សេចក្តីជូនដំណឹង អញ្ជើញចូលរួមការដេញថ្លៃលើការផ្គត់ផ្គង់ឧបករណ៍សម្រាប់តាមដានទិន្នន័យទឹកក្រោមដី និង សម្ភារៈសំណង់ដើម្បីជួសជុលសំណង់ធារាសាស្រ្តនៅក្នុងតំបន់អង្គរ with Live & Learn Environmental Education Inc.

BTDC-ID: 36228

Closing Date: 05-Sep-2025

សេចក្តីជូនដំណឹង អញ្ជើញចូលរួមការដេញថ្លៃលើការផ្គត់ផ្គង់ឧបករណ៍សម្រាប់តាមដានទិន្នន័យទឹកក្រោមដី និង សម្ភារៈសំណង់ដើម្បីជួសជុលសំណង់ធារាសាស្រ្តនៅក្នុងតំបន់អង្គរ

Office Address

Bangkaong, Ampil Sangkat, Prasat Bakong District, Siemreap Province, Cambodia

Contact Name

អ៊ុំ ចិន្តា (ទាក់ទងនឹងពត៌មានផ្នែករដ្ឋបាលទូទៅ)
រ៉ម វិចិត្រ (ទាក់ទងនឹងផ្នែកសម្ភារៈ)

Phone

Email

TO: awr.cambodia@livelearn.org

Socials

Announcement Description

អំពីគម្រោង

អង្គការ Live & Learn Environmental Education គឺជាបណ្តាញអភិវឌ្ឍន៍របស់អង្គការក្រៅរដ្ឋាភិបាលដែលបាននិងកំពុងធ្វើការក្នុងតំបន់ប៉ាស៊ីហ្វិកខាងត្បូងនិងប្រទេសក្នុងតំបន់អាស៊ីមួយចំនួន។ បច្ចុប្បន្ននេះ យើងមានការិយាល័យចំនួន០៩នៅក្នុងតំបន់ប៉ាស៊ីហ្វិក និង៣ទៀតក្នុងតំបន់អាស៊ី ដែលក្នុងនោះក៏មានកម្ពុជាមួយដែរ។ Live & Learn បានធ្វើការចុះបញ្ជីស្របច្បាប់រួចរាល់ ជាអង្គការក្រៅរដ្ឋាភិបាលបរទេសដើម្បីអាចដំណើរការគម្រោងនានាក្នុងប្រទេសកម្ពុជា។ អង្គការរបស់យើងមានគោលបំណង បង្កើតភាពធន់របស់សហគមន៍ អនាគតសមធម៌ និងលុបបំបាត់ភាពក្រីក្រ។ Live & Learn ធ្វើការលើវិស័យចម្បងចំនួន០៦រួមមាន ភាពសម្របខ្លួនទៅលើការប្រែប្រួលអាកាសធាតុ ការថែរក្សាបរិស្ថាន ការកាត់បន្ថយនិង ការឆ្លើយតបនឹងបញ្ហាគ្រោះមហន្តរាយ ទឹកនិងអនាម័យ សមភាពយែនឌ័រ និង ការលើកកម្ពស់ស្ត្រី។ រាល់កិច្ចការអនុវត្តន៍ និងកិច្ចសហការណ៍របស់អង្គការយើង ត្រូវគោរពយ៉ាងម៉ឺងម៉ាត់នូវគោលការណ៍ក្រមសីលធម៌វិជ្ជាជីវៈ កិច្ចការពារបរិស្ថាននិងសង្គម។

អំពីគម្រោង

គម្រោងគ្រប់គ្រងទឹកអង្គរដោយប្រសិទ្ធភាព និងចីរភាព ដើម្បីភាពធន់ និងការប្រែប្រួលអាកាសធាតុ និងសង្គម-សេដ្ឋកិច្ច “Angkor Water Resilience”ដែលមានជំនួយមូលនិធិពីក្រសួងការបរទេស និងពាណិជ្ជកម្មរបស់ប្រទេសណូវែលហ្សេឡង់(MFAT) បង្កើតឡើងក្នុងគោលបំណងក្នុងការស្តារឡើងវិញនូវប្រព័ន្ធធារាសាស្ត្របុរាណពីសម័យអង្គរឲ្យមានដំណើរការឡើងវិញតាមរយៈការជួសជុល និងកសាងហេដ្ឋារចនាសម្ព័ន្ធធារាសាស្រ្តនានា ដើម្បីជាជំនួយដល់ការគ្រប់គ្រងទឹកក្នុងឧទ្យានអង្គរឲ្យមានប្រសិទ្ធភាព ជួយសម្រួលដល់ការស្រោចស្រពដំណាំកសិកម្ម និងការជួយកាត់បន្ថយគ្រោះរាំងស្ងួតក៏ដូចជាគ្រោះទឹកជំនន់នៅក្នុងតំបន់ផងដែរ។ គម្រោងយើងក៏មានគាំទ្រផងដែរនូវកសិកម្មលក្ខណៈគ្រួសារ ការអប់រំអំពីបេតិកភណ្ឌ បរិស្ថាន និងសន្តិសុខស្បៀងដល់ប្រជាកសិករ និងសហគមន៍មួយចំនួនដែលរស់នៅក្នុងឧទ្យានអង្គរ ព្រមទាំងមានការបង្កើតជាស្ថានីយ៍បណ្តុះកូនឈើចំនួន២កន្លែង ដើម្បីបណ្តុះ និងផ្គត់ផ្គង់កូនរុក្ខជាតិដល់ការងារដាំដើមឈើនៅតាមមាត់ប្រឡាយដែលបានជួសជុល ការដាំដើមឈើឡើងវិញនៅក្នុងឧទ្យានអង្គរ និងផ្តល់ពូជដំណាំកេរដំណែលដែលដាំនៅក្នុងសួនបន្លែលក្ខណៈគ្រួសារផងដែរ។

សេចក្តីជូនដំណឹង អញ្ជើញចូលរួមការដេញថ្លៃលើការផ្គត់ផ្គង់ឧបករណ៍សម្រាប់តាមដានទិន្នន័យទឹកក្រោមដី និង សម្ភារៈសំណង់ដើម្បីជួសជុលសំណង់ធារាសាស្រ្តនៅក្នុងតំបន់អង្គរ

Career Category: Invitation for Bids
Location: Siemreap Province

សមាសធាតុសម្រាប់ការងារដេញថ្លៃ៖

ការអញ្ជើញចូលរួមការដេញថ្លៃលើការផ្គត់ផ្គង់ឧបករណ៍សម្រាប់តាមដានទិន្នន័យទឹកក្រោមដី និង សម្ភារៈសំណង់ដើម្បីជួសជុលសំណង់ធារាសាស្រ្តនៅក្នុងតំបន់អង្គរ

ប្រភេទលទ្ធកម្ម៖ ការដាក់ពាក្យស្នើសុំដេញថ្លៃ

ទីតាំង៖ -ឧបករណ៍សម្រាប់តាមដានទិន្នន័យទឹកក្រោមដីត្រូវដឹកជញ្ជូនមកកាន់មជ្ឈមណ្ឌលអាជ្ញាធរជាតិអប្សរា ក្នុងភូមិបង្កោង ឃុំអំពិល ស្រុកប្រាសាទបាគង ខេត្តសៀមរាប

-សម្ភារៈសំណង់និងឧបករណ៍សាងសង់ត្រូវដឹកជញ្ជូនមកកាន់រោងយាមនៅក្បែរសំណង់ទ្វារទឹកតាសោម ក្នុងភូមិតាកុះ ឃុំព្រះដាក ស្រុកបន្ទាយស្រី ខេត្តសៀមរាប

ប្រភេទ៖ សម្ភារៈនិងឧបករណ៍សាងសង់ ដូចបានភ្ជាប់មកជាមួយឧបសម្ព័ន្ធខាងក្រោម៖

ឧបសម្ព័ន្ធ ១: ឧបករណ៍សម្រាប់តាមដានទិន្នន័យទឹកក្រោមដី

ឧបសម្ព័ន្ធ ២: សម្ភារៈសំណង់និងឧបករណ៍សាងសង់

បញ្ជាក់៖ អ្នកចូលរួមដេញថ្លៃអាចធ្វើការដាក់ពាក្យស្នើសុំដេញថ្លៃរាល់សម្ភារៈទាំងអស់ខាងលើ ឬផ្នែកណាមួយក្នុងចំណោមផ្នែកទាំងពីរខាងលើ។

សម្រាប់អ្នកដែលចូលរួមដាក់ពាក្យដេញថ្លៃ គឺតម្រូវឲ្យបំពេញឯកសារឲ្យបានពេញលេញក្នុងផ្នែកនីមួយៗដែលតម្រូវ ដូចមានបញ្ជាក់លម្អិតនៅក្នុង ឯកសារណែនាំស្តីពីការចូលរួមដេញថ្លៃ(សូមបញ្ជាក់ឲ្យបានច្បាស់នូវគម្រូ លក្ខណៈបច្ចេកទេស(Specification) និងតម្លៃ របស់សម្ភារៈនិងឧបករណ៍នីមួយៗ) ដោយបិទឲ្យជិតរួចផ្ញើមកការិយាល័យអង្គការ Live & Learn ដែលមានទីតាំងនៅក្នុងមជ្ឈមណ្ឌលអាជ្ញាធរជាតិអប្សរា មិនឲ្យលើសម៉ោង ៤:៣០ រសៀល ថ្ងៃទី៥ ខែកញ្ញា ឆ្នាំ២០២៥ ។

ទម្រង់បែបបទ និងឯកសារឧបសម្ព័ន្ធ គឺមានភ្ជាប់មកជាមួយ ឬមាននៅការិយាល័យគម្រោងដែលបាន

បញ្ជាក់ខាងលើ ឬស្នើសុំតាមរយៈអ៊ីម៉ែល ឬតេលេក្រាមខាងក្រោម។

ក្រុមហ៊ុនផ្គត់ផ្គង់ដែលចូលរួមដាក់ពាក្យស្នើសុំដេញថ្លៃត្រូវតែ ភ្ជាប់ឯកសារយោងពាក់ព័ន្ធនានាដូចដែលមានចែងលម្អិតនៅក្នុងឯកសារណែនាំស្តីពីការចូលលរួមដេញថ្លៃ ។ គណៈកម្មការលទ្ធកម្មនិងប្រតិបត្តិការ នឹងបើកការប្រជុំនៅក្រោយថ្ងៃបិទបញ្ចប់ទទួលឯកសារដេញថ្លៃ និងធ្វើការសម្រេចយកអ្នកផ្គត់ផ្គង់ដែលមានលក្ខណសម្បត្តិគ្រប់គ្រាន់សមស្របទៅតាមលក្ខណៈវិនិច្ឆ័យរបស់គណៈកម្មការ។

រាល់ឯកសារដែលបានដាក់មកដើម្បីធ្វើការដេញថ្លៃទាំងឡាយនឹងត្រូវបានរក្សាទុកជាការសម្ងាត់។

សម្រាប់ពត៌មានបន្ថែម ទាក់ទងនឹងការបំពេញឯកសារដេញថ្លៃ និងការដាក់ឯកសារ សូមធ្វើការទាក់ទងមកកាន់ email ដែលបានផ្ដល់ជូននៅក្នុងព័តមានទំនាក់ទំនង។

Attachment