អង្គការ DCO បាននឹងកំពុងអនុវត្តគម្រោងលើកកម្ពស់ផលិតកម្មស្បៀងអាហារប្រកបដោយនិរន្តរភាព និងបង្កើនប្រាក់ចំណូលសម្រាប់កសិករខ្នាតតូច នៅខេត្តពោធិ៍សាត់ និងខេត្តបាត់ដំបង ដែលមានរយៈពេល ៣៦ ខែ គិតចាប់ពីថ្ងៃទី ០១ ខែមិថុនា ឆ្នាំ២០២៦ ដល់ថ្ងៃទី៣០ ខែឧសភា ឆ្នាំ២០២៩។គម្រោងនេះមានគោលបំណងពង្រឹងផលិតកម្មកសិកម្មតាម រយៈការដាំដុះដំណាំដោយមានផែនការទីផ្សារច្បាស់លាស់ ការធានាប្រភពទឹកស្រោចស្រពដំណាំកសិករខ្នាតតូច និងទីផ្សារកសិផលតាមរយៈការកែច្នៃអាហារ លើកកម្ពស់ជីវភាពរស់នៅ និងបង្កើនប្រាកចំណូលរបស់កសិករខ្នាតតូចប្រកបដោយស្ថិរភាព និងពង្រឹងសមត្ថភាពកសិករបន្ស៊ាំទៅនឹងការប្រែប្រួលអាកាសធាតុសំរាប់ខេត្តពោធិ៍សាត់និងបាត់ដំបង ។
អង្គការសូមជូនដំណឹងដល់បណ្តាក្រុមហ៊ុន និងអ្នកម៉ៅការសាងសង់ទាំងអស់ដែលបានចុះបញ្ជី និងមិនបានចុះបញ្ជីអោយបានជ្រាបថា អង្គការនឹងដាក់អោយដេញថ្លៃជាសាធារណៈដើម្បីជ្រើសរើសអ្នកទទួលការងារសាងសង់ឃ្លាំង ស្ថានីយបូមទឹកសូឡា និងអាងស្តុកទឹក នៅក្នុងតំបន់គោលដៅពីរទីតាំងផ្សេងគ្នាដូចខាងក្រោមៈ
ទីតាំងសាងសង់ឃ្លាំងកែច្នៃកសិផល និងចំណីអាហារ៖ ស្ថិតនៅភូមិស្រែជង ខេត្តពោធិសាត់។
ស្ថានីយបូមទឹកសូឡា និងអាងស្តុកទឹក៖ ស្ថិតនៅភូមិទួលច្រនៀង ខេត្តបាត់ដំបង។
ក្រុមហ៊ុនឬអ្នកម៉ៅការសាងសង់ត្រូវដាក់ពាក្យសុំពិភាក្សាលើគំរោងជាមួយអង្គការ DCO ដោយភ្ជាប់មកជាមួយបទពិសោធន៍ សាងសង់គំរោងប្រហាក់ប្រហែលគំរោងខាងលើកន្លងមក។ អង្គការ DCO នឹងជ្រើសរើសយកក្រុមហ៊ុន ឬអ្នកម៉ៅការសាងសង់ចំនួនបី (03)
ក្រុមហ៊ុន ឬអ្នកម៉ៅការសាងសង់ ដើម្បីមកពិភាក្សាលំអិតលើគំរោងខាងលើមុននិងដាក់អោយដេញថ្លៃ សាងសង់ ។ ត្រូវប្រើប្រាស់សម្ភារៈនិងបច្ចេកទេសដែលមានគុណភាពស្របតាមលក្ខណៈបច្ចេកទេស និងស្តង់ដារគម្រោង។ត្រូវអនុញ្ញាតិអោយអង្គការ DCO ធ្វើការត្រួតពិនិត្យនិងតាមដានគុណភាពការងារគ្រប់ដំណាក់កាលសាងសង់។
ក្រុមហ៊ុន ឬអ្នកម៉ៅការសាងសង់ដែលមានចំណាប់អារម្មណ៍ សូមដាក់ពាក្យភ្ជាប់ជាមួយស្រោមសំបុត្របិទជិត ដែលមានភ្ជាប់ មកជាមួយបទពិសោធសាងសង់គំរោងប្រហាក់ប្រហែលនិងគំរោងខាងលើអោយបានមុន ថ្ងៃទី 10 ខែសីហា ឆ្នាំ2026 ។ កន្លែងទទួលពាក្យ៖ ការិយាល័យអង្គការ DCO នៅខេត្តពោធិសាត់ ឬផ្ញើតាមសារអេឡិចត្រូណិចដែលបានផ្ដល់ជូននៅក្នុងព័ត៌មានទំនាក់ទំនង។
បញ្ជាក់៖ អង្គការ DCO នឹងទាក់ទងទៅក្រុមហ៊ុន ឬអ្នកម៉ៅការសាងសង់ដែលជ្រើសរើសតែបី ប៉ុណ្ណោះ ។ ក្រុមហ៊ុនដែលបានជ្រើសរើសជាអាទិភាពនឹងត្រូវបានវាយតម្លៃខ្ពស់ដែលត្រូវអនុវត្តតាមគោលការណ៏កិច្ចគាំពារសុវត្ថិភាពវិធានការការការពារបរិស្ថាន ត្រូវផ្តល់ធានាគុណភាពសាងសង់បន្ទាប់ពីបញ្ឈប់ការងារមានសុពលភាពយ៉ាងតិច៣ខែ។
