ក្រោមការឧបត្ថម្ភមូលនិធិដោយកិច្ចសហប្រតិបត្តិការកម្ពុជាអាល្លឺម៉ង់ (BMZ) តាមរយៈអង្គការចូហារនីទ័រជំនួយអន្តរជាតិ (Johanniter International Assistance) និងកម្មវិធីជំនួយខ្នាតតូចនៃគំនិតផ្តួចផ្តើមអាកាសធាតុអន្តរជាតិ (IKI) ដែលពង្រឹងដល់ដំណោះស្រាយមូលដ្ឋានសម្រាប់សកម្មភាពអាកាសធាតុ និងជីវចម្រុះ។ អង្គការរស់នៅ និងសិក្សានៅកម្ពុជា (អង្គការLLC) ប្រកាសសជ្រើសរើសអ្នកផ្គត់ផ្គង់សម្ភារៈកសិកម្ម សម្រាប់សួនបង្ហាញកសិកម្មរបស់អង្គការLLC ដែលនឹងក្លាយជាមណ្ឌលរៀនសូត្រកសិកម្មសម្រាប់កសិករក្នុងខេត្តរតនគិរី។
សមាសធាតុសម្រាប់ការងារដេញថ្លៃ៖
ការអញ្ជើញចូលរួមស្នើសុំការដេញថ្លៃលើការផ្គត់ផ្គង់សម្ភារៈកសិកម្ម
ប្រភេទលទ្ធកម្ម៖ ការដាក់ពាក្យស្នើសុំដេញថ្លៃ
ប្រភេទ៖ ដូចបានភ្ជាប់មកជាមួយឧបសម្ព័ន្ធខាងក្រោម៖
សម្រាប់អ្នកដែលចូលរួមដាក់ពាក្យដេញថ្លៃ គឺតម្រូវឲ្យបំពេញឯកសារឲ្យបានពេញលេញក្នុងផ្នែកនីមួយៗដែលតម្រូវ ដូចមានបញ្ជាក់លម្អិតនៅក្នុង ឯកសារណែនាំស្តីពីការចូលរួមដេញថ្លៃ(សូមបញ្ជាក់ឲ្យបានច្បាស់នូវគម្រូ លក្ខណៈបច្ចេកទេស(Specification) និងតម្លៃ) ដោយបិទឲ្យជិតរួចផ្ញើមកការិយាល័យអង្គការ Live & Learn ដែលមានទីតាំងនៅទីស្នាក់ការកណ្តាល ឬ ទីស្នាក់ការខេត្តរតនគិរី។
កាលបរិច្ឆេទឈប់ទទួលពាក្យដេញថ្លៃ គឺថ្ងៃទី១៥ ខែមីនា ឆ្នាំ ២០២៦។
ទម្រង់បែបបទ និងឯកសារឧបសម្ព័ន្ធ គឺមានភ្ជាប់មកជាមួយ ជាសេចក្តីប្រកាសស្តីពីការដេញថ្លៃ។
ក្រុមហ៊ុនផ្គត់ផ្គង់ដែលចូលរួមដាក់ពាក្យស្នើសុំដេញថ្លៃត្រូវតែ ភ្ជាប់ឯកសារយោងពាក់ព័ន្ធនានាដូចដែលមានចែងលម្អិតនៅក្នុងឯកសារណែនាំស្តីពីការចូលលរួមដេញថ្លៃ ។ គណៈកម្មការលទ្ធកម្ម នឹងបើកការប្រជុំនៅក្រោយថ្ងៃបិទបញ្ចប់ទទួលឯកសារដេញថ្លៃ និងធ្វើការសម្រេចយកអ្នកផ្គត់ផ្គង់ដែលមានលក្ខណសម្បត្តិគ្រប់គ្រាន់សមស្របទៅតាមលក្ខណៈវិនិច្ឆ័យរបស់គណៈកម្មការ។
រាល់ឯកសារដែលបានដាក់មកដើម្បីធ្វើការដេញថ្លៃទាំងឡាយនឹងត្រូវបានរក្សាទុកជាការសម្ងាត់។
សម្រាប់ពត៌មានបន្ថែម ទាក់ទងនឹងការបំពេញឯកសារដេញថ្លៃ និងការដាក់ឯកសារ សូមធ្វើការទាក់ទងមកកាន់ពត៌មានផ្នែករដ្ឋបាលទូទៅ ឬ ផ្នែកសម្ភារៈដែលបានផ្ដល់ជូននៅក្នុងព័តមានទំនាក់ទំនង។
