អ្នកដេញថ្លៃដែលមានចំណាប់អារម្មណ៍ អាចស្នើសុំឯកសារដេញថ្លៃនៅទីស្នាក់ការកណ្តាលរបស់
អង្គការមូលនិធិកុមារកម្ពុជា នៅរាងរាល់ម៉ោងធ្វើការ ពីផ្នែករដ្ឋបាល ឬទំនាក់ទំនងមកផ្នែកលទ្ធកម្ម សម្រាប់លក្ខខណ្ឌចូលរួមនិងព័ត៌មានបន្ថែម។ឯកសារដេញថ្លៃ ត្រូវដាក់ក្នុងស្រោមសំបុត្របិទជិត និង ដាក់ជូនទៅ ការិយាល័យស្នាក់ការកណ្តាលដែលមាន អាស័យដ្ឋានដូចដែលបានផ្ដល់ជូននៅក្នុងព័តមានទំនាក់ទំនង។
ទីតាំងនិងថ្ងៃពិនិត្យរថយន្ត៖ ការត្រួតពិនិត្យរថយន្តនឹងធ្វើឡើងវេលាម៉ោង ២:៣០ នាទីរសៀល ថ្ងៃទី២៦ ឆ្នាំ២០២៥ នៅចំណតរថយន្តរបស់អង្គការ ដែលមានទីតាំង នៅភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ ឬ ទំនាក់ទំនងលេខ ០១០ ៣៣៣ ៨៧១ សម្រាប់ព័ត៌មានមានបន្ថែម។
ថ្ងៃផុតកំណត់ទទួលពាក្យដេញថ្លៃ៖ ការដាក់ឯកសារដេញថ្លៃគឺមិនត្រូវលើស ម៉ោង ២:៣០ នាទីរសៀល ថ្ងៃទី0៧ ខែកក្កដា ឆ្នាំ២០២៥ នៅអាស័យដ្ឋានបង្ហាញខាងលើ។ពាក្យដេញថ្លៃនឹងត្រូវបើកនៅថ្ងៃដដែលវេលាម៉ោង ៣:០០ ដោយ គណៈកម្មាធិការដេញថ្លៃ។
ការវាយតំលៃ នឹងត្រូវធ្វើឡើងយ៉ាងសុក្រិតដោយគណៈកម្មាធិការដេញថ្លៃ ហើយអ្នកដេញថ្លៃណា ដែលឱ្យតម្លៃខ្ពស់ជាងគេ និងគ្រប់លក្ខខណ្ឌដេញថ្លៃ និងទទួលបានជោគជ័យនៃការដេញថ្លៃ។
សេចក្តីណែនាំនិងនិតិវិធីដេញថ្លៃ៖
ទីតាំងទទួលពាក្យដេញថ្លៃ និងថ្ងៃផុតកំណត់នៃការស្នើសុំឯកសារដេញថ្លៃត្រូវបញ្ជូនទៅទីតាំងដែលបានបញ្ជាក់ខាងលើ ដោយមិនត្រូវហួសពេលវេលាដែលកំណត់ក្នុងកថាខណ្ឌ១ និង ២ ។
ការបើកឯកសារដេញថ្លៃ៖ គណៈកម្មាធិការដេញថ្លៃ នឹងបើកការដេញថ្លៃដោយមានវត្តមាននិងសមាសភាពដូចខាងក្រោម តាមពេលវេលាកំណត់បញ្ជាក់កថាខណ្ខ៣។
- សមាសភាព គណៈកម្មាធិការដេញថ្លៃ
- មន្រី្តលទ្ធកម្ម
- មន្រ្តីហិរញ្ញវត្ថុ
- មន្រ្តីបច្ចេកទេសយានយន្ត
ការវាយតម្លៃនិងការប្រៀបធៀបការដេញថ្លៃ៖ គណៈកម្មាធិការគឺជាអ្នកសំរេចឱ្យអ្នកដេញថ្លៃណាដែលបាន ដេញថ្លៃខ្ពស់បំផុតជាអ្នកឈ្នះក្នុងការដេញថ្លៃ។ក្នុងករណីដែលអ្នកដេញថ្លៃពីរនាក់ឬច្រើននាក់ដេញថ្លៃ តម្លៃដូចគ្នាលើវត្ថុតែមួយ អ្នកដេញថ្លៃទាំងអស់នឹងត្រូវបានណែនាំ ធ្វើការដេញថ្លៃម្តងទៀតនៅថ្ងៃដេញថ្លៃ តាមការណែនាំរបស់គណៈកម្មាធិការ។
