មន្ដ្រីអប់រំមូលដ្ឋាន
- ប្រភេទការងារ: ផ្នែកអប់រំ/ហ្វឹកហ្វឺន/បង្រៀន, ផ្នែកអភិវឌ្ឍន៍សង្គម, ផ្នែកការងារសង្គម
- ពេលវេលា:ការងារពេញម៉ោង
- ប្រាក់ខែ: $350 - $380 អត្ថប្រយោជន៍ផ្សេងៗ
មុខតំណែងនេះសម្រាប់ភាសាព្រៅ និងកាវ៉ែត
វិស័យការងារ: អប់រំពហុភាសាសម្រាប់ជនជាតិដើមភាគតិចនៅកម្ពុជា
តំបន់ការងារគោលដៅ: ជាមួយនឹងការធ្វើដំណើរញឹកញាប់ និងការស្នាក់នៅក្នុងសហគមន៍ជនជាតិដើមភាគតិចជនបទ
កិច្ចសន្យាការងារ: មានថិរវេលាមិនកំណត់
របាយការណ៍ឱ្យទៅ: អ្នកសម្របសម្រួលអប់រំបរិយាបន្ន
គោលបំណងការងារ
មន្ត្រីអប់រំមូលដ្ឋាន – ព្រៅ និងកាវ៉ែត ទទួលបន្ទុកលើការអនុវត្តប្រចាំថ្ងៃ ការសម្របសម្រួល និងការតាមដានត្រួតពិនិត្យនៅកម្រិតមូលដ្ឋាន នូវសកម្មភាព MT-MLE របស់គម្រោង នៅក្នុងភូមិគោលដៅដែលនិយាយភាសាព្រៅ និងកាវ៉ែត ដើម្បីធានាថាកុមារជនជាតិដើមភាគតិចទទួលបានការអប់រំប្រកបដោយគុណភាព និងសមស្របនឹងវប្បធម៌ គ្រូបង្រៀនអនុវត្តវិធីសាស្ត្របង្រៀន MT-MLE ដែលបានកែលម្អ សិស្សដែលមានការលំបាកក្នុងការរៀន និងកុមារពិការទទួលបានការគាំទ្របន្ថែម ព្រមទាំងគំនិតអំពីភាពធន់នឹងអាកាសធាតុសមស្របតាមអាយុ ត្រូវបានណែនាំចូលក្នុងថ្នាក់រៀន។
- សម្របសម្រួល និងគាំទ្រការផ្តល់ថ្នាក់មត្តេយ្យ បឋមសិក្សា និងថ្នាក់អក្ខរកម្មនៅតាមសហគមន៍។
- ធ្វើដំណើរទៅសាលារៀន និងថ្នាក់រៀនជាប្រចាំ ដើម្បីសង្កេតការបង្រៀន ផ្តល់ការណែនាំដល់គ្រូបង្រៀនអក្ខរកម្មនៅតាមសហគមន៍។
- គាំទ្រការផ្តល់វគ្គបណ្តុះបណ្តាលគ្រូបង្រៀនក្នុងពេលបំពេញការងារ និងផ្ទៀងផ្ទាត់ការអនុវត្តវិធីសាស្ត្រ MT-MLE នៅក្នុងថ្នាក់រៀន។
- សម្របសម្រួលការសាកល្បង ការចែកចាយ និងការប្រើប្រាស់កម្មវិធីសិក្សា សៀវភៅ និងសម្ភារៈបង្រៀន-រៀន MT-MLE ជាភាសាព្រៅ និងកាវ៉ែត។
- លើកកម្ពស់ការចុះឈ្មោះចូលរៀន ការមករៀនទៀងទាត់ និងការរក្សាសិស្សឱ្យបន្តរៀន ដោយយកចិត្តទុកដាក់ ជាពិសេសលើកុមារី និងកុមារពិការ (ប្រហែល ៥%)។
- កសាងទំនាក់ទំនងការងារជាមួយនាយកសាលា គ្រូបង្រៀន គណៈកម្មការគ្រប់គ្រងសាលារៀន (SMCs) អាជ្ញាធរភូមិ និងឃុំ ឪពុកម្តាយ និងមេដឹកនាំសហគមន៍ជនជាតិដើមភាគតិច។
- ប្រមូល ផ្ទៀងផ្ទាត់ និងរាយការណ៍ទិន្នន័យមូលដ្ឋានធៀបនឹងសូចនាករគម្រោង ដោយបំបែកតាមភេទ និងពិការភាព ព្រមទាំងចងក្រងឯកសាររឿងរ៉ាវជោគជ័យ និងមេរៀនបទពិសោធន៍។
- រៀបចំផែនការសកម្មភាព ផែនការថវិកា ភស្តុភារ និងធានាការអនុលោមតាមគោលនយោបាយការពារកុមារ/ការធានាសុវត្ថិភាព និងក្រមសីលធម៌របស់អង្គការ។
- ខ្មែរ - កម្រិតល្អ
- អង់គ្លេសត្រូវបានផ្តល់អាទិភាព
- បរិញ្ញាបត្រ ផ្នែក អប់រំ វិទ្យាសាស្ត្រសង្គម អភិវឌ្ឍន៍ជនបទ ឬវិស័យពាក់ព័ន្ធ ឬមានវិញ្ញាបនបត្រ បណ្តុះបណ្តាលគ្រូបង្រៀន ឬមានបទពិសោធន៍ពាក់ព័ន្ធនានា អាចត្រូវបានពិចារណា
- គម្រោងអប់រំនៅមូលដ្ឋាន អភិវឌ្ឍន៍សហគមន៍ ឬអង្គការក្រៅរដ្ឋាភិបាល ដែលធ្វើការក្នុងសហគមន៍ជនជាតិដើមភាគតិច ឬតំបន់ជនបទដាច់ស្រយាលរយៈពេល ២ ឆ្នាំ យ៉ាងតិច
- ជំនាញរំពឹងទុក : ស្ទាត់ជំនាញភាសាព្រៅ ឬកាវ៉ែត និងភាសាខ្មែរ ជំនាញ សម្របសម្រួល ទំនាក់ទំនង បណ្ដុះបណ្ដាល ការរៀបចំផែនការ របាយការណ៍ ជំនាញកុំព្យូទ័រមូលដ្ឋាន និងកម្មវិធីប្រមូលទិន្នន័យតាមទូរស័ព្ទ
- បទពិសោធន៍ក្នុងការអប់រំពហុភាសា( MT-MLE )ការអប់រំបរិយាបន្ន ការអប់រំកុមារតូច ឬអក្ខរកម្មក្រៅប្រព័ន្ធ។
- ចេះនិយាយស្ទាត់ជំនាញភាសាព្រៅ ឬកាវ៉ែត គឺជាតម្រូវការចាំបាច់ ព្រមទាំងនិយាយ និងសរសេរភាសាខ្មែរបានល្អ ហើយមានចំណេះដឹងភាសាអង់គ្លេសជាមូលដ្ឋានរឹតតែប្រសើរ។
- ចំណេះដឹងអំពីសិទ្ធិកុមារ សមភាពយេនឌ័រ ការបញ្ចូលជនពិការ គោលការណ៍ការពារកុមារ និងការយល់ដឹងជាមូលដ្ឋានអំពីការប្រែប្រួលអាកាសធាតុ និងការកាត់បន្ថយហានិភ័យគ្រោះមហន្តរាយ។
- មានជំនាញកុំព្យូទ័រមូលដ្ឋាន (Microsoft Word, Excel, អ៊ីមែល, កម្មវិធីប្រមូលទិន្នន័យតាមទូរស័ព្ទ) និងសមត្ថភាពធ្វើការដោយឯករាជ្យនៅមូលដ្ឋាន។
- មានសមត្ថភាពបើកបរម៉ូតូដោយសុវត្ថិភាពនៅលើផ្លូវជនបទ ព្រមទាំងមានឆន្ទៈធ្វើដំណើរញឹកញាប់ និងស្នាក់នៅពេលយប់នៅភូមិគោលដៅដាច់ស្រយាល។
- មានឆន្ទៈក្នុងការចុះហត្ថលេខា និងអនុលោមតាមគោលនយោបាយការពារកុមារ/ការធានាសុវត្ថិភាព និងក្រមសីលធម៌របស់អង្គការ ព្រមទាំងទទួលការត្រួតពិនិត្យប្រវត្តិរូបតាមតម្រូវការ។
មន្ត្រីផលិតសម្ភារៈ និងគ្រូបណ្តុះបណ្តាល
- ប្រភេទការងារ: ផ្នែកអប់រំ/ហ្វឹកហ្វឺន/បង្រៀន
- ពេលវេលា:ការងារពេញម៉ោង
- ប្រាក់ខែ: $380 - $410 អត្ថប្រយោជន៍ផ្សេងៗ
មុខតំណែងសម្រាប់ភាសាកាវ៉ែត
វិស័យការងារ:អប់រំពហុភាសាសម្រាប់ជនជាតិដើមភាគតិចនៅកម្ពុជា
តំបន់ការងារគោលដៅ:ការិយាល័យ និងសហគមន៍គោលដៅជនជាតិដើមភាគតិច
កិច្ចសន្យាការងារ:មានថិរវេលាមិនកំណត់
របាយការណ៍ឱ្យទៅ:អ្នកសម្របសម្រួលអប់រំបរិយាបន្ន
គោលបំណងការងារ
អ្នកកាន់មុខតំណែងនេះទទួលបន្ទុកបង្កើត កែសម្រួល និងធានាគុណភាពសម្ភារៈបង្រៀន និងរៀនជាភាសាកាវ៉ែត ព្រមទាំងកសាងសមត្ថភាពគ្រូបង្រៀនថ្នាក់មត្តេយ្យ បឋមសិក្សា និងអក្ខរកម្ម ឱ្យចេះប្រើប្រាស់សម្ភារៈទាំងនោះ។ មុខតំណែងនេះរួមចំណែកដោយផ្ទាល់ក្នុងការលើកកម្ពស់លទ្ធភាពទទួលបានការអប់រំ ការចូលរួម និងការរៀនសូត្រជាមូលដ្ឋានសម្រាប់កុមារជនជាតិដើមភាគតិច តាមរយៈការអប់រំពហុភាសាដោយផ្អែកលើភាសាកំណើត (MT-MLE) ដែលមានលក្ខណៈបរិយាបន្ន និងសមស្របនឹងវប្បធម៌។
- បង្កើត បកប្រែ និងធ្វើបច្ចុប្បន្នភាពសៀវភៅសិក្សា សម្រាប់ថ្នាក់មត្តេយ្យ/បឋមសិក្សា និង សម្រាប់ថ្នាក់អក្ខរកម្ម ដោយស្របតាមកម្មវិធីសិក្សារបស់ក្រសួងអប់រំយុវជន និងកីឡា។
- ធានាភាពត្រឹមត្រូវនៃអក្ខរាវិរុទ្ធភាសាកាវ៉ែត សមស្របតាមវប្បធម៌ ព្រមទាំងអនុវត្តការរចនាបែបបរិយាបន្ន (រាប់បញ្ចូលកុមារពិការ និងយេនឌ័រ)។
- បញ្ចូលប្រធានបទស្ដីពីភាពធន់នឹងអាកាសធាតុ ការកាត់បន្ថយហានិភ័យគ្រោះមហន្តរាយ បរិស្ថាន និងសិទ្ធិកុមារ។
- ចងក្រងរឿងនិទាន ចម្រៀង និងចំណេះដឹងមូលដ្ឋានដោយសហការជាមួយចាស់ព្រឹទ្ធាចារ្យ/សហគមន៍ ព្រមទាំងសាកល្បងប្រើប្រាស់ក្នុងថ្នាក់រៀន និងប្រមូលមតិយោបល់ដើម្បីកែលម្អមុនពេលបោះពុម្ពផ្លូវការ។
- រៀបចំ និងផ្ដល់ការបណ្ដុះបណ្ដាលដល់គ្រូបង្រៀនថ្នាក់មត្តេយ្យ បឋមសិក្សា និងអក្ខរកម្ម ព្រមទាំងតំរង់ទិសដល់មាតាបិតា គណៈកម្មការគ្រប់គ្រងសាលារៀន (SMCs) និងសហគមន៍។
- ចុះណែនាំ តាមដាន និងគាំទ្រគ្រូបង្រៀននៅក្នុងថ្នាក់រៀនជាប្រចាំ។
- ជួយគ្រូបង្រៀនក្នុងការស្វែងរក និងជួយសិស្សដែលមានការលំបាកក្នុងការរៀនសូត្រ តាមរយៈការបង្រៀនបំប៉ន និងការគាំទ្របន្ថែម។
- ទំនាក់ទំនងការងារជាមួយសាលារៀនគោលដៅ និងភាគីពាក់ព័ន្ធ(នាយកសាលា ការិយាល័យអប់រំស្រុក មន្ទីរអប់រំ)។
- ការចូលរួមកិច្ចប្រជុំបច្ចេកទេស ក្រុមការងារអប់រំពហុភាសា (MT-MLE) និងសិក្ខាសាលាបង្កើតសម្ភារៈសិក្សា។
- ប្រមូល និងដាក់ជូនទិន្នន័យសកម្មភាពត្រឹមត្រូវ តាមទម្រង់ដែលមន្ត្រីតាមដាន និងវាយតម្លៃតម្រូវ។
- រៀបចំផែនការ និងរបាយការណ៍សកម្មភាពប្រចាំខែ ត្រីមាស និងឆ្នាំ ព្រមទាំងករណីសិក្សា និងរឿងជោគជ័យ។
- រក្សាឯកសារមេ និងការគ្រប់គ្រងកំណែនៃសម្ភារៈភាសាកាវ៉ែតទាំងអស់។
- គ្រប់គ្រងថវិកា ប្រាក់បុរេប្រទាន និងទ្រព្យសម្បត្តិគម្រោងប្រកបដោយការទទួលខុសត្រូវ។
- បំពេញភារកិច្ចពាក់ព័ន្ធផ្សេងទៀត តាមការចាត់តាំងរបស់ប្រធានផ្ទាល់។
- ខ្មែរ - កម្រិតល្អ
- អង់គ្លេសត្រូវបានផ្តល់អាទិភាព
- បរិញ្ញាបត្រ ផ្នែក អប់រំ អក្សរសាស្ត្រខ្មែរ វិទ្យាសាស្ត្រសង្គម ឬជំនាញពាក់ព័ន្ធ (ឬមានសញ្ញាបត្រ/វិញ្ញាបនបត្រគរុកោសល្យ ឬបទពិសោធន៍ពាក់ព័ន្ធនានាត្រូវបានពិចារណា។
- មានបទពិសោធន៍លើកម្មវិធីអប់រំជាភាសារយៈពេល 3 ឆ្នាំ យ៉ាងតិច
- ចាំបាច់ត្រូវចេះនិយាយ អាន និងសរសេរភាសាកាវ៉ែត។
- មានសមត្ថភាពល្អក្នុងការប្រើប្រាស់ភាសាខ្មែរ (និយាយ និងសរសេរ) បើចេះភាសាអង់គ្លេសកាន់តែប្រសើរ។
- មានបទពិសោធន៍ច្បាស់លាស់ក្នុងការបង្កើត បកប្រែ ឬកែសម្រួលសម្ភារៈសិក្សាសម្រាប់សិស្សថ្នាក់មត្តេយ្យ បឋមសិក្សា ឬអក្ខរកម្មមនុស្សពេញវ័យ។
- មានបទពិសោធន៍សម្របសម្រួលការរៀនសម្រាប់មនុស្សពេញវ័យ ការបណ្ដុះបណ្ដាលគ្រូក្នុងពេលបំពេញការងារ និងការណែនាំនៅក្នុងថ្នាក់រៀន។
- បទពិសោធន៍ធ្វើការជាមួយសហគមន៍ជនជាតិដើមភាគតិច។
- យល់ដឹងអំពីការអប់រំបរិយាបន្ន បរិយាបន្នជនមានពិការភាព សមភាពយេនឌ័រ និងកិច្ចការពារសុវត្ថិភាពកុមារ។
- យល់ដឹងអំពីការប្រែប្រួលអាកាសធាតុ ការកាត់បន្ថយហានិភ័យគ្រោះមហន្តរាយ និងបញ្ហាបរិស្ថាន។
- មានចំណេះដឹងកុំព្យូទ័រល្អ (Microsoft Word, Excel, PowerPoint, Publisher អ៊ីមែល និងអ៊ីនធឺណិត) អាចប្រើពុម្ពអក្សរយូនីកូដខ្មែរ និងកាវ៉ែត។
- មានជំនាញសម្របសម្រួល និងទំនាក់ទំនង។
- ប្ដេជ្ញាចិត្តគោរពចំពោះសិទ្ធិ វប្បធម៌របស់ជនជាតិដើមភាគតិច និងគុណតម្លៃរបស់អង្គការ។
- មានលទ្ធភាព និងឆន្ទៈធ្វើដំណើរជាញឹកញាប់ទៅភូមិ និងសាលារៀនគោលដៅដាច់ស្រយាល និងស្នាក់នៅមូលដ្ឋានពេលយប់។
- មានឆន្ទៈគោរពតាមគោលនយោបាយថែរក្សាសុវត្ថិភាពកុមារ និងក្រមសីលធម៌របស់អង្គការ ព្រមទាំងទទួលការត្រួតពិនិត្យប្រវត្តិរូបតាមតម្រូវការ។
- ស្មោះត្រង់ គួរឱ្យទុកចិត្ត មានការជម្រុញខ្លួនឯង អាចធ្វើការដោយឯករាជ្យ។
