ការអញ្ជើញចូលរួមដេញថ្លៃលើការផ្ដត់ផ្គង់សម្ភារៈកសិកម្មសម្រាប់កសិករដាំដុះដំណាំបន្លែ with Live and Learn Cambodia Organization

BTDC-ID: 37878

Closing Date: 05-Jan-2026

ការអញ្ជើញចូលរួមដេញថ្លៃលើការផ្ដត់ផ្គង់សម្ភារៈកសិកម្មសម្រាប់កសិករដាំដុះដំណាំបន្លែ

Office Address

Building 54 (Room 502), St. 598, Boeng Kak Ti 2 Sangkat, Khan Tuol Kouk, Phnom Penh, Cambodia

Contact Name

កញ្ញា វន មានសុពិសី (ផែ្នករដ្ឋបាល)
ស៊ន វណ្ណឌី (ផ្នែកលក្ខណៈបច្ចេកទេសៈ)

Phone

Email

TO: awr.cambodia@livelearn.org

Socials

Website

www.livelearn.org

Announcement Description

អង្គការរស់នៅ និងសិក្សានៅកម្ពុជា (Live & Learn Cambodia Organization ) ជាអង្គការក្នុងស្រុក មិនរកប្រាក់ចំណេញ ដែលបានបង្កើតឡើងនៅកម្ពុជានៅឆ្នាំ២០០៥ និងបានទទួលស្គាល់ដោយក្រសួងមហាផ្ទៃនៅឆ្នាំ២០០៥។ អង្គការ LLC មានគោលបំណងចូលរួមកាត់បន្ថយភាពក្រីក្រ លើកកម្ពស់ការអភិវឌ្ឍ និងវឌ្ឍនភាពប្រកបដោយនិរន្តរភាព តាមរយៈការអប់រំ និងរៀនសូត្រ។ ការងារអាទិភាពរបស់យើង គឺគាំទ្រ និងពង្រឹងចលនាសហគមន៍ ក្នុងការធ្វើឱ្យប្រសើរឡើងនៅនិរន្តរភាពនៃបរិស្ថាននិងជីវភាព។

គម្រោងគ្រប់គ្រងទឹកអង្គរប្រកបដោយប្រសិទ្ធភាព និងចីរភាព ដើម្បីភាពធន់នឹងការប្រែប្រួលអាកាសធាតុ និងសង្គម-សេដ្ឋកិច្ច “Angkor Water Resilience” បង្កើតឡើងក្នុងគោលបំណងក្នុងការស្តារឡើងវិញនូវប្រព័ន្ធ ធារាសាស្ត្របុរាណពីសម័យអង្គរឱ្យមានដំណើរការឡើងវិញតាមរយៈការជួសជុល និងកសាងហេដ្ឋារចនា សម្ព័ន្ធធារាសាស្រ្ត នានា ដើម្បីជាជំនួយដល់ការគ្រប់គ្រងទឹកក្នុងឧទ្យានអង្គរឱ្យមានប្រសិទ្ធភាព ជួយសម្រួលដល់ការស្រោចស្រពដំណាំកសិកម្ម និងការជួយកាត់បន្ថយគ្រោះរាំងស្ងួតក៏ដូចជាគ្រោះទឹកជំនន់នៅក្នុងតំបន់ផងដែរ។ លើសពីនេះទៅទៀត គម្រោងនឹងគាំទ្រការរៀបចំសួនបង្ហាញ និងសួនបន្លែលក្ខណៈគ្រួសារ ចំនួន២០០គ្រួសារ។ យ៉ាងហោចណាស់កសិករ ៦០០គ្រួសារ នៅក្នុងគម្រោង ៥ឆ្នាំ នឹងបង្កើតសួនបន្លែ និងដំណាំបន្លែរបស់ខ្លួននៅជុំវិញលំនៅដ្ឋាន ដែលមានទីតាំងនៅក្បែរ ទំនប់ប្រឡាយបុរាណដែលគម្រោងបានជួសជុល និងស្តារ។ កសិករគោលដៅនឹងត្រូវបានជ្រើសរើសពីកសិករនៅភូមិចំនួន២៩ នៅឃុំ/សង្កាត់ចំនួន៤ នៃស្រុក/ក្រុង៣ ក្នុងខេត្តសៀមរាបដែលស្ថិតនៅក្នុងតំបន់ឧទ្យានអង្គរ។

ដើម្បីគាំទ្រដល់ការងារសួនបន្លែ យើងនឹងមានកម្មវិធី បណ្តុះបណ្តាល និងចុះអនុវត្តផ្ទាល់ជាមួយកសិករ និង ការរៀបចំសួនបន្លែរបស់ប្រជាកសិករ ទៅតាមបច្ចេកទេសកសិកម្មបែបឆ្លាតវៃដូចជា ការប្រើប្រាស់ប្រព័ន្ធតំណក់ទឹក ការដាក់ទ្រើងបន្លែ ការគ្រប់គ្រងកត្តាចង្រៃ ការដាំដំណាំចម្រុះ ផែនការដាំដុះ ការប្រើប្រាស់ពូជធន់នឹងអាកាសធាតុ ការដាំដំណាំឆ្លាស់ ការដាំដំណាំគម្របដី ការប្រើប្រាស់ជីកំប៉ុស្ត ការរក្សាទុកពូជ និងការកែច្នៃបន្លែជាដើម។