុរ។
ករណីកិច្ច និងការទទួលខុសត្រូវ:
- ដំណាក់កាលទី១៖ការចាប់ផ្តើម
- រៀបចំកិច្ចប្រជុំជាមួយភាគីពាក់ព័ន្ធ ដើម្បីពិភាក្សា ស្វែងយល់ និងប្រមូលព័ត៌មានបឋម។
- ពិនិត្យឡើងវិញនូវឯកសារពាក់ព័ន្ធ និងទិន្នន័យផែនទីដែលមានស្រាប់។
- សិក្សា និងយល់ដឹងឱ្យបានស៊ីជម្រៅអំពីគោលបំណង និងលទ្ធផលរំពឹងទុករបស់គម្រោង។
- ដំណាក់កាលទី២៖ ការចុះសិក្សាស្ថានភាពជាក់ស្តែងនៅទីតាំងផ្ទាល់
- ជួបប្រជុំជាមួយប្រជាសហគមន៍ និងចុះពិនិត្យមើលស្ថានភាពភូមិសាស្ត្រជាក់ស្តែង។
- សិក្សាពីប្រព័ន្ធធារាសាស្ត្រ ចរន្ត និងលំហូរទឹកក្នុងតំបន់។
- សិក្សាពីលក្ខណៈបច្ចេកទេស និងគុណភាពដី។
- សិក្សាវាយតម្លៃប្រព័ន្ធលំហូរទឹកដែលមានស្រាប់ ទាំងក្នុង និងជុំវិញតំបន់គម្រោង។
- សិក្សាវាយតម្លៃផលប៉ះពាល់លើបរិស្ថាន និងប្រព័ន្ធអេកូឡូស៊ីព្រៃឈើ។
- កំណត់ខ្សែតម្រឹម (Alignment) ប្រឡាយទឹកឱ្យស្របតាមបទដ្ឋានបច្ចេកទេស។
- កំណត់ទីតាំង ទំហំ និងប្រវែង ប្រឡាយ ផ្លូវអម និងទំហំស្រះទឹកឱ្យសមស្របតាមបទដ្ឋានបច្ចេកទេស។
- ដំណាក់កាលទី៣៖ គូរប្លង់តាមបទដ្ឋានស្តង់ដារបច្ចេកទេសវិស្វកម្ម
- រចនាប្លង់ប្រឡាយទឹក និងផ្លូវអម៖ កំណត់ប្រវែងសរុប ទទឹង ជម្រៅ មុខកាត់ខាងលើ បាតប្រឡាយ កម្រិតជម្រាល និងទំហំផ្លូវអមមាត់ប្រឡាយ។
- រចនាប្លង់ស្រះទឹក៖
- កំណត់កូអរដោនេ/ទីតាំងភូមិសាស្ត្រជាក់លាក់ និងវិមាត្រ (ប្រវែង ទទឹង ជម្រៅ)។
- គណនាបរិមាណដីត្រូវជីកកកាយ និងកម្រិតជម្រាលរលក/ជម្រាលចាំងាយ។
- រចនាប្រព័ន្ធ/រចនាសម្ព័ន្ធច្រកទឹកចូល និងច្រកទឹកចេញ។
- កំណត់វិធានការសុវត្ថិភាព និងភាពរឹងមាំនៃទំនប់/ខ្នងស្រះ។
- ដំណាក់កាលទី៤៖ ប៉ាន់ប្រមាណខ្ទង់ចំណាយ និងទំហំថវិកា
- គណនាតម្លៃដើមឯកត្តា។
- ធ្វើការប៉ាន់ប្រមាណទំហំថវិកាសរុប (BOQ - Bill of Quantities) ដែលត្រូវចំណាយលើការសាងសង់។
- កំណត់តម្រូវការសម្ភារៈ គ្រឿងចក្រ និងឧបករណ៍បច្ចេកទេសសម្រាប់សាងសង់។
- រៀបចំកាលវិភាគ និងផែនការសកម្មភាពសាងសង់។
- ដំណាក់កាលទី៥៖ ការបង្ហាញពីលទ្ធផល និងរបាយការណ៍
- រៀបចំកិច្ចប្រជុំបង្ហាញលទ្ធផលនៃការសិក្សា ព្រមទាំងប្លង់គំរូជូនដល់ភាគីពាក់ព័ន្ធ។
- រៀបចំ និងប្រគល់ របាយការណ៍បូកសរុបលទ្ធផលនៃការសិក្សា និងកញ្ចប់ប្លង់បច្ចេកទេសសមាសភាពពេញលេញ។
ប្រភេទនៃបេក្ខជនដែលបានរំពឹងទុក
កម្រិតវប្បធម៌:
- បរិញ្ញាបត្រ ផ្នែក វិស្វកម្មសំណង់ស៊ីវិល ធារាសាស្ត្រ ឬជំនាញដែលពាក់ព័ន្ធ។
ជំនាញ និងចំណេះដឹង:
ជំនាញទូទៅ និងបច្ចេកទេស
- មានបទពិសោធន៍ក្នុងការគូរប្លង់បច្ចេកទេសប្រឡាយ និងស្រះទឹកសហគមន៍ ជាមួយអង្គការក្រៅរដ្ឋាភិបាល (NGOs) ឬស្ថាប័នអភិវឌ្ឍន៍នានា។
- មានបទពិសោធន៍ធ្វើការយ៉ាងជិតស្និទ្ធជាមួយសហគមន៍នៅតាមតំបន់ជនបទ។
- មានជំនាញ និងបទពិសោធន៍ក្នុងការសម្របសម្រួលកិច្ចប្រជុំ ការធ្វើបទបង្ហាញ និងការសរសេររបាយការណ៍លទ្ធផល។
