សេចក្តីជូនដំណឹងស្តីពីការជ្រើសរើសអ្នកធ្វើតេស្តដី គូរប្លង់អគារសិក្សា និងជួសជុលបណ្ណាល័យ
- Career Category: Invitation for Bids
- Location: Kratie Province
Summary
អង្គការកាហ្វដុកត្រូវការជ្រើសរើសអ្នកធ្វើតេស្តដី គូរប្លង់អគារសិក្សា និងជួសជុលបណ្ណាល័យ នៅតាមទីកន្លែងដូចខាងក្រោម៖
- ធ្វើតេស្តដីសម្រាប់សាងសង់អគារសិក្សា (១ខ្នង មាន៤បន្ទប់ ទំហំ៩ម៉ែត្រx៣២ម៉ែត្រកម្ពស់៦.៦១ម៉ែត្រ ពីធ្នឹមបាតដល់ដំបូលខាងលើ) ដែលមានទីតាំងនៅសាលាបឋមសិក្សាប្រម៉ា ភូមិប្រម៉ា ឃុំកំពង់ដំរី ស្រុកឆ្លូង ខេត្តក្រចេះ។
- គូរប្លង់អគារសិក្សា (១ខ្នង មាន៤បន្ទប់ ទំហំ៩ម៉ែត្រx៣២ម៉ែត្រកម្ពស់៦.៦១ម៉ែត្រ ពីធ្នឹមបាតដល់ដំបូលខាងលើ) ដែលមានទីតាំងនៅសាលាបឋមសិក្សាប្រម៉ា ភូមិប្រម៉ា ឃុំកំពង់ដំរី ស្រុកឆ្លូង ខេត្តក្រចេះ។
- គូរប្លង់សម្រាប់ជួសជុលបណ្ណាល័យ (១ខ្នង មាន១បន្ទប់ ទំហំ ៩ម៉ែត្រx៧ម៉ែត្រ) ដែលមានទីតាំងនៅសាលាបឋមសិក្សាព្រែកចំឡាក់ ភូមិព្រែកចំឡាក់ ឃុំកញ្ជរ ស្រុកឆ្លូង ខេត្តក្រចេះ។
លក្ខខណ្ឌនៃការធ្វើតេស្តដី
- ធ្វើការខួងដីដើម្បីពិនិត្យមើលកំហាប់ដី សម្រាប់សាងសង់អគារសិក្សា ១ខ្នង មាន៤បន្ទប់ទំហំ៩ម៉ែត្រx៣២ម៉ែត្រកម្ពស់៦.៦១ម៉ែត្រ ពីធ្នឹមបាតដល់ដំបូលខាងលើ។
- ធ្វើរបាយការណ៍ពីលទ្ធផលដែលបានពីការធ្វើតេស្តដី ហើយបញ្ជូនមកអង្គការកាហ្វដុក
លក្ខខណ្ឌនៃគំនូរប្លង់
- គោរពតាមគោលការណ៍នៃការការពារបរិស្ថាន និងការប្រែប្រួលអាកាសធាតុ (ឧ. គ្រប់សម្ភារៈសំណង់ទាំងអស់មិនត្រូវប្រើប្រាស់ឈើ)
- គោរពតាមគោលការណ៍កុមារមេត្រីសម្រាប់បឋមសិក្សា (ឧ. មានទ្វារនិងបង្អួចធំសមល្មមអាចមានខ្យល់អាកាសគ្រប់គ្រាន់)
- គោរពតាមគោលនយោបាយកិច្ចការពារ និងសុខមាលភាពកុមារ (ឧ. មិនប្រើប្រាស់សម្ភារៈដែលបង្កគ្រោះថ្នាក់ដល់សុខភាពដូចជាប្រភេទអាបេស្តូស (Asbestos)
- គោរពតាមគោលការណ៍សមភាពយែនឌ័រ ពិការភាព និងបរិយាប័នសង្គម (ឧ. ត្រូវមានជម្រាលជនពិការ សម្រាប់សាលារៀន)។
- ត្រូវប៉ាន់ប្រមាណតម្លៃសម្ភារៈ នៃការសាងសង់ឱ្យស្របតាមតម្លៃទីផ្សារ និងស្ថានភាពនៅតំបន់គោលដៅ
- គ្រប់គំនូរប្លង់ទាំងអស់ត្រូវភ្ជាប់មកជាមួយតារាងប៉ាន់ប្រមាណតម្លៃសម្ភារៈ the bill of quantity (BoQ)
- ពង្រាងគំនូរប្លង់និងត្រូវយកមកឆ្លងយោបល់ជាមួយគណៈគ្រប់គ្រងរបស់អង្គការកាហ្វដុកនិងអង្គការឆាលហ្វាន កម្ពុជា ដើម្បីធ្វើការកែសម្រួលតាមតម្រូវការ។
