បរិយាយ​ពី​គម្រោង​៖ អង្គការ​អប់រំ​សុខភាព​ និង​បរិស្ថាន​ ហៅ​កាត់​ថា​កាត់​ (EHE) បាន​និង​កំពុង​អនុវត្តន៍​ គម្រោង​ អភិវឌ្ឍន៍​សេដ្ឋ​ កិច្ច​ របស់​សហគមន៍​ ជនជាតិ​ដើម​ភាគតិច​កួយ​ តាមរយៈ​លើក​កម្ពស់​សន្តិសុខ​ទឹក​ស្អាត​ដោយ​ប្រើប្រាស់​ថាមពល​ ពន្លឺព្រះអាទិត្យ​ និង​ពង្រឹង​ការ​គ្រប់គ្រង​ធនធានធម្មជាតិ​ គំាទ្រមូលនិធិពី​ UNDP/GEF SGP ប្រចាំ​ប្រទេសកម្ពុជា​ ដែល​មាន​រយៈពេល​ ១១ខែ​ ចាប់ពី​ខែ​សីហា​ ឆ្នាំ​២០២៥ រហូតដល់​ខែ​មិថុនា​ ឆ្នាំ​២០២៦។ គម្រោង​នេះ​អនុវត្ត​ជាមួយ​សហគមន៍​ចំនួន​២ នៅ​សហគមន៍​ព្រៃ​ ឈើ​ក្បាល​ខ្លា​ សហគមន៍​ព្រៃឈើ​អូរ​ដាស់​ស្គរ​ ដែល​មាន​ ៣ភូមិ​ តក្នុង​ឃុំ​សណ្តាន់​ និង​ឃុំ​មាន​រិទ្ធិ​ ស្រុក​សណ្តាន់​ ខេត្ត​កំពង់ធំ​។

គម្រោង​បាន​អនុវត្ត​រយៈពេល​១០ខែក​ន្លង​មកនេះ​ ហើយនឹង​បញ្ចប់​នៅ​ក្នុង​ខែ​មិថុនា​ ឆ្នាំ​២០២៦ ខាងមុខ​។ ដូចនេះ​ គម្រោង​ធ្វើការ​ជ្រើសរើស​ក្រុមហ៊ុន​ ឬនីតិបុគ្គល​ វាយ​តម្លៃ​បញ្ចប់​គម្រោង​ ក្នុង​គោលបំណង​ ធ្វើការ​វាយ​តម្លៃ​ទៅលើ​ប្រសិទ្ធ​ភាព​ និង​ឥទ្ធិពល​ដែល​ស្តែង​ចេញពី​ការ​អនុវត្ត​សកម្មភាព​នានា​របស់​គម្រោង​ ដើម្បី​កត់ត្រា​បទ​ ពិសោធន៍​ល្អ​ៗ ចងក្រង​ជាមេរៀន​ដែល​ ទទួល​បាន​ពី​ការ​អនុវត្ត​គម្រោង​និង​ ផ្តល់ជា​អនុសាសន៍​នានា​សម្រាប់​ជាគោល​គំនិត​ក្នុង​ការរៀបចំ​គម្រោង​ ដើម្បី​ទុក​អនុវត្ត​ ពេលក្រោយ​ៗទៀត​។