សេចក្តីជូនដំណឹងអញ្ជើញចូលរួមការដេញថ្លៃលើការផ្គត់ផ្គង់សម្ភារៈជាង និងសំណង់ដើម្បីសាងសង់តូបតាំង និងលក់កសិផលរបស់កសិករគម្រោងដែលស្ថិតនៅក្នុងបរិវេណសួនរុក្ខជាតិអង្គរ with Live and Learn Cambodia Organization

BTDC-ID: 39344

Closing Date: 07-May-2026

សេចក្តីជូនដំណឹងអញ្ជើញចូលរួមការដេញថ្លៃលើការផ្គត់ផ្គង់សម្ភារៈជាង និងសំណង់ដើម្បីសាងសង់តូបតាំង និងលក់កសិផលរបស់កសិករគម្រោងដែលស្ថិតនៅក្នុងបរិវេណសួនរុក្ខជាតិអង្គរ

Office Address

APSARA Authority Center (មជ្ឈមណ្ឌលអាជ្ញាធរជាតិអប្សរា), Bangkaong, Ampil Sangkat, Prasat Bakong District, Siemreap Province, Cambodia

Contact Name

វន មានសុខពិសី (ផ្នែករដ្ឋបាលទូទៅ)
រ៉ម វិចិត្រ (ផ្នែកសម្ភារៈ)

Phone

Email

TO: awr.cambodia@livelearn.org

Socials

Website

www.livelearn.org

Announcement Description

អង្គការរស់នៅ និងសិក្សានៅកម្ពុជា (Live & Learn Cambodia) ជាអង្គការក្នុងស្រុក មិនរកប្រាក់ចំណេញ ដែលបានបង្កើតឡើងនៅកម្ពុជានៅឆ្នាំ២០០៥ និងបានទទួលស្គាល់ដោយក្រសួងមហាផ្ទៃនៅឆ្នាំ២០០៥។ អង្គការរស់នៅ និងសិក្សានៅកម្ពុជា (Live & Learn Cambodia) មានគោលបំណងចូលរួមកាត់បន្ថយភាពក្រីក្រ លើកកម្ពស់ការអភិវឌ្ឍ និងវឌ្ឍនភាពប្រកបដោយនិរន្តរភាព តាមរយៈការអប់រំ និងរៀនសូត្រ។ ការងារអាទិភាពរបស់យើង គឺគាំទ្រ និងពង្រឹងចលនាសហគមន៍ ក្នុងការធ្វើឱ្យប្រសើរឡើងនៅនិរន្តរភាពនៃបរិស្ថាននិងជីវភាព។

គម្រោងគ្រប់គ្រងទឹកអង្គរដោយប្រសិទ្ធភាព និងចីរភាព ដើម្បីភាពធន់ និងការប្រែប្រួលអាកាសធាតុ និងសង្គម-សេដ្ឋកិច្ច “Angkor Water Resilience” បង្កើតឡើងក្នុងគោលបំណងក្នុងការស្តារឡើងវិញនូវប្រព័ន្ធធារាសាស្ត្របុរាណពីសម័យអង្គរឲ្យមានដំណើរការឡើងវិញតាមរយៈការជួសជុល និងកសាងហេដ្ឋារចនាសម្ព័ន្ធធារាសាស្រ្តនានា ដើម្បីជាជំនួយដល់ការគ្រប់គ្រងទឹកក្នុងឧទ្យានអង្គរឲ្យមានប្រសិទ្ធភាព ជួយសម្រួលដល់ការស្រោចស្រពដំណាំកសិកម្ម និងការជួយកាត់បន្ថយគ្រោះរាំងស្ងួតក៏ដូចជាគ្រោះទឹកជំនន់នៅក្នុងតំបន់ផងដែរ។

ក្រៅពីការងារហេដ្ឋារចនាសម្ព័ន្ធធារាសាស្រ្តក្នុងឧទ្យានអង្គរ គម្រោងក៏មានសកម្មភាពលើកស្ទួយជីវភាពរបស់ប្រជាពលរដ្ឋនៅក្នុងតំបន់គោលដៅមួយចំនួន តាមរយៈការគាំទ្រកសិករចំនួន៦០០គ្រួសារ ក្នុងការអនុវត្តការងារកសិកម្មដំណាំលក្ខណៈគ្រួសារ និងចំនួន៥០០គ្រួសារដើម្បីដាំដុះដំណាំកេរដំណែល។

ដើម្បីជាការរួមចំណែកក្នុងការគាំទ្រសកម្មភាពកសិកម្មខាងលើ ក៏ដូចជាការចូលរួមផ្សព្វផ្សាយអំពីដំណាំកេរដំណែលផងដែរនោះ គម្រោងបានរៀបចំទីតាំងដើម្បីធ្វើការសាងសង់តូបដាក់តាំង និងលក់កសិផលរបស់កសិករគម្រោង ដែលមានទីតាំងស្ថិតនៅក្នុងសួនរុក្ខជាតិអង្គររបស់អាជ្ញាធរជាតិអប្សរា។

សេចក្តីជូនដំណឹងអញ្ជើញចូលរួមការដេញថ្លៃលើការផ្គត់ផ្គង់សម្ភារៈជាង និងសំណង់ដើម្បីសាងសង់តូបតាំង និងលក់កសិផលរបស់កសិករគម្រោងដែលស្ថិតនៅក្នុងបរិវេណសួនរុក្ខជាតិអង្គរ

Career Category: Invitation for Bids
Location: Siemreap Province

Summary

សមាសធាតុសម្រាប់ការងារដេញថ្លៃ៖

ការអញ្ជើញចូលរួមស្នើសុំការដេញថ្លៃលើការផ្គត់ផ្គង់សម្ភារៈជាង និងសំណង់ដើម្បីសាងសង់តូបតាំង និងលក់កសិផលរបស់កសិករគម្រោង ដែលស្ថិតនៅក្នុងបរិវេណសួនរុក្ខជាតិអង្គរ។

ប្រភេទលទ្ធកម្ម៖ ការដាក់ពាក្យស្នើសុំដេញថ្លៃ

ទីតាំង៖ សម្ភារៈទាំងអស់នឹងត្រូវដឹកជញ្ជូនមកកាន់រោងជាងក្នុងបរិវេណសួនរុក្ខជាតិអង្គរ ស្ថិតក្នុងភូមិមណ្ឌលបី សង្កាត់ស្លក្រាម ក្រុងសៀមរាប ខេត្តសៀមរាប។

ប្រភេទ៖ សម្ភារៈនិងទំនិញ ដូចបានភ្ជាប់មកជាមួយឧបសម្ព័ន្ធខាងក្រោម៖

ឧបសម្ព័ន្ធ: សម្ភារៈជាង និងសំណង់

បញ្ជាក់៖ អ្នកចូលរួមដេញថ្លៃអាចធ្វើការដាក់ពាក្យស្នើសុំដេញថ្លៃរាល់សម្ភារៈ/ទំនិញទាំងអស់ខាងក្រោម និងមានបញ្ជាក់ប្រភេទ និងខ្នាតឱ្យបានត្រឹមត្រូវដែលមាននៅក្នុងឧបសម្ព័ន្ធ។

សម្រាប់អ្នក/ក្រុមហ៊ុនដែលចូលរួមដាក់ពាក្យដេញថ្លៃ គឺតម្រូវឲ្យបំពេញឯកសារឲ្យបានពេញលេញក្នុងផ្នែកនីមួយៗដែលតម្រូវ ដូចមានបញ្ជាក់លម្អិតនៅក្នុង ឯកសារណែនាំស្តីពីការចូលរួមដេញថ្លៃនិងសូមបញ្ជាក់ឲ្យបានច្បាស់នូវគម្រូ លក្ខណៈបច្ចេកទេស(Specification) ខ្នាតប្រភេទ និងតម្លៃឯកតា និងតម្លៃរួមរបស់សម្ភារៈនីមួយៗ ដោយបិទឲ្យជិតរួចផ្ញើមកការិយាល័យអង្គការ Live & Learn ដែលមានទីតាំងនៅក្នុងមជ្ឈមណ្ឌលអាជ្ញាធរជាតិអប្សរា។

ទម្រង់បែបបទ និងឯកសារឧបសម្ព័ន្ធ គឺមានភ្ជាប់មកជាមួយ ឬមាននៅការិយាល័យគម្រោងដែលបាន

បញ្ជាក់ខាងលើ ឬស្នើសុំតាមរយៈអ៊ីម៉ែល ឬលេខតេលេក្រាម។

ក្រុមហ៊ុនផ្គត់ផ្គង់ដែលចូលរួមដាក់ពាក្យស្នើសុំដេញថ្លៃត្រូវតែភ្ជាប់ឯកសារយោងពាក់ព័ន្ធនានា ដូចដែលមានចែងលម្អិតនៅក្នុងឯកសារណែនាំស្តីពីការចូលលរួមដេញថ្លៃ។ គណៈកម្មការលទ្ធកម្ម និងប្រតិបត្តិការ នឹងបើកការប្រជុំនៅក្រោយថ្ងៃបិទបញ្ចប់ទទួលឯកសារដេញថ្លៃ និងធ្វើការសម្រេចយកអ្នកផ្គត់ផ្គង់ដែលមានលក្ខណសម្បត្តិគ្រប់គ្រាន់សមស្របទៅតាមលក្ខណៈវិនិច្ឆ័យរបស់គណៈកម្មការ(មិនអនុញ្ញាតឱ្យមានការចូលរួមពីភាគីខាងអ្នក/ក្រុមហ៊ុនផ្គត់ផ្គង់នោះទេ)។

រាល់ឯកសារដែលបានដាក់មកដើម្បីធ្វើការដេញថ្លៃទាំងឡាយនឹងត្រូវបានរក្សាទុកជាការសម្ងាត់។

សម្រាប់ពត៌មានបន្ថែម ទាក់ទងនឹងការបំពេញឯកសារដេញថ្លៃ និងការដាក់ឯកសារ សូមធ្វើការទាក់ទងមកកាន់ ពត៌មានផ្នែករដ្ឋបាលទូទៅ ឬទាក់ទងនឹងផ្នែកសម្ភារៈដែលបានផ្ដល់ជូននៅក្នុងព័តមានទំនាក់ទំនង។

Attachment:

1-1_ Tender Announcement_Materials_for_Stall
1-2__TenderDocument_Materials_for_Stall_39344
Annex for Stall