អ្នកសរសេរករណីសិក្សា (កិច្ចសន្យាផ្តល់សេវា)
- Career Category: Consultancies
- Location: Siemreap Province
Summary
គោលបំណងនៃការជ្រើសរើសអ្នកសរសេរករណីសិក្សា
អង្គការ HURREDO ត្រូវការជ្រើសរើសអ្នកសរសេរករណីសិក្សា ដើម្បីសរសេរអត្ថបទ (ករណីសិក្សាមួយ) ដែលមានឥទ្ធិពលលើគម្រោង ការអភិរក្សព្រៃឈើសហគមន៍ និងការអភិវឌ្ឍន៍ទេសចរណ៍ ធម្មជាតិ តំបន់ភ្នំគូលែន ក្រោមជំនួយខ្នាតតូច (UNDP /SGP COMDEKS-4) ដែលបង្ហាញពីការផ្លាស់ប្តូរ លទ្ធផលលេចធ្លោរ ឬបទពិសោធន៍ជោគជ័យអ្នកទទួលផលសហគមន៍ ឬដៃគូអនុវត្តគម្រោង៖
- ចងក្រងជាឯកសារ និងសរសេរសាច់រឿងជោគជ័យ ឬការផ្លាស់ប្តូរជាវិជ្ជមានរបស់អ្នកទទួលផល ឬសហគមន៍ ដែលទាក់ទង នឹងសកម្មភាពគម្រោង COMDEKS-4។
- ផលិតខ្លឹមសារជាលាយលក្ខណ៍អក្សរ ដែលអាចប្រើប្រាស់សម្រាប់របាយការណ៍ជូន UNDP/SGP និងសម្រាប់ផ្សពផ្សាយបណ្តាញ ផ្សព្វផ្សាយសង្គម (Social Media)។
- ឆ្លុះបញ្ចាំងពីសម្លេង និងទស្សនៈផ្ទាល់របស់សហគមន៍ក្នុងទម្រង់ ដែលងាយយល់ និងមានភាពទាក់ទាញ។
ទំហំការងារ (Scope of Work)
អ្នកសរសេរករណីសិក្សា ត្រូវអនុវត្តការងារក្នុងវិសាលភាពដូចខាងក្រោម៖
- ការត្រួតពិនិត្យឯកសារបឋម (Light Desk Review)
- ពិនិត្យរបាយការណ៍វឌ្ឍនភាព រូបភាព និងឯកសារសង្ខេបស្តីពីសកម្មភាពគម្រោងដែល HURREDO ផ្តល់ឱ្យ។
- ការសម្ភាសន៍ប្រមូលរឿងរ៉ាវ (Story Collection)
- សម្ភាសន៍ជាមួយអ្នកទទួលផល ឬសមាជិកសហគមន៍ចំនួន ៣-៤ នាក់ ចុះជួបផ្ទាល់ តាមការសម្របសម្រួលរបស់ HURREDO)។
- ការសួរនាំបញ្ជាក់តាមទូរស័ព្ទអាចប្រព្រឹត្តទៅបានក្រោយពេលសម្ភាសន៍នៅសហគមន៍។
- ប្រមូលរូបថត និងសម្រង់សម្តី (Quotes) ពាក់ព័ន្ធសម្រាប់បញ្ចូលក្នុងករណីសិក្សា។
- ការនិពន្ធករណីសិក្សា
- សរសេរករណីសិក្សា/រឿងជោគជ័យ ចំនួន ១-២ ដើម្បី ជាភាសាខ្មែរ (ប្រមាណ ៣០០-៣៥០ ពាក្យ នៃករណីនិមួយៗ) ស្រប តាមទម្រង់ស្តង់ដាររបស់ HURREDO/ UNDP-SGP។
- ធ្វើការកែសម្រួលឡើងវិញ១ ដងបន្ទាប់ពីទទួលបានមតិត្រឡប់ពី HURREDO។
ការទទួលការងារ និងការត្រួតពិនិត្យ
- នាយកប្រតិបត្តិរបស់អង្គការ HURREDO ជាអ្នកសម្រេចអនុម័តលើលទ្ធផលចុងក្រោយ។
- លទ្ធផលត្រូវដាក់ស្នើសម្រាប់ត្រួតពិនិត្យក្នុងរយៈពេលមិនលើសពី ៣ថ្ងៃធ្វើការ បន្ទាប់ពីទទួលបានឯកសារ។
- ក្នុងករណីលទ្ធផលមិនត្រូវនឹងលក្ខខណ្ឌវិនិច្ឆ័យគុណភាពដែលបានកំណត់ អ្នកនិពន្ធត្រូវធ្វើការកែសម្រួលឡើងវិញ ដោយឥតគិតថ្លៃបន្ថែម ក្នុងរយៈពេលដែលបានព្រមព្រៀងគ្នា។
- ការទូទាត់ប្រាក់ ធ្វើឡើងលុះត្រាតែលទ្ធផលចុងក្រោយត្រូវបានទទួលយក និងអនុម័តជាផ្លូវការ។
Eligibility
- បញ្ចប់ការសិក្សាកម្រិតបរិញ្ញាបត្រ ក្នុងផ្នែកអភិវឌ្ឍន៍ជនបទ ឬផ្នែកពាក់ព័ន្ធ។
- មានបទពិសោធន៍យ៉ាងតិច ១-២ឆ្នាំ ក្នុងការសរសេររឿងជោគជ័យ ករណីសិក្សា ឬខ្លឹមសារទំនាក់ទំនងសម្រាប់ អង្គការ មិនរកប្រាក់ចំណេញ ឬគម្រោងអភិវឌ្ឍន៍។
- ស្ទាត់ជំនាញភាសាខ្មែរក្នុងការសរសេរ អាចប្រើភាសាអង់គ្លេសបានជាការប្រសើរ។
- មានជំនាញសម្ភាសន៍ និងចំណេះដឹងផ្នែកយេនឌ័រ និងបរិយាបន្នសង្គម។
- សំណើសង្ខេប (ការយល់ដឹងអំពីលក្ខខណ្ឌយោង និងវិធីសាស្ត្រការងារខ្លីៗ)។
- ផ្ញើរមកនូវប្រវត្តិរូបសង្ខេប (CV) មានភ្ជាប់អត្តសញ្ញាណបណ្ណ (ក្រោយពេល Short-list) ដោយមានភ្ជាប់គំរូការងារ សរសេរពីមុន (Case Study Sample) ចំនួនយ៉ាងតិចមួយ (ប្រសិនបើមាន)។
