សេចក្ដីជូនដំណឹងជ្រើសរើស សេវាកម្ម ការផលិតវីដេអូអប់រំខ្លី សម្រាប់ផ្សព្វផ្សាយតាមរយៈបណ្តាញសង្គម ស្តីពី ការមានរដូវ
- Career Category: Invitation for Bids
- Location: Phnom Penh
Summary
គោលបំណងនៃការផលិតវីដេអូ៖
- ដើម្បីចងក្រងជាឯកសារអប់រំដែលមានគុណភាពខ្ពស់ សម្រាប់ផ្សព្វផ្សាយតាមប្រព័ន្ធអនឡាញ ស្របតាមបរិបទ និងនិន្នាការយុគសម័យឌីជីថល។
- ដើម្បីផ្តល់សារអប់រំដល់ប្រជាជននៅតាមសហគមន៍ជាពិសេសស្រ្តីនិងក្មេងស្រី ឱ្យយល់ដឹងអំពីការមានរដូវ និងការរក្សាអនាម័យ។
ទំហំការងារ៖
- វីដេអូខ្លី (រយៈពេល ១-៣នាទី) លំនាំ Hybrid approach (AI និងreal human faces) និងវិធីសាស្រ្ត Dialogue ដើម្បីបង្កើនភាពរស់រវើក ទាក់ទាញ អារម្មណ៍ដិតជាប់ និងប្រសិទ្ធភាព។
- ខ្លឹមសារឆ្លើយតបនឹងយេនឌ័រ បរិយាបន្ន និងងាយយល់
- ធ្វើការផ្សព្វផ្សាយតាមរយៈបណ្តាញសង្គម (Boosting)
- ត្រួតពិនិត្យ engagement and reach ផ្តល់របាយការណ៍ និងអនុសាសន៍
លក្ខណៈនៃវីដេអូ៖
- វីដេអូនឹងផលិតជាភាសាខ្មែរ
- ត្រូវមាន Sub-title ជាភាសាអង់គ្លេស
- ត្រូវមានបញ្ចូលភាសាកាយវិការសម្រាប់អ្នកមានពិការភាព (sign language)
- ផ្តល់ Flash នៃវីដេអូច្បាប់ដើម
ពេលវេលានិងដំណើរការផលិត៖
- ជ្រើសរើស និងចុះកិច្ចសន្យាជាមួយក្រុមហ៊ុនផលិតវីដេអូ នៅសប្តាហ៍ទី៣ ខែមីនា ឆ្នាំ២០២៦
- រៀបចំ Script, storyboard, Storyline នៅសប្តាហ៍ទី៤ ខែមីនា ឆ្នាំ២០២៦។
- ការងារផលិតវីដេអូ នៅសប្តាហ៍ទី៤ ខែមីនា និងសប្តាហ៍ទី១ ខែមេសា ឆ្នាំ២០២៦។
- ពិនិត្យ ផ្តល់យោបល់ និងកែសម្រួលវីដេអូ នៅសប្តាហ៍ទី២ ខែមេសា ឆ្នាំ២០២៦។
- ពិនិត្យនិងសម្រេចលើវីដេអូ នៅសប្តាហ៍ទី៣ ខែមេសា ឆ្នាំ២០២៦។
- ផ្សព្វផ្សាយតាមបណ្តាញសង្គម និងសហគមន៍ នៅសប្តាហ៍ទី១ ខែឧសភា ឆ្នាំ២០២៦។
- តាមដាននិងប្រមូលមតិត្រឡប់ នៅសប្តាហ៍ទី២ ខែមិថុនា ឆ្នាំ២០២៦។
តួនាទី និងភារកិច្ច (Roles and Responsibilities)
- បង្កើតគំនិត និងផលិតវីដេអូដោយភាពច្នៃប្រឌិត ស្របតាមខ្លឹមសារបច្ចេកទេសផ្តល់ដោយនាយកដ្ឋានសុខភាពក្រសួងកិច្ចការនារី
- វីដេអូអប់រំផ្សព្វផ្សាយ ត្រូវអនុលោមតាមគោលការណ៍សមភាពយេនឌ័រ និងបរិបទវប្បធម៌
- ផ្តល់លទ្ធផលមានគុណភាពស្របតាមកាលបរិចេ្ឆទដែលបានព្រមព្រៀង
កម្មសិទ្ធិបញ្ញា៖
- វីដេអូដែលបានផលិតហើយ នឹងក្លាយជាកម្មសិទ្ធិរបស់ក្រសួងកិច្ចការនារី និងអង្គការភ្លែនអន្តរជាតិ ប្រចាំនៅកម្ពុជា។
- វីដេអូនឹងត្រូវប្រើប្រាស់សម្រាប់ប្រយោជន៍សង្គម និងមិនមែនក្នុងគោលដៅធ្វើជំនួញទេ។
Eligibility
- មានជំនាញ និងភាពច្នៃប្រឌិតក្នុងការផលិតវីដេអូអប់រំផ្សព្វផ្សាយទាក់ទងនឹងប្រធានបទ
- បទពិសោធន៍ក្នុងការងារលើកកម្ពស់សមភាពយេនឌ័រ ឬសុខភាពសាធារណៈ
- មានទំនាក់ទំនងល្អ និងមានទំនួលខុសត្រូវខ្ពស់
