បរិយាយ​អំពី​គម្រោង​÷ អង្គការ​មជ្ឈមណ្ឌល​អប់រំ​ច្បាប់​សម្រាប់​សហគមន៍​ (CLEC) គឺជា​អង្គការ​មិនមែន​រដ្ឋាភិបាល​ក្នុងស្រុក​ មិន​រក​ប្រាក់ចំណេញ​។ CLEC បាន​ចុះបញ្ជី​ជា​ផ្លូវការ​ជាមួយ​ក្រសួងមហាផ្ទៃ​ លេខ​1261 ស.ជ.ណចុះ​ថ្ងៃ​ទី​២១ ខែ​ ធ្នូ​ ឆ្នាំ​២០០១ និង​មានការិយា​ល័យក​ណ្តាល​ ស្ថិតនៅ​អគារ​លេខ​២៣៧ ផ្លូវលំ​ ភូមិ​ថ្មី​ សង្កាត់​ដង្កោ​ ខណ្ឌ​ដង្កោ​ រាជធានី​ភ្នំពេញ​។ បច្ចុប្បន្ន​ អង្គការ​ CLEC បាន​និង​កំពុង​អនុវត្ត​គម្រោង​ “លើក​កម្ពស់​សេដ្ឋកិច្ច​សហគមន៍​ជនជាតិ​ដើម​ភាគតិច​ព្នង​ ភូមិ​អន្ត្រេះ ខេត្ត​មណ្ឌលគិរី​ ដើម្បី​ចូលរួម​កាត់បន្ថយ​ការប្រែប្រួល​អាកាសធាតុ​” ដោយមាន​ការ​គាំទ្រ​មូលនិធិ​ពី​ កម្មវិធី​ជំនួយ​ខ្នាត​តូច​នៃ​មូលនិធិ​បរិស្ថាន​ ពិភពលោក​តំណាក់កាល​ទី​៧ UNOPS GEF SGP ប្រចាំ​ប្រទេសកម្ពុជា​ ដែល​រួមចំណែក​លើក​កម្ពស់​សេដ្ឋកិច្ច​សហគមន៍​ជនជាតិ​ដើម​ភាគតិច​ប៊ូនង ភូមិ​អន្ត្រេះ (មណ្ឌលគិរី​) ដើម្បី​ទទួលស្គាល់​តួនាទី​នៃ​ដែនដី​ និង​ទឹកដី​របស់​ជនជាតិ​ដើម​ភាគតិច​ក្នុង​ការ​រួមចំណែក​កាត់បន្ថយ​ការប្រែប្រួល​អាកាសធាតុ​។

គម្រោង​នេះ​មាន​រយៈពេល​10ខែ​ ចាប់ពី​ថ្ងៃ​ទី​០៤ខែកញ្ញា​ ឆ្នាំ​២០២៥ ដល់​ ថ្ងៃ​ទី​៣០ ខែ​មិថុនា​ ឆ្នាំ​២០២៦ខាងមុខនេះ​។ ដូច្នេះ​ អង្គការ​ CLEC នឹង​ធ្វើការ​ជ្រើសរើស​ក្រុមហ៊ុន​ ឬនីតិបុគ្គល​ ទី​ឬប្រឹក្សា​ឯករាជ្យ​ ដែល​មាន​ជំនាញ​ ដើម្បី​ចងក្រង​និង​ផលិត​វី​ដេអូ​ឯកសារ​ដែល​មាន​រយ​:ពេល​មិន​លើស​ពី​១០នាទី​ ចំនួន​០១ខ្សែ​ ដោយ​ចងក្រង​នូវ​បទពិសោធន៍​ល្អ​ៗ និង​មេរៀន​នានា​ដែល​ទទួល​បាន​ពី​ការ​អនុវត្ត​គម្រោង​ ការចូលរួម​ និង​ការ​បង្ហាញ​ពី​សមិទ្ធផល​ដែល​គម្រោង​ដែល​បាន​អនុវត្ត​រួចមក​ហើយ​ ដើម្បី​ជាមេរៀន​ចែកចាយ​ទៅដល់​សហគមន៍​ និង​អ្នក​ពាក់ព័ន្ធ​ផ្សេងទៀត​។