សេចក្តីប្រកាសជូនដំណឹងស្តីពី ការជ្រើសរើសក្រុមហ៊ុនសំណង់ ដើម្បីចូលរួមដេញថ្លៃគម្រោងសាង់សង់ និងកែលម្អ អគារសិក្សា មត្តេយ្យ ចំនួន ៣ ទីតាំង with Krousar Yoeung

BTDC-ID: 39355

Closing Date: 21-Apr-2026

សេចក្តីប្រកាសជូនដំណឹងស្តីពី ការជ្រើសរើសក្រុមហ៊ុនសំណង់ ដើម្បីចូលរួមដេញថ្លៃគម្រោងសាង់សង់ និងកែលម្អ អគារសិក្សា មត្តេយ្យ ចំនួន ៣ ទីតាំង

Office Address

House No.577, Street 3 orAntamin, Sangkat Kakab, Khan Pur SenChey, Phnom Penh, Cambodia
Open the Map

Contact Name

លោកស្រី ភួង គ្រឹះស្នា ប្រធានរដ្ឋបាល សមាគមគ្រួសារយើង
លោក ឡាំ ម៉េងលី វិស្វករ គម្រោង
លោក ប៉ុក ទ្រី នាយកប្រតិបត្តិ អង្គការកុមារកម្ពុជារីករាយ
លោក អ៊ុន វិរៈ នាយកប្រតិបត្តិរង អង្គការកុមារកម្ពុជារីករាយ

Phone

Email

Socials

Announcement Description

សមាគមគ្រួសារយើង ជាសមាគមខ្មែរក្នុងស្រុកមួយ ដែលបង្កើតឡើងក្នុងគោលបំណង លើកកម្ពស់ សុខមាលភាព បញ្ញា និងការអភិវឌ្ឍន៍របស់កុមារ ពង្រឹងសមត្ថភាពថែទាំ និងអប់រំរបស់ឪពុកម្ដាយ ចំពោះកូនៗ និងបង្កើនជីវភាពភាពម្ចាស់ការ និងការទទួលខុសត្រូវរបស់គ្រួសារក្រីក្រដោយពុំស្វែង រកកម្រៃ មិនប្រកាន់សាសនា និងនិន្នាការនយោបាយណាមួយឡើយ។ សមាគមយើង ជាដៃគូរយុទ្ធសាស្រ្ត ជាមួយ មូលនិធិ គីន ឆាន (Kinchan Foundation) ដើម្បីអនុវត្តកម្មវិធី គម្រោងកុមារកម្ពុជារីករាយ ក្នុងការលើកកំពស់គុណភាព និងសេវាអប់រំ កំរិតមត្តេយ្យសិក្សា ក្នុងខេត្ត គោលដៅ មួយចំនួនក្នុងប្រទេសកម្ពុជា រួមមាន៖ ខេត្ត សៀមរាប រតនគិរីក្រចេះ ត្បូងឃ្មុំ កំពង់ចាម ព្រៃវែង ស្ទឹងត្រែង និង បន្ទាយមានជ័យ។

សេចក្តីប្រកាសជូនដំណឹងស្តីពី ការជ្រើសរើសក្រុមហ៊ុនសំណង់ ដើម្បីចូលរួមដេញថ្លៃគម្រោងសាង់សង់ និងកែលម្អ អគារសិក្សា មត្តេយ្យ ចំនួន ៣ ទីតាំង

Career Category: Invitation for Bids
Location: Ratanak Kiri Province, Banteay Meanchey Province

Summary

នៅឆ្នាំ ២០២៦នេះ គម្រោង មានផែនការពង្រីក សាលាគោលដៅថ្មី ចំនួន ០៣ បន្ថែមទៀត ក្នុងខេត្តគោលដៅ ចំនួន ២ខេត្ត ដែលចែកចេញជា ០២(ពីរ) ហ្សូន គឺ៖ ហ្សូន០១(Zone01) ក្នុងខេត្ត រតនគិរី និងហ្សូន២ (Zone02) ក្នុងខេត្ត បន្ទាយមានជ័យ គម្រោងសាងសង់ និងកែលម្អអគារសិក្សាក្នុងហ្សូន០១ ស្ថិតក្នុងខេត្តរតនគិរី មានសំណង់អគារសិក្សាថ្មី ចំនួន ១ ខ្នង មាន ៤ បន្ទប់ និងអគាពហុបំណង ១ ខ្នង។

ហ្សូន០២ ស្ថិតក្នុងខេត្ត បន្ទាយមានជ័យ មានគោលដៅទាំងចំនួនពីរគឺ៖

សំណង់អគារសិក្សាថ្មី ចំនួន ២ ខ្នង មាន ៤ បន្ទប់ និង សំណង់កែលម្អ ១ខ្នង មាន ០៤បន្ទប់ ព្រមទាំងអគារពហុបំណង ចំនួន ២ ខ្នង) ។

សេចក្តីជូនដំណឹង ប្រកាសជ្រើសរើសក្រុមហ៊ុនសំណង់

សេចក្តីប្រកាសជូនដំណឹងនេះ គឺជាការផ្តល់ជូនដំណឹងអំពីគម្រោងសាងសង់និងកែលម្អអគារសិក្សាមត្តេយ្យ តាមទីតាំងខាងលើ ជាសាធារណៈ ដល់បណ្តាក្រុមហ៊ុន សំណង់ផ្សេងៗ ក្នុងព្រះរាជាណាចក្រកម្ពុជា ដើម្បីដាក់ ពាក្យស្នើរសុំចូលរួមដេញថ្លៃ គម្រោង ជាមួយសមាគមគ្រួសារយើង។

មានភ្ជាប់ជូន នូវគំនូរូបភាព អគារតាមប្រភេទផ្សេងៗ ដែលត្រូវសាងសង់។

ការដាក់ពាក្យស្នើរសុំចូលរួមដេញថ្លៃគម្រោង

ក្រោយថ្ងៃប្រកាសជូនដំណឹងនេះ ក្រុមហ៊ុនសំណង់ ទាំងឡាយ ដែល ចាប់អារម្មណ៍ ចង់ចូលរួម ដេញថ្លៃគម្រោង អាចដាក់ពាក្យស្នើរសុំចូលរួម ដោយភ្ជាប់ជូននូវឯកសារខាងក្រោម មកកាន់សមាគមគ្រួសារយើងអោយបាន មុនកាលកំណត់។

លិខិតចំណាប់អារម្មណ៍ របស់ក្រុមហ៊ុន ចំនួន ១ ច្បាប់
សៀវភៅប្រវត្តិការងារ ឬ ប្រូហ្វាលរបស់ក្រុមហ៊ុន ១ ច្បាប់
ឯកសារថត ចម្លង នៃ លិខិតចុះបញ្ជីក្រុមហ៊ុន
ឯកសារថត ចម្លង បណ្ណ័បប៉ាតង់ ពន្ធអាករ របស់ក្រុមហ៊ុន ១ ច្បាប់

បញ្ជាក់៖លិខិតចំណាប់អារម្មណ៌របស់ក្រុមហ៊ុនត្រូវផ្ញើរកាន់Email ដែលបានផ្ដល់ជូននៅក្នុងព័តមានទំនាក់ទំនង។

កិច្ចប្រជុំតម្រង់ទិស ស្តីអំពីអំពីការងារសាងសង់ ឬកែលម្អអគារមត្តេយ្យសិក្សា

ក្រោយពីទទួលបាន ពាក្យស្នើរសុំ ចូលរួមដេញថ្លៃ របស់ក្រុមហ៊ុន គណៈកម្មការដេញថ្លៃដែលមានការចូលរួមពីតំណាងម្ចាស់មូលនិធិ (អង្គការកុមារ កម្ពុជារីករាយ) និងត្រួតពិនិត្យ លើពាក្យស្នើរសុំ និងឯកសារផ្សេងៗ ដែលភ្ជាប់មកជាមួយ ដើម្បីសម្រេចថា ក្រុមហ៊ុនណាខ្លះ អាចបន្តការចូលរួមដំណើការដេញថ្លៃបន្ត។ កិច្ចប្រជុំតម្រង់ទិសនេះ គណៈកម្មការដេញថ្លៃ និងវិស្វកររបស់សមាគមគ្រួសារយើង នឹងធ្វើការបង្ហាញអំពីគម្រោង សាងសង់ឬកែលម្អ លម្អិត ដូចជាការបង្ហាញ គំនូប្លង់វិស្វកម្ម និងស្ថាបត្យកម្ម ព្រមជាមួយបរិមាណឬទំហំការងារ (BoQ) និង ប្រភេទសម្ភារៈសំណង់ដែលតម្រូវប្រើប្រាស់ ក្នុងការងារសាងសង់ឬកែលម្អសំណង់អគារមត្តេយ្យ។

ការចុះសិក្សានៅតាមទីតាំងជាក់ស្តែង

ក្រោយពីកិច្ចប្រជុំណៃនាំ ការងារសាងសង់ ឬកែលម្អអគារមត្តេយ្យ ក្រុមហ៊ុនតម្រូវអោយចុះទៅសិក្សាដល់ទីតាំង និមួយៗ មុននឹងអាចដាក់សំណើរដេញថ្លៃ។

បញ្ជាក់៖ ការខកខានសកម្មភាពនេះ សិទ្ធិចូលរួមចូលរួមដេញថ្លៃ របស់ក្រុមហ៊ុន នឹងត្រូវបានដកចេញ។

ការចុះកិច្ចសន្យាគម្រោងសាងសង់ សំណង់ឬកែលម្អអគារមត្តេយ្យ

ការចុះកិច្ចសន្យាគម្រោងសាងសង់ រវាង ម្ចាស់គម្រោង (សមាគមគ្រួសារយើង) និង ក្រុមហ៊ុនដែលទទូលសិទ្ធិសាងសង់ ឬកែលម្អ ត្រូវធ្វើឡើងមុខ មេធាវី និង តំណាងម្ចាស់មូលនិធិ (អង្គការកុមារកម្ពុជារីករាយ) ហើយឯកសារកិច្ចសន្យា ក៏ នឹង ត្រូវប្រថាប់ត្រាដោយមេធាវីផងដែរ។

ក្រោយទទួលបានសេចក្តីប្រកាសជូនដំណឹងនេះ ក្រុមហ៊ុនសំណង់ទាំងឡាយណាដែលមានការចាប់អារម្មណ៍ លើកិច្ចការនេះ សូមរួសរាន់ ក្នុងដាក់ពាក្យស្នើរសុំចូលរួមដេញថ្លៃគម្រោងជាមួយសមាគមគ្រួសារយើងអោយបាន ទាន់ពេលវេលា។ ដំណើការដាក់ពាក្យស្នើរ សុំចូល រួមដេញថ្លៃគម្រោងនេះ មានរៀបរាប់ ក្នុងចំនុច ២ ខាងលើ ។

កាលកំណត់ឈប់ទទួលពាក្យ គិតត្រឹមម៉ោង ២ រសៀល ថ្ងៃទី ២១ ខែ មេសា ឆ្នាំ ២០២៦។

Attachment:

សេចក្តីប្រកាសជូនដំណឹងស្តីពី_ការជ្រើសរើសក្រុមហ៊ុនសំណង់_ដើម្បីចូលរួម