អញ្ជើញចូលរួមដេញថ្លៃ ឬម៉ៅការសារសង់ស្នាក់ការល្បាតរងនៃដែនជម្រកសត្វព្រៃកែវសីមា និងការកែលំអប្រព័ន្ធសូឡាពី៥ផ្ទាំង ទៅ៨ផ្ទាំង និងរៀបចំប្រព័ន្ធភ្លើង រួមទាំងសម្ភារមួយចំនួនទៀត with Wildlife Conservation Society

BTDC-ID: 38713

Closing Date: 10-Mar-2026

អញ្ជើញចូលរួមដេញថ្លៃ ឬម៉ៅការសារសង់ស្នាក់ការល្បាតរងនៃដែនជម្រកសត្វព្រៃកែវសីមា និងការកែលំអប្រព័ន្ធសូឡាពី៥ផ្ទាំង ទៅ៨ផ្ទាំង និងរៀបចំប្រព័ន្ធភ្លើង រួមទាំងសម្ភារមួយចំនួនទៀត

Office Address

No. 21, St. 21, Sangkat Tonle Basak, Khan Chamkar Mon, Phnom Penh, Cambodia
Kaev Seima District, Mondul Kiri Province, Cambodia

Contact Name

Wildlife Conservation Society (WCS)

Phone

085 757 601

Email

TO: cprak@wcs.org

Website

wcscambodia.org

Announcement Description

អង្គការសមាគមអភិរក្សសត្វព្រៃ (Wildlife Conservation Society – WCS) គឺជាអង្គការក្រៅរដ្ឋាភិបាលអន្តរជាតិ ដែលបានបង្កើតឡើងនៅឆ្នាំ ១៨៩៥ ដោយផ្តោតលើការងារអភិរក្សជីវៈចម្រុះ ការពារ និងសង្គ្រោះសត្វព្រៃ និងព្រៃឈើ តាមរយៈការស្រាវជ្រាវវិទ្យាសាស្ត្រ សកម្មភាពអភិរក្ស ការអប់រំ និងការជំរុញឱ្យប្រជាពលរដ្ឋផ្តល់តម្លៃដល់ធម្មជាតិ។ អង្គការ WCS ប្រចាំប្រទេសកម្ពុជា មានវត្តមានចាប់តាំងពីឆ្នាំ ១៩៩៩ ដោយបានអនុវត្តការងារអភិរក្សជីវៈចម្រុះ និងការគ្រប់គ្រងតំបន់ការពារធម្មជាតិជាច្រើននៅក្នុងប្រទេសកម្ពុជា។ អង្គការអង្គការ WCS ប្រចាំប្រទេសកម្ពុជា បានអនុវត្តសកម្មភាពរបស់ខ្លួនតាមវិធីសាស្ត្រដ៏ទូលំទូលាយក្នុងការអភិរក្ស ដោយរួមបញ្ចូលការស្រាវជ្រាវវិទ្យាសាស្ត្រ គំនិតផ្តួចផ្តើមសម្រាប់សហគមន៍ និងភាពជាដៃគូជាមួយរាជរដ្ឋាភិបាល និងអង្គការក្នុងតំបន់។ ការការពារព្រៃឈើតំបន់ត្រូពិច ដែលសម្បូរទៅដោយកាបូន មានសារៈសំខាន់ក្នុងការកាត់បន្ថយផលប៉ះពាល់ពីជំងឺឆ្លងផ្សេងៗ និងការជួញដូរសត្វព្រៃខុសច្បាប់។ ជាមួយគ្នានេះផងដែរ អង្គការ WCS បានខិតខំពង្រីកវិសាលភាពសកម្មភាពរបស់ខ្លួនទៅលើការអភិរក្សប្រភេទជីវៈចម្រុះ និងប្រព័ន្ធអេកូឡូស៊ីផ្សេងៗទៀត។

ដែនជម្រកសត្វព្រៃកែវសីមាមានផ្ទៃដីសរុប ៣១៧.៤៥៦ ហិកតា ស្ថិតនៅភាគខាងកើតនៃប្រទេសកម្ពុជា ដែលភាគច្រើនស្ថិតក្នុងភូមិសាស្ត្រខេត្តមណ្ឌលគិរី និងមួយផ្នែកតូចស្ថិតក្នុងភូមិសាស្ត្រខេត្តក្រចេះ។ ដែនជម្រកសត្វព្រៃកែវសីមា ត្រូវបានបង្កើតឡើងនៅឆ្នាំ ២០១៦ និងបានកែប្រែផ្ទៃដីតាមរយៈអនុក្រឹត្យលេខ ១៨២ អនក្រ.បក ចុះថ្ងៃទី ១៧ ខែកក្កដា ឆ្នាំ ២០២៣។ រាជរដ្ឋាភិបាលកម្ពុជា តំណាងដោយក្រសួងបរិស្ថាន តាមរយៈកិច្ចសហការជាមួយអង្គការ WCS បាន និងកំពុងអនុវត្តគម្រោងរេដបូក (REDD+) ក្នុងដែនជម្រកសត្វព្រៃកែវសីមា ដើម្បីទទួលបានថវិកាសម្រាប់គាំទ្រការគ្រប់គ្រង និងអភិរក្សធនធានធម្មជាតិ ព្រមទាំងជួយលើកកម្ពស់ជីវភាពរស់នៅរបស់សហគមន៍មូលដ្ឋាន ដែលរស់នៅក្នុង និងជុំវិញតំបន់គម្រោង។

អញ្ជើញចូលរួមដេញថ្លៃ ឬម៉ៅការសារសង់ស្នាក់ការល្បាតរងនៃដែនជម្រកសត្វព្រៃកែវសីមា និងការកែលំអប្រព័ន្ធសូឡាពី៥ផ្ទាំង ទៅ៨ផ្ទាំង និងរៀបចំប្រព័ន្ធភ្លើង រួមទាំងសម្ភារមួយចំនួនទៀត

Career Category: Invitation for Bids
Location: Mondul Kiri Province

Summary

អង្គការ WCS សូមអញ្ជើញក្រុមហ៊ុន ឬអ្នកម៉ៅការសំណង់ ដែលមានសមត្ថភាព និងបទពិសោធន៍ ចូលដាក់សំណើដេញថ្លៃក្នុងន័យប្រកួតប្រជែង និងស្របតាមតម្លៃទីផ្សារ សម្រាប់ការសាងសង់ស្នាក់ការល្បាតរងមួយខ្នង ការសាងសង់របង ការដំឡើងប្រព័ន្ធថាមពលព្រះអាទិត្យ (សូឡា) និងប្រព័ន្ធភ្លើង នៅភូមិស្រែអ៊ី សង្កាត់រមនា ក្រុងសែនមនោរម្យ ខេត្តមណ្ឌលគិរី។ ការងារសាងសង់នេះគ្រោងនឹងចាប់ផ្តើមចាប់ពីខែមីនា ដល់ខែសីហា ឆ្នាំ២០២៦ ដោយអនុវត្តតាមលក្ខខណ្ឌបច្ចេកទេស គំនូសប្លង់ និងសម្រង់តម្លៃ ដែលបានបញ្ជាក់លម្អិតនៅក្នុងឧបសម្ព័ន្ធ ក។ ក្នុងករណីដែលក្រុមហ៊ុន ឬអ្នកម៉ៅការយល់ឃើញថា លក្ខខណ្ឌបច្ចេកទេសដែលបានកំណត់ មានចំណុចខ្វះខាត ឬអាចកែសម្រួលឱ្យប្រសើរឡើងបាន អាចដាក់សំណើបំពេញបន្ថែមទៅតាមសមត្ថភាពបច្ចេកទេសរបស់ខ្លួន។

ឧបសម្ព័ន្ធ B៖ ទម្រង់កិច្ចសន្យាសំណង់។ អ្នកទទួលបានការងារត្រូវអនុវត្តការងារទាំងអស់ឱ្យស្របតាមលក្ខខណ្ឌ និងលក្ខខណ្ឌដែលបានកំណត់នៅក្នុងឧបសម្ព័ន្ធ B។

ឯកសារផ្លូវច្បាប់ដែលត្រូវភ្ជាប់ (ច្បាប់ចម្លងមានសុពលភាព)
វិញ្ញាបនបត្រចុះបញ្ជីអាជីវកម្ម
វិញ្ញាបនបត្រពន្ធប៉ាតង់
វិញ្ញាបនបត្រពន្ធអាករ (VAT)
លិខិតអនុញ្ញាតពីក្រុមហ៊ុនផលិតដែលពាក់ព័ន្ធ (បើមាន)
លក្ខខណ្ឌធានាគុណភាព
អ្នកផ្គត់ផ្គង់ត្រូវផ្តល់៖
ការធានាពីក្រុមហ៊ុនផលិត (យ៉ាងតិច ១ ឆ្នាំ លុះត្រាតែមានការកំណត់ផ្សេងនៅក្នុងលក្ខណៈបច្ចេកទេស)
ព័ត៌មានអំពីសេវាកម្មបន្ទាប់ពីការលក់
លក្ខខណ្ឌបដិសេធសម្រង់តម្លៃ
សម្រង់តម្លៃនឹងត្រូវបដិសេធ ប្រសិនបើ៖
ដាក់មកដោយមិនបានបិទស្រោម ឬស្រោមដែលបានបើករួច
មិនពេញលេញ ឬខ្វះឯកសារដែលត្រូវការ
មិនស្របតាមលក្ខណៈបច្ចេកទេស
ដាក់ដោយគ្មានការអញ្ជើញ ដាក់យឺត ឬដាក់មិនត្រឹមត្រូវតាមនីតិវិធី
មានតម្លៃ ឬលក្ខខណ្ឌមិនច្បាស់លាស់

លោកអ្នកត្រូវបានអញ្ជើញឱ្យដាក់សំណើ ដេញថ្លៃជាឯកសារបិទជិត និងជាប្រាក់ដុល្លារអាមេរិក ស្របតាមសេចក្តីណែនាំ និងលក្ខខណ្ឌដូចបានរៀបរាប់ខាងក្រោម៖

បែបបទណែនាំសម្រាប់ការដាក់ពាក្យ

ឯកសារសម្រង់តម្លៃ
តម្រូវឱ្យ ដាក់ក្នុងស៊ីមីបិទជិត
តម្រូវឱ្យយកឯកសារដាក់នៅអង្គការWCSផ្ទាល់ដែលមានទីតាំងដូចបានផ្ដល់ជូននៅក្នុងព័ត៌មានទំនាក់ទំនង
មិនទទួលឯកសារ ឬពាក្យដេញថ្លៃដាក់ក្រោយពេលកំណត់
ឯកសារដេញថ្លៃត្រូវមានរក្សាតម្លៃទុកឧ្យយ៉ាងតិចបំផុត៣០ថ្ងៃបន្ទាប់ពីថ្ងៃផុតកំណត់
មិនទទួលឯកសារដេញថ្លៃជា អ៊ីមេល ឬឯកសារជាអេឡិចត្រូនិច

ទំនាក់ទំនងសម្រាប់ការស្នើសុំបញ្ជាក់បន្ថែម

រាល់សំណើសុំការបញ្ជាក់បន្ថែម ត្រូវធ្វើជាលាយលក្ខណ៍អក្សរ ទៅកាន់៖

លទ្ធកម្មសម្រាប់ព័ត៌មានការដាក់ឯកសារដេញថ្លៃ
សម្រាប់បច្ចេកទេស ឬការត្រួតពិនិត្យទីកន្លែង

តាមរយៈអ៊ីម៉ែល ឬលេខទូរសព្ទដែលបានផ្ដល់ជូននៅក្នុងព័ត៌មានទំនាក់ទំនងលម្អិត។

ការស្នើសុំព័ត៌មានបន្ថែមនឹងបិទត្រឹមថ្ងៃទី២៧ ខែកុម្ភៈ ឆ្នាំ២០២៦ ម៉ោង៥ល្ងាច។

ឯកសារដេញថ្លៃផ្នែកតម្លៃ

ក្រុមហ៊ុនដេញថ្លៃ ត្រូវបំពេញតម្លៃឯកតា ឬតម្លៃសម្ភារ និងការងារទាំងអស់ក្នុងសម្រង់តម្លៃដែលបានបញ្ជាក់នៅក្នុងបរិមាណការងារនៃកិច្ចការសាងសង់នេះ។
រាល់មុខទំនិញ/សម្ភារ និងកិច្ចការផ្សេងៗ ដែលមានបរិមាណនៅក្នុងសម្រង់តម្លៃ តែគ្មានតម្លៃឯកតា នោះមុខទំនិញ និងកិច្ចការនោះនឹងមិនត្រូវបានទូទាត់ជូនក្រុមហ៊ុនដេញថ្លៃឡើយ នៅពេលអនុវត្តការសាងសង់ ហើយត្រូវ ចាត់ទុកថាបានបញ្ជូលទៅក្នុងមុខទំនិញ និងកិច្ចការផ្សេងៗទៀតដែលមាននៅក្នុងសម្រង់តម្លៃរួចរាល់ហើយ ហើយវានឹងមិនមែនជាហេតុផលដើម្បីផ្លាស់ប្តូរតម្លៃដេញថ្លៃនោះទេ។
អង្គការ WCS ចាំបាច់តម្រូវឱ្យ ក្រុមហ៊ុនដេញថ្លៃ ដាក់ជូនការវិភាគលម្អិតនៃតម្លៃឯកតា ឬតម្លៃជាក់លាក់នៅក្នុងសម្រង់តម្លៃ ឬសំណើហិរញ្ញវត្ថុរបស់ខ្លួនដើម្បីងាយស្រួល និងសម្រួលនៃដំណើរការវាយតម្លៃ។
លក្ខខណ្ឌការទូទាត់ប្រាក់ដែលស្របតាមការបញ្ចប់ការងារនីមួយៗ

លក្ខខណ្ឌទូទៅនៃការដាក់ដេញថ្លៃ

ក្រុមហ៊ុនដេញថ្លៃ ដែលការដាក់ស្នើត្រូវបានទទួលយកដោយ WCS នឹងត្រូវតម្រូវឱ្យអនុវត្តកិច្ចសន្សាការងារជាលាយ លក្ខណ៍អក្សរជាមួយ WCS ដែលមានលក្ខខណ្ឌ និងបទប្បញ្ញត្តិផ្សេងៗភ្ជាប់ជូនក្នុងឧបសម្ព័ន្ធ ខ។

ឧបសម្ព័ន្ធ ក៖ បរិមាណការងារ គំនូរប្លង់ និងផែនទីកំណត់ទីតាំងសាងសង់ សូមទាញយកតាមរយៈតំណរភ្ជាប់នេះ។

ឧបសម្ព័ន្ធ ខ៖ ទម្រង់កិច្ចសន្យាសាងសង់ជាភាសាខ្មែរ និងភាសាអង់គ្លេស សូមទាញយកឯកសារគំរូកិច្ចសន្យាការងារតាមរយៈតំណរភ្ជាប់នេះ។

Attachment: