អង្គការមូលនិធិកុមារកម្ពុជា (ស៊ីស៊ីអេហ្វ CCF) គឺជាអង្គការមិនរកប្រាក់ចំណេញ ដែលបានបង្កើតឡើងនៅឆ្នាំ 2004 ។ បេសកកម្មរបស់យើង គឺដើម្បីលុបបំបាត់ភាពក្រីក្រ ការរំលោភបំពាន និង បង្កើតនូវការផ្លាស់ប្តូរ វិជ្ជមានមួយ នៅក្នុងប្រទេសកម្ពុជា តាមរយៈការជួយ និង ផ្តល់ការអប់រំដល់កុមារក្រីក្រ និង ក្រុមគ្រួសារដែលងាយរងគ្រោះ និង កុមារដែលរងនូវភាពអយុតិ្តធម៌ ដោយផ្តោតលើ ការអប់រំ ការថែទាំសុខមាលភាព ការថែទាំសុខភាព និងការបណ្តុះបណ្តាលវិជ្ជាជីវៈ។
អង្គការមូលនិធិកុមារកម្ពុជា ត្រូវការជ្រើសរើសអ្នកផ្គត់ផ្គង់អង្ករសំរាប់ផ្គត់ផ្គង់ក្នុងរយៈពេលពេញមួយឆ្នាំ ២០២៦។
អង្គការមូលនិធិកុមារកម្ពុជា តទៅហៅថា "ភាគីបញ្ជាទិញ" និង អ្នកផ្គត់ផ្គង់ និង រោងម៉ាស៊ីនកិនស្រូវទាំងឡាយណា ដែលមានចំណាប់អារម្មណ៌ ចូលរួមដាក់ពាក្យដេញថ្លៃ តទៅហៅថា"ភាគីដេញថ្លៃ" សម្រាប់ផ្គត់ផ្គង់អង្កររយៈពេល មួយឆ្នាំពេញ រឺតាមចំនួនកំណត់របស់អង្គការ។
ភាគីដេញថ្លៃ ដែលមានចំណាប់អារម្មណ៍ចូលរួមការដេញថ្លៃ ត្រូវមានលក្ខណៈសម្បត្តិដូចតទៅ៖
សូមអញ្ជើញមកទទួលយក ឯកសារដេញថ្លៃ នៅទីស្នាក់ការកណ្តាល រៀងរាល់ម៉ោងធ្វើការ (ថ្ងៃច័ន្ទ ដល់ សុក្រ ម៉ោង 8:00 ដល់ 12:00 ព្រឹក និង 2:00 ដល់ 6:00 ល្ងាច)។
កាលបរិច្ឆេទឈប់ទទួលពាក្យដេញថ្លៃត្រឹម ថ្ងៃទី១៥ ខែធ្នូ ឆ្នាំ ២០២៥ វេលាម៉ោង ០៣ រសៀល តាមអាសយដ្ឋានខាងក្រោម។ ពាក្យដេញថ្លៃទាំងអស់នឹងត្រូវបើកបង្ហាញនៅថ្ងៃតែមួយ ដោយគណៈកម្មការបញ្ជាទិញនៅថ្ងៃទី ១៥ ខែធ្នូ ឆ្នាំ ២០២៥ វេលាម៉ោង ០៣ និង ៣0 នាទី នៅការិយាល័យកណ្តាល ។
ការវាយតម្លៃជ្រើសរើស នឹងធ្វើឡើងដោយអនុលោមតាមគោលការណ៍លទ្ធកម្មរបស់អង្គការ CCF ។ចំពោះ ភាគីដេញថ្លៃ ដែលត្រូវបានជ្រើសរើសដោយគណៈកម្មការ នឹងត្រូវចុះកិច្ចសន្យាផ្គត់ផ្គង់អង្ករប្រចាំឆ្នាំ។
សម្រង់តម្លៃ មានសុពលភាពក្នុងរយៈពេល 30 ថ្ងៃ បន្ទាប់ពីថ្ងៃផុតកាលកំណត់ដាក់ឯកសារដេញថ្លៃ។
ឯកសារដេញថ្លៃត្រូវដាក់ជូនទៅតាម អាសយដ្ឋានដូចដែលបានផ្ដល់ជូននៅក្នុងព័តមានទំនាក់ទំនង។
សូមបញ្ជាក់ ឯកសារដេញថ្លៃ ត្រូវបញ្ជូនអោយបានមុនកាលបរិច្ឆេទខាងលើ និង ការពណ៌នានៅក្នុងគោលការណ៍ណែនាំសម្រាប់អ្នកដេញថ្លៃ។
