សេចក្ដីជូនដំណឹង ស្តីពីការដេញថ្លៃជួសជុលសាលារៀនចំនួន៣
- Career Category: Invitation for Bids
- Location: Koh Kong Province
បរិយាយគម្រោង៖
អង្កការ YCC ក្រោមកិច្ចសហការជាមួយអង្គការអាក់សិនអេតអន្តរជាតិកម្ពុជា (ActionAid International Cambodia) ដើម្បីអនុវត្ត គម្រោង កុមារក្រៅសាលា ដំណាក់កាលទី២ (Out of School Children II) ក្នុងខេត្តកោះកុង ដែលមានរយៈពេល ២ឆ្នាំ គិតចាប់ពីទី០១ ខែមករា ឆ្នាំ២០២៥ ដល់ទី៣១ ខែធ្នូ ឆ្នាំ២០២៥។ គម្រោងនេះមានប្រភពជំនួយពីអង្គការ អាក់សិនអេត បានទទួលជំនួយនេះពី អង្គការ អេដ អេ អាកស្យុង (Aid et Action-AEA/Action-Education International) ក្នុងភាពជាដៃគូជាមួយនឹងកម្មវិធីអប់រំកុមារ ឬ Educate A Child (EAC) នៃមូលនិធិការអប់រំ លើសពីអ្វីទាំងអស់ ឬ Education Above All Foundation។ គម្រោងនេះមានបំណងគាំទ្រ លើកកម្ពស់ និង ការពារសិទ្ធិកុមារក្នុងការអប់រំ ដោយពន្លឿនការចុះឈ្មោះ ចូលរៀន និងការបញ្ចប់ការអប់រំបឋម ប្រកបដោយគុណភាព របស់កុមារក្រៅសាលា ស្របតាមគោលដៅអភិវឌ្ឍ ប្រកបដោយចីរភាព។ YCC នឹងដាក់ឱ្យដេញថ្លៃជាសាធារណៈ ដើម្បីជ្រើសរើសក្រុមហ៊ុន និងអ្នកម៉ៅការសំណង់ ទទួលការងារជួសជុលបន្ទប់សិក្សា ដំបូលអគារ និងទ្វារបង្អួចក្នុងសាលារៀនគោលដៅចំនួន ០៣សាលា នៅក្នុងស្រុកកោះកុង និងស្រុកគីរីសាគរ នៃខេត្តកោះកុង(មានបញ្ជីឈ្មោះសាលារៀនដូចរៀបរាប់ក្នុងចំណុចទី៣)។
វិសាលភាពការងារជួសជុល៖
អង្គការក្រុមប្រឹក្សាយុវជនកម្ពុជានឹងជ្រើសរើស អ្នកម៉ៅការសំណង(នីតិបុគ្គល) ឬក្រុមហ៊ុនម៉ៅការសំណង់ ដើម្បីជួសជុលដំបូលអគារសាលាចាស់ ទ្វារបង្អួចសាលា និងចាក់សាបក្នុងបន្ទប់រៀន ដើម្បីលើកកម្ពស់បរិស្ថាន សាលារៀន និងការសិក្សារៀនសូត្ររបស់សិស្សានុសិស្សចំនួន៣ទីតាំងដូចខាងក្រោម៖
សាលាបឋមសិក្សាជ្រោយប្រស់ នៅភូមិថ្មី ឃុំជ្រោយប្រស់ ស្រុកកោះកុង តម្រូវការជួសជុលដំបូលដោយប្រក់ក្បឿងជ័រមួយខ្នងប្រវែង៤០មx៩មស្មើនឹង៥បន្ទប់។
