សេចក្តីជូនដំណឹង អញ្ជើញចូលរួមការដេញថ្លៃលើការផ្គត់ផ្គង់សម្ភារៈ/ឧបករណ៍ ជី និងម៉ូតូរ៉ឺម៉កកង់បី សម្រាប់ការងារនៅស្ថានីយស្ពានអង្គរ និងមណ្ឌលបី និងសម្ភារៈកសិកម្មសម្រាប់កសិករដំណាំបន្លែ និងដំណាំកេរដំណែល with Live and Learn Cambodia Organization

BTDC-ID: 40107

Closing Date: 07-Jul-2026

សេចក្តីជូនដំណឹង អញ្ជើញចូលរួមការដេញថ្លៃលើការផ្គត់ផ្គង់សម្ភារៈ/ឧបករណ៍ ជី និងម៉ូតូរ៉ឺម៉កកង់បី សម្រាប់ការងារនៅស្ថានីយស្ពានអង្គរ និងមណ្ឌលបី និងសម្ភារៈកសិកម្មសម្រាប់កសិករដំណាំបន្លែ និងដំណាំកេរដំណែល

Office Address

APSARA Authority Center (មជ្ឈមណ្ឌលអាជ្ញាធរជាតិអប្សរា), Bangkaong, Ampil Sangkat, Prasat Bakong District, Siemreap Province, Cambodia

Contact Name

វន មានសុខពិសី (ផ្នែករដ្ឋបាលទូទៅ)
រ៉ម វិចិត្រ (ផ្នែកសម្ភារៈ)

Phone

Email

TO: awr.cambodia@livelearn.org

Website

www.livelearn.org

Announcement Description

អង្គការរស់នៅ និងសិក្សានៅកម្ពុជា (Live & Learn Cambodia) ជាអង្គការក្នុងស្រុក មិនរកប្រាក់ចំណេញ ដែលបានបង្កើតឡើងនៅកម្ពុជានៅឆ្នាំ២០០៥ និងបានទទួលស្គាល់ដោយក្រសួងមហាផ្ទៃនៅឆ្នាំ២០០៥។ អង្គការ LLC មានគោលបំណងចូលរួមកាត់បន្ថយភាពក្រីក្រ លើកកម្ពស់ការអភិវឌ្ឍ និងវឌ្ឍនភាពប្រកបដោយនិរន្តរភាព តាមរយៈការអប់រំ និងរៀនសូត្រ។ ការងារអាទិភាពរបស់យើង គឺគាំទ្រ និងពង្រឹងចលនាសហគមន៍ ក្នុងការធ្វើឱ្យប្រសើរឡើងនៅនិរន្តរភាពនៃបរិស្ថាននិងជីវភាព។

គម្រោងគ្រប់គ្រងទឹកអង្គរដោយប្រសិទ្ធភាព និងចីរភាព ដើម្បីភាពធន់ និងការប្រែប្រួលអាកាសធាតុ និងសង្គម-សេដ្ឋកិច្ច “Angkor Water Resilience” បង្កើតឡើងក្នុងគោលបំណងក្នុងការស្តារឡើងវិញនូវប្រព័ន្ធធារាសាស្ត្របុរាណពីសម័យអង្គរឲ្យមានដំណើរការឡើងវិញតាមរយៈការជួសជុល និងកសាងហេដ្ឋារចនាសម្ព័ន្ធធារាសាស្រ្តនានា ដើម្បីជាជំនួយដល់ការគ្រប់គ្រងទឹកក្នុងឧទ្យានអង្គរឲ្យមានប្រសិទ្ធភាព ជួយសម្រួលដល់ការស្រោចស្រពដំណាំកសិកម្ម និងការជួយកាត់បន្ថយគ្រោះរាំងស្ងួតក៏ដូចជាគ្រោះទឹកជំនន់នៅក្នុងតំបន់ផងដែរ។ លើសពីនេះទៅទៀត គម្រោងនេះមានសកម្មភាពនៅស្ថានីយបណ្តុះកូនឈើចំនួន២កន្លែង ដើម្បីបណ្តុះ និងផ្គត់ផ្គង់កូនរុក្ខជាតិដល់ការងារដាំដើមឈើនៅតាមមាត់ប្រឡាយដែលបានជួសជុល ការដាំដើមឈើឡើងវិញនៅក្នុងឧទ្យានអង្គរ និងមានផ្តល់ពូជដំណាំបន្លែ ដំណាំកេរដំណែល និងសម្ភារៈកសិកម្មជូនដល់កសិករសម្រាប់ដាំនៅក្នុងសួនបន្លែលក្ខណៈគ្រួសារផងដែរ។ ក្រៅការងារបណ្តុះនិងដាំកូនឈើ ឬដំណាំទាំងនេះ យើងក៏មានកម្មវិធីផលិតនូវជីកំប៉ុស និងដីស្រកីដូងកិននៅតាមស្ថានីយបណ្តុះកូនឈើទាំងពីរកន្លែងផងដែរ។ ដោយជីកំប៉ុសបានផលិតឡើងដោយការលាយចូលគ្នានូវស្លឹកឈើនិងមែកឈើស្រស់ ស្លឹកឈើងាប់ដែលជ្រុះនៅក្នុងតំបន់បេតិកភណ្ឌអង្គរ និងលាមកសត្វ ដែលវាជួយផ្តល់ជាសារធាតុចិញ្ចឹមដូចជាសារធាតុដែកដល់ដីដែលបានបាត់បង់។ រីឯស្រកីដូងនឹងត្រូវបានប្រមូលពីហាង ឬភោជនីយដ្ឋានក្នុងតំបន់អង្គរ រួចយកកិនឲ្យម៉ត់ ដោយស្រកីដូងកិននេះនឹងជួយរក្សាសំណើមនៅក្នុងដីឲ្យបានយូរ ដើម្បីកាត់បន្ថយការប្រើប្រាស់ទឹក ជាពិសេសនៅរដូវប្រាំង។

ដូច្នេះ ដើម្បីគាំទ្រសកម្មភាព និងដំណើរការការងារទាំងអស់នេះ យើងមានតម្រូវការក្នុងការផ្គត់ផ្គង់សម្ភារៈ/ឧបករណ៍ប្រើប្រាស់ ជី ម៉ូតូរ៉ឺម៉កកង់បី និងសម្ភារៈកសិកម្ម ដើម្បីប្រើប្រាស់ជាប្រចាំ។

សេចក្តីជូនដំណឹង អញ្ជើញចូលរួមការដេញថ្លៃលើការផ្គត់ផ្គង់សម្ភារៈ/ឧបករណ៍ ជី និងម៉ូតូរ៉ឺម៉កកង់បី សម្រាប់ការងារនៅស្ថានីយស្ពានអង្គរ និងមណ្ឌលបី និងសម្ភារៈកសិកម្មសម្រាប់កសិករដំណាំបន្លែ និងដំណាំកេរដំណែល

Career Category: Invitation for Bids
Location: Siemreap Province

Summary

សមាសធាតុសម្រាប់ការងារដេញថ្លៃ៖

អញ្ជើញចូលរួមការដេញថ្លៃលើការផ្គត់ផ្គង់សម្ភារៈ/ឧបករណ៍ ជី និងម៉ូតូរ៉ឺម៉កកង់បី សម្រាប់ការងារនៅស្ថានីយស្ពានអង្គរ និងមណ្ឌលបី និងសម្ភារៈកសិកម្មសម្រាប់កសិករដំណាំបន្លែ និងដំណាំកេរដំណែល។

ប្រភេទលទ្ធកម្ម៖ ការដាក់ពាក្យស្នើសុំដេញថ្លៃ

ទីតាំង៖

សម្ភារៈក្នុងឧបសម្ព័ន្ធ I និង II នឹងត្រូវដឹកជញ្ជូនមកកាន់ស្ថានីយបណ្តុះកូនឈើមណ្ឌលបី ស្ថិតក្នុងភូមិមណ្ឌលបី សង្កាត់ស្លក្រាម និងស្ថានីយស្ពានអង្គរ ស្ថិតក្នុងភូមិក្រវ៉ាន់ សង្កាត់នគរធំ ក្រុងសៀមរាប ខេត្តសៀមរាប។
សម្ភារៈក្នុងឧបសម្ព័ន្ធ III និង IV នឹងត្រូវដឹកជញ្ជូនមកកាន់ការិយាល័យគម្រោង ក្នុងភូមិបង្កោង ឃុំអំពិល ស្រុកប្រាសាទបាគង និង នៅភូមិពាម ឃុំដូនកែវ ស្រុកពួក ខេត្តសៀមរាប។

ប្រភេទ៖ សម្ភារៈ និងឧបករណ៍ ដូចបានភ្ជាប់មកជាមួយឧបសម្ព័ន្ធខាងក្រោម៖

ឧបសម្ព័ន្ធ I: សម្ភារៈ/ឧបករណ៍ និងជីប្រើប្រាស់
ឧបសម្ព័ន្ធ II: ម៉ូតូរ៉ឺម៉កកង់បី
ឧបសម្ព័ន្ធ III: សម្ភារៈកសិកម្ម
ឧបសម្ព័ន្ធ IV: គ្រាប់ពូជដំណាំ

បញ្ជាក់៖ អ្នកចូលរួមដេញថ្លៃអាចធ្វើការដាក់ពាក្យស្នើសុំដេញថ្លៃរាល់សម្ភារៈ/ទំនិញទាំងអស់ខាងក្រោម ឬសម្ភារៈ/ទំនិញមួយចំនួនដែលមាន ឬតាមឧបសម្ព័ន្ធណាមួយ ដោយមានបញ្ជាក់ប្រភេទ និងខ្នាតឱ្យបានត្រឹមត្រូវដែលមាននៅក្នុងឧបសម្ព័ន្ធទាំងនេះ។

សម្រាប់អ្នក/ក្រុមហ៊ុនដែលចូលរួមដាក់ពាក្យដេញថ្លៃ គឺតម្រូវឲ្យបំពេញឯកសារឲ្យបានពេញលេញក្នុងផ្នែកនីមួយៗដែលតម្រូវ ដូចមានបញ្ជាក់លម្អិតនៅក្នុង ឯកសារណែនាំស្តីពីការចូលរួមដេញថ្លៃនិងសូមបញ្ជាក់ឲ្យបានច្បាស់នូវគម្រូ លក្ខណៈបច្ចេកទេស(Specification) ខ្នាតប្រភេទ និងតម្លៃឯកតា និងតម្លៃរួមរបស់សម្ភារៈនីមួយៗ ដោយបិទឲ្យជិតរួចផ្ញើមកការិយាល័យអង្គការ Live & Learn ដែលមានទីតាំងនៅក្នុងមជ្ឈមណ្ឌលអាជ្ញាធរជាតិអប្សរា ក្នុងភូមិបង្កោង ឃុំអំពិល ស្រុកប្រាសាទបាគង ខេត្តសៀមរាបព្រះរាជាណាចក្រកម្ពុជា។

ទម្រង់បែបបទ និងឯកសារឧបសម្ព័ន្ធ គឺមានភ្ជាប់មកជាមួយ ឬមាននៅការិយាល័យគម្រោងដែលបានបញ្ជាក់ខាងលើ ឬស្នើសុំតាមរយៈអ៊ីម៉ែល ឬលេខតេលេក្រាមដែលបានផ្ដល់ជូននៅក្នុងព័តមានទំនាក់ទំនង។

ក្រុមហ៊ុនផ្គត់ផ្គង់ដែលចូលរួមដាក់ពាក្យស្នើសុំដេញថ្លៃត្រូវតែភ្ជាប់ឯកសារយោងពាក់ព័ន្ធនានា ដូចដែលមានចែងលម្អិតនៅក្នុងឯកសារណែនាំស្តីពីការចូលលរួមដេញថ្លៃ។ គណៈកម្មការលទ្ធកម្ម និងប្រតិបត្តិការ នឹងបើកការប្រជុំនៅក្រោយថ្ងៃបិទបញ្ចប់ទទួលឯកសារដេញថ្លៃ និងធ្វើការសម្រេចយកអ្នកផ្គត់ផ្គង់ដែលមានលក្ខណសម្បត្តិគ្រប់គ្រាន់សមស្របទៅតាមលក្ខណៈវិនិច្ឆ័យរបស់គណៈកម្មការ(មិនអនុញ្ញាតឱ្យមានការចូលរួមពីភាគីខាងអ្នក/ក្រុមហ៊ុនផ្គត់ផ្គង់នោះទេ)។

រាល់ឯកសារដែលបានដាក់មកដើម្បីធ្វើការដេញថ្លៃទាំងឡាយនឹងត្រូវបានរក្សាទុកជាការសម្ងាត់។

សម្រាប់ពត៌មានបន្ថែម ទាក់ទងនឹងការបំពេញឯកសារដេញថ្លៃ និងការដាក់ឯកសារ សូមធ្វើការទាក់ទងមកកាន់៖

Attachment:

1_1__Tender_Announcement_Materials_in_2_nurseries_and_agriculture
1_1__Tender_Announcement_Materials_in_2_nurseries_and_agriculture
1_2___Tender_Document_Materials_in_2_nurseries_and_agriculture
1_2___Tender_Document_Materials_in_2_nurseries_and_agriculture
១_ពាក្យស្នើសុំដេញថ្លៃផ្គត់ផ្គង់សម្ភារៈកសិកម្មដំណាំបន្លែ_និងដំណាំកេរដំណែល
Annex I for Nursery tool and materials
Annex II for Tricycle
Annex III material Agriculture
Annex IV Seeds