អ្នកថែទាំអតិថិជន
- ប្រភេទការងារ: ផែ្នកបំរើអតិថិជន
- ពេលវេលា:ការងារពេញម៉ោង
- ប្រាក់ខែ: $362 - $385
យើងកំពុងស្វែងរកបុគ្គលិកក្នុងតួនាទីជា អ្នកថែទាំអតិថិជន និងធ្វើការជាមួយអតិថិជនជាប្រចាំក្នុងវេន ដើម្បីកសាងទំនាក់ទំនងដែលមានទំនុកចិត្ត និងការគាំទ្រជាមួយអតិថិជនម្នាក់ៗទៅលើតម្រូវការប្រចាំថ្ងៃរបស់ពួកគេ។ អ្នកថែទាំអតិថិជនជួយផ្តល់នូវការគាំទ្រ និងលើកទឹកចិត្តដល់អតិថិជន ដែលរងពីការប៉ះទង្គិចផ្លូវចិត្តចូលរួមក្នុងការរក្សានូវបរិយាកាសល្អក្នុងផ្ទះ ដើម្បីអោយអតិថិជនទទួលបានការព្យាបាល គាំទ្រ និងថែទាំសមស្របដែលប្រកបដោយផាសុកភាព។ តួនាទីនេះនឹងធ្វើការដោយផ្ទាល់ជាមួយបុគ្គលិកជា អ្នកគាំទ្រអតិថិជនដោយរក្សាការប្រឹក្សាយោបល់ជាមុនលើការងារបច្ចេកទេសព្យាបាលអតិថិជនជាចាំបាច់ និងបុគ្គលិកសង្គមឯទៀតដែរ។
តម្រូវការការងារចំបង៖
ទីកន្លែងបំពេញការ៖ រាជធានីភ្នំពេញ និងចុះតាមបណ្តាខេត្ត
ម៉ោងធ្វើការ៖ ៤៨ ម៉ោងក្នុងមួយសប្តាហ៍ (ធ្វើការជាវេន - ប្រាំមួយថ្ងៃក្នុងមួយសប្តាហ៍)
វេនពេលយប់
ចូលម៉ោង ០៥៖០០ល្ងាច - ១១៖០០ យប់ និងចូលនៅម៉ោង ៦៖០០ព្រឹកចេញម៉ោង ៨៖០០ព្រឹក
តម្រូវការធ្វើដំណើរ៖ នៅក្នុងទីក្រុងភ្នំពេញ និងតាមបណ្តាខេត្ត
ចំណាត់ថ្នាក់ប្រាក់ខែ៖ C
កម្មវត្ថុការងារ៖ ផ្តល់ការគាំទ្រ ព្រមទាំងថែទាំដល់អតិថិជនដែលកំពុងស្នាក់នៅក្នុងផ្ទះ និងការថែរក្សាបរិយាកាស អនាម័យ ក្នុងផ្ទះស្នាក់នៅបណ្តោះអាសន្ន។
សង្ខេបការងារ៖ អ្នកថែទាំអតិថិជន នឹងធ្វើការជាមួយអតិថិជនជាប្រចាំក្នុងវេន ដើម្បីកសាងទំនាក់ទំនងដែលមានទំនុកចិត្តនិងការគាំទ្រជាមួយអតិថិជនម្នាក់ៗទៅលើតម្រូវការប្រចាំថ្ងៃរបស់ពួកគេ។ ជួយផ្តល់នូវការគាំទ្រ និងលើកទឹកចិត្តអតិថិជន ដែលរងពីការប៉ះទង្គិចផ្លូវចិត្តចូលរួមក្នុងការរក្សានូវបរិយាកាសល្អក្នុងផ្ទះ ដើម្បីអោយអតិថិជនទទួលបានការព្យាបាល គាំទ្រ និងថែទាំសមស្របដែលប្រកបដោយផាសុខភាព។ តួនាទីនេះនឹងធ្វើការដោយផ្ទាល់ជាមួយបុគ្គលិកជា អ្នកគាំទ្រអតិថិជនដោយរក្សាការប្រឹក្សាយោបល់ជាមុនលើការងារបច្ចេកទេសព្យាបាលអតិថិជនជាចាំបាច់ និងបុគ្គលិកសង្គមឯទៀតដែរ។
- រក្សាទំនាក់ទំនងល្អជាមួយបុគ្គលិកផ្នែកគាំទ្រអតិថិជន ក្រុមការងារ និងក្រុមពាក់ព័ន្ធក្នុងការបំពេញកាតព្វកិច្ចរួមគ្នាក្នុងអង្គការរតនៈអ៊ីនធើណេសិនណល។
- រក្សាការប្រាស្រ័យទាក់ទងជាទៀងទាត់ព្រមទាំងផ្តល់ព័ត៌មានផ្សេងៗ តាមការតម្រូវទៅអ្នកគ្រប់គ្រងផ្ទាល់ ទៅប្រធានផ្នែកថែទាំផ្ទាល់និងចូលរួមការប្រជុំ ជាទៀងទាត់ជាមួយប្រធានគ្រប់គ្រងផ្ទាល់ ប្រជុំក្រុម និងប្រជុំគម្រោងជាដើម។
- ចាត់ចែង និងចម្អិនអាហារជាប្រចាំថ្ងៃក្នុងវេនទទួលខុសត្រូវសម្រាប់អតិថិជន និងបុគ្គលិកក្នុងវេនតាម កាលវិភាគកំណត់។
- ធ្វើជាគំរូសម្រាប់អតិថិជនក្នុងការថែរក្សាផ្ទះស្នាក់នៅ អនាម័យ មានសេចក្តីស្រឡាញ់ បង្កើនទំនាក់ ទំនងល្អ និងមានជំនឿរឹងមាំ។
- លើកកំពស់ការងាររួម និងគោរពតាមការចាត់តាំងលើកិច្ចការងាររបស់ប្រធានគ្រប់គ្រងដោយផ្ទាល់ (ប្រធានក្រុមថែទាំអតិថិជន) អោយស្របទៅនឹងការងារបច្ចេកទេសផ្ទៃក្នុងរបស់គម្រោង។
- តាមដានសកម្មភាព និងឥរិយាបថនានាដែលអាចបង្កជាគ្រោះថ្នាក់ដល់អតិថិជន និងរវាងអតិថិជនខ្លួនឯង ដោយរក្សាអោយមានការប្រុងប្រយ័ត្នខ្ពស់។
- រាយការណ៍លើករណីហានិភ័យណាមួយដែលអាចកើតមានឡើងដោយប្រធានស័ក្កទៅលើស្ថានភាពរបស់ផ្ទះស្នាក់នៅ ជាពិសេសទៅលើអតិថិជន។
- ចូលរួមទៅទទួលអតិថិជន នៅពេលមានការជូនដំណឹងអំពីការមកដល់របស់អតិថិជនដោយប្រធានគ្រប់គ្រងផ្ទាល់ និងតាមរយៈការចាត់តាំងណាមួយជាចាំបាច់។
- ចូលរួមអមដំណើរអតិថិជនក្នុងការចេញទៅក្រៅជាមួយអ្នកផ្តល់សេវាក្នុងផ្ទះស្នាក់នៅដោយមានសុវត្ថិភាពលើទីតាំងដែលបានកំណត់ណាមួយ ដូចជាទៅមន្ទីរពេទ្យនិងអមដំណើរទៅទទួលអតិថិជន។
- ពង្រឹងការយល់ដឹង និងអនុវត្តតាមគោលការណ៍ណែនាំ និងគោលនយោបាយនានាដែលស្ថាប័នកំពុងអនុវត្ត ក៏ដូចជាបទដ្ឋានបំពេញបន្ថែម និងច្បាប់ជាដើម។
- អមដំណើរអតិថិជនទៅព្រះវិហារនិងផ្តល់ការយកចិត្តទុកដាក់លើសុខុមាលភាពរបស់អតិថិជន។
- សម្អាតបរិវេណអគារអោយបានញឹកញាប់ទៅតាមតម្រូវការ ធានាបាននូវអនាម័យខ្ពស់សម្រាប់ផាសុខភាពក្នុងមណ្ឌលថែទាំអង្គការរតនៈអ៊ីនធើណេសិនណល។
- ពិនិត្យ និងមើលលើការជួសជុលសម្ភារៈអគ្គិសនីក្នុងផ្ទះស្នាក់នៅ រួមមានអំពូល ភ្លើង និងករណីឯទៀត ដែលតម្រូវអោយមានការថែទាំអោយមានប្រសិទ្ធភាព។ធ្វើការស្នើទៅអ្នកគ្រប់គ្រង និងមានការអនុម័តលើការចំណាយនានា ក៏ដូចជាស្នើសុំការអនុម័តមុនពេល អនុវត្តការងារដែលមានផ្សេងក្រៅអំពីកាតព្វកិច្ចរបស់ខ្លួន។
- ចូលរួមអនុវត្តកិច្ចការផ្សេងៗទៀតដែលបានកំណត់ដោយអ្នកគ្រប់គ្រងលើករណីចាំបាច់ក្នុងគោល ដៅឆ្លើយតបទៅនឹងកិច្ចការរួមរបស់គម្រោង។
- ប្រាក់ខែទី ១៣ ប្រាក់ឧបត្ថម្ភសុខភាព និងការធានារ៉ាប់រង អាហារ ប្រាក់ឧបត្ថម្ភថែទាំខ្លួន និងប្រាក់ឧបត្ថម្ភការសិក្សាអប់រំ។
- ខ្មែរ - កម្រិតល្អ
- អាចអាន និងសរសេរបាន។
- ជាគ្រីស្ទបរិស័ទ និងចូលរួមក្រុមជំនុំជាទៀងទាត់។
- មានការទទួលខុសត្រូវនិងមានបទពិសោធន៍លើការរៀបចំចាត់ចែងកិច្ចការងារផ្ទះ និងសណ្តាប់ធ្នាប់បរិវេណផ្ទះ។
- មានចិត្តចង់អភិវឌ្ឍខ្លួន និងរៀនសូត្របន្ថែម លើការងារអនុវត្តដែលមានប្រសិទ្ធិភាព។
- មានបទពិសោធន៍ធ្វើការជាមួយមនុស្សដែលមានភាពងាយរងគ្រោះ និងរងគ្រោះ។
- មានបទពិសោធន៍យ៉ាងហោចណាស់០២ឆ្នាំ ក្នុងការផ្តល់សេវាថែទាំទៅដល់អតិថិជន។
- មានបទពិសោធន៍ធ្វើការងារជាមួយអង្គការក្រៅរដ្ឋាភិបាល។
- យល់ដឹងលើបទដ្ឋាននៃការថែទាំជំនួសក្នុងមណ្ឌលថែទាំបណ្តោះអាសន្ន។
- មានជំនាញ និងឆ្លងកាត់នូវវគ្គបណ្តុះបណ្តាលលើវិស័យថែទាំជនរងគ្រោះពីការជួញដូរ។
- សញ្ញាប័ត្រទុតិយភូមិ មានបទពិសោធន៍ និងចំណេះដឹងអំពីបញ្ហាជួញដូរ និងការកេងប្រវ័ញ្ច។
- មានការគោរព មិនវិនិច្ឆ័យ និងជួយយកអាសារអ្នកដទៃ។
- មានការយល់ដឹង និងឆន្ទៈក្នុងការអនុវត្តតាមគុណតម្លៃរបស់អង្គការរតនៈអ៊ីនធើណេសិនណល។
