សេចក្តីជូនដំណឹងស្តីពីការដេញថ្លៃ សម្រាប់កិច្ចសន្យាសាងសង់បង្គោលព្រំ with Trailblazer Cambodia Organization

BTDC-ID: 34992

Closing Date: 19-Jun-2025

សេចក្តីជូនដំណឹងស្តីពីការដេញថ្លៃ សម្រាប់កិច្ចសន្យាសាងសង់បង្គោលព្រំ

Office Address

Kouk Thlok, Kandaek Commune, Prasat Bakong District, Siemreap Province, Cambodia

Contact Name

Trailblazer Cambodia Organization

Phone

Website

www.tcocambodia.org

Announcement Description

ដោយទទួលបានការគាំទ្រថវិកាពីកម្មវិធីជំនួយខ្នាតតូចនៃមូលនិធិបរិស្ថានពិភពលោក (SGP GEF UNDP )ដែលអនុវត្តដោយ អង្គការអ្នកត្រួសត្រាយនៃកម្ពុជា មានរយៈពេល ១៨ខែចាប់ពីខែ មីនាឆ្នាំ២០២៤ ដល់ខែ កញ្ញាឆ្នាំ២០២៥ គម្រោងមានគោលបំណង ចូលរួមលើក កម្ពស់ជីវភាពប្រជាសហគមន៍ និងថែរក្សាដែនជម្រកសត្វព្រៃបឹងពែរ ភ្នំត្នោត-ភ្នំពក ភូមិសាស្រ្តខេត្តសៀមរាប និងដាំស្តារឡើងវិញនៃគម្របព្រៃ។ គម្រោងធ្វើការគាំទ្រទៅលើសហគមន៍តំបន់ការពារធម្មជាតិចំនួន៤គឺ សហគមន៍ តំបន់ ការពារធម្មជាតិ ដំណាក់ខ្នាចត្រាច ព្រៃធំ ភ្នំបាល័ង្គ និងភ្នំពក ដែលស្ថិតនៅក្នុងស្រុកជីក្រែងខេត្តសៀមរាប។គម្រោងគាំទ្រសហគមន៍តំបន់ការពារធម្មជាតិទាំងបួនក្នុងការបោះបង្គោលព្រំមេ ចំនួន ២៤ដើម និងបង្គោលព្រំរងចំនួន ៧៨ដើម ដើម្បីជាកំណត់បង្ហាញអំពីព្រំប្រទល់តំបន់ការពារធម្មជាតិឲ្យមានភាពច្បាស់លាស់ ក៏ដូចជា ដើម្បីការពារការទន្ទ្រានដីព្រៃសហគមន៍តំបន់ការពារធម្មជាតិផងដែរ។អាស្រ័យហេតុនេះ អង្គការអ្នកត្រួសត្រាយនៃកម្ពុជា សូមប្រកាសជ្រើសរើសក្រុមហ៊ុនម៉ៅការ/សំណង់ ដើម្បីដេញថ្លៃក្នុងការសាងសង់បង្គោលព្រំមេចំនួន ២៤ដើម និងបង្គោលព្រំរងចំនួន៧៨ដើម។

សេចក្តីជូនដំណឹងស្តីពីការដេញថ្លៃ សម្រាប់កិច្ចសន្យាសាងសង់បង្គោលព្រំ

Career Category: Invitation for Bids
Location: Siemreap Province

គម្រោង ៖ ថែរក្សាគម្របព្រៃ ដើម្បីភាពប្រសើរឡើងនៃជីវិត និងជីវចម្រុះ

អនុវត្តដោយ៖ អង្គការអ្នកត្រួសត្រាយនៃកម្ពុជា

រាជធានី/ខេត្ត:សៀមរាប

ស្រុក/ខណ្ឌ: ជីក្រែង

ឃុំ/សង្កាត់: ពង្រក្រោម ពង្រលើ និងខ្វាវ

ពិពណ៌នាអំពីលទ្ធផលនៃកិច្ចសន្យាសាងសង់បង្គោលព្រំសហគមន៍តំបន់ការពារធម្មជាតិទាំងបួន នៅក្នុងស្រុកជីក្រែង ខេត្តសៀមរាប។

ការពិពណ៌នាអំពីការងារសាងសង់

សាងសង់បង្គោលព្រំមេ ចំនួន ២៤ដើម កំពស់ ១២០សង់ទីម៉ែត្រ ទំហំបាត ៥០សង់ទីម៉ែត្រ (បួនជ្រុង) ទំហំបង្គោល ៣០សង់ទីម៉ែត្រ (បួនជ្រុង) ដែលនៅក្នុងបង្គោលនីមួយៗ ត្រូវប្រើប្រាស់ដែកសរសៃម៉ាក វី (V) ទំហំ ១០លី ចំនួន៤សរសៃ និងដែកកងចំនួន ១២កង។ (សូមពិនិត្យមើលរូបភាពខាងក្រោម)
លាបព៌ណពីបាតដល់ត្រឹមកំពស់៥០សង់ទីម៉ែត្រ លាបពីលឿងទុំកំពស់ ៣០សង់ទីម៉ែត្រ និងលាបព៌ណក្រហម កំពស់ ៤០សង់ទីម៉ែត្រ (ដល់កំពូលបង្គោល) និងសរសេរឈ្មោះសហគមន៍តំបន់ការពារធម្មជាតិ ព្រមទាំងលេខនិយាមការដែលគម្រោងផ្ដល់ជូននៅលើបង្គោលនីមួយៗ។
សាងសង់បង្គោលព្រំរង ចំនួន ៧៨ដើម កំពស់ ១៥០សង់ទីម៉ែត្រ ទំហំបាត ២៥សង់ទីម៉ែត្រ (បួនជ្រុង) ទំហំបង្គោល ១៥សង់ទីម៉ែត្រ (បួនជ្រុង) ដែលនៅក្នុងបង្គោលនីមួយៗ ត្រូវប្រើប្រាស់ដែកសរសៃម៉ាក វី (V) ទំហំ ១០លី ចំនួន៣សរសៃ និងដែកកងចំនួន ១៥កង ។ (សូមពិនិត្យមើលរូបភាពខាងក្រោម)
លាបព៌ណពីបាតដល់ត្រឹមកំពស់៦០សង់ទីម៉ែត្រ លាបពីលឿងទុំកំពស់ ៤០សង់ទីម៉ែត្រ និងលាបព៌ណក្រហម កំពស់ ៥០សង់ទីម៉ែត្រ (ដល់កំពូលបង្គោល) និងសរសេរឈ្មោះសហគមន៍តំបន់ការពារធម្មជាតិ ព្រមទាំងលេខនិយាមការដែលគម្រោងផ្ដល់ជូននៅលើបង្គោលនីមួយៗ។
ដឹកជញ្ជូនបង្គោលទៅតាមទីតាំងដូចខាងក្រោម៖

បង្គោលមេចំនួន៦ដើម និងបង្គោលរងចំនួន ៥ដើម ទៅដាក់នៅសាលាឃុំពង្រ១ ដែលស្ថិតនៅភូមិពង្រ១ ឃុំពង្រក្រោម ស្រុកជីក្រែង ខេត្តសៀមរាប។
បង្គោលមេចំនួន៦ដើម និងបង្គោលរងចំនួន ១០ដើម ទៅដាក់នៅភូមិត្រពាំងភ្លោះ ឃុំពង្រលើ ស្រុកជីក្រែង ខេត្តសៀមរាប។
បង្គោលមេចំនួន៦ដើម និងបង្គោលរងចំនួន ៣៥ដើម ទៅដាក់នៅភូមិស្រោង ឃុំខ្វាវ ស្រុកជីក្រែង ខេត្តសៀមរាប។
បង្គោលមេចំនួន៦ដើម និងបង្គោលរងចំនួន ២៨ដើម ទៅដាក់នៅភូមិអូរ ឃុំខ្វាវ ស្រុកជីក្រែង ខេត្តសៀមរាប។ ភ្ជាប់ជាមួយនឹងរូបភាពគំនូរបច្ចេកទេស និង តារាងសំណង់លំអិតនៅខាងក្រោម។

តម្លៃប៉ាន់ស្មានសរុប(គិតរួមទាំង កំលាំងពលកម្ម លើកដាក់ និងការដឹកជញ្ជូនទៅដល់ទីតាំង ដែលបានរៀបរាប់ខាងលើ)

បង្គោលព្រំមេ ចំនួន ២៤ដើម តម្លៃសរុប ១,៥៦០ដុល្លាអាមេរិក
បង្គោលព្រំរង ចំនួន ៧៨ដើម តម្លៃសរុប ២,៧៣០ដុល្លាអាមេរិក

អ្នកដែលអាចដេញថ្លៃបាន៖ ក្រុមហ៊ុនម៉ៅការ/សាងសង់ដែលបានចុះបញ្ជីស្របច្បាប់ទាំងឡាយណាដែលមានលទ្ធភាពក្នុងការសាងសង់បង្គោលព្រំតាមចំនួនដូចដែលបានកំណត់ខាងលើ

ចំនួនប្រាក់កក់ធានាការចូលរួមដេញថ្លៃ២%៖ ៨៦ ដុល្លារអាមេរិក

ឈ្មោះធនាគារពាណិជ្ជដែលត្រូវតម្កល់ប្រាក់កក់៖ ធនាគារដែលតំកល់ប្រាក់កក់ មិនតម្រូវពីធនាគារណាមួយទេ តម្រូវឲ្យអ្នកផ្គត់ផ្គង់យកសេវាកម្មពីធនាគារដែលកំពុងប្រើប្រាស់ស្រាប់ និងកាត់ចំនួនដេញថ្លៃពីគណនីធនាគារគេដោយផ្ទាល់

ទីកន្លែងដែលអាចទទួលឯកសារដេញថ្លៃ

អង្គការអ្នកត្រួសត្រាយនៃកម្ពុជា អាសយដ្ឋានដូចដែលបានផ្ដល់ជូននៅក្នុងព័តមានទំនាក់ទំនង។
សាលាឃុំពង្រក្រោម សាលាឃុំពង្រលើ និងសាលាឃុំខ្វាវ
ឯកសារសំណើដេញថ្លៃត្រូវដាក់ក្នុងស្រោមសំបុត្របិទជិតផ្ញើមកកាន់ទីតាំងទទួលពាក្យណាមួយខាងលើ

កាលបរិច្ឆេទ ទទួលបានពាក្យ និងការដេញថ្លៃ

ជូនដំណឹង និងទទួលឯកសារដេញថ្លៃរៀងរាល់ថ្ងៃធ្វើការ(ចាប់ពីថ្ងៃចន្ទ ដល់ថ្ងៃសុក្រ)៖ចាប់ពីថ្ងៃទី២០ ខែឧសភា ឆ្នាំ២០២៥
ព្រឹកពីម៉ោង ៨.០០នាទី ដល់ម៉ោង ១២.០០នាទី
រសៀលពីម៉ោង ១២.០០នាទី ដល់ម៉ោង៥.០០នាទី

កំណត់សម្គាល់

អ្នកដេញថ្លៃត្រូវភ្ជាប់មកជាមួយនឹងសំណើដេញថ្លៃរបស់ខ្លួន ប័ណ្ណប៉ាតង់ដែលមានសុពលភាព ឬបង្កាន់ដៃបញ្ជាក់ការបង់ប៉ាតង់ចំនួនមួយច្បាប់ (ច្បាប់ថតចម្លងដែលមាននីត្យានុកូលកម្ម) និងអត្តសញ្ញាណប័ណ្ណសញ្ជាតិខ្មែរថតចម្លងចំនួន១ច្បាប់។
ក្រុមហ៊ុនម៉ៅការ/សំណង់ដែលមានចំណាប់អារម្មណ៍ក្នុងការដេញថ្លៃ នឹងត្រូវតម្កល់ប្រាក់កក់ធានាចំនួន២%នៃតម្លៃកិច្ចសន្យា។ ប្រាក់កក់នេះ មានសុពលភាពរយៈពេល ១០ថ្ងៃបន្ទាប់ពីថ្ងៃបើកសំណើដេញថ្លៃ។
អ្នកឈ្នះក្នុងការដេញថ្លៃ នឹងត្រូវតម្កល់ប្រាក់កក់ធានាចំនួន១០%នៃតម្លៃកិច្ចសន្យា។ ប្រាក់កក់នេះ មានសុពលភាពរហូតដល់ពេលដែលការងារត្រូវបានបញ្ចប់។
អ្នកទទួលការត្រូវទទួលខុសត្រូវទាំងស្រុងក្នុងការផលិតអោយមានគុណភាពល្អ និងដឹកជញ្ជូនបង្គោលព្រំទាំងអស់យកមកដល់សាលាឃុំខ្វាវ ឃុំពង្រលើ និងឃុំពង្រក្រោម តាមចំនួនដែលបានកំណត់ខាងលើ។
អ្នកដេញថ្លៃត្រូវចូលរួមដេញថ្លៃ ប្រកបដោយការប្រកួតប្រជែង ដោយគ្មានឃុបឃិត ស៊ុមគ្រលំគ្នា ឬពាក់ព័ន្ធក្នុងការក្លែងបន្លំ ឬអំពើពុករលួយជាមួយអ្នកដេញថ្លៃទទៃទៀត។បើរកឃើញថាអ្នកទទួលការណាបានប្រព្រឹត្តខុសនឹងលក្ខខណ្ឌនេះ គណកម្មការលទ្ធកម្មនឹងលប់ឈ្មោះចេញពីការដេញថ្លៃ ហើយប្រាក់កក់ធានាដេញថ្លៃរបស់អ្នកទាំងនោះនឹងត្រូវបានរឹបអូស ផ្ទេរបង្វែរចូលថវិកាគម្រោង អង្គការអ្នកត្រួសត្រាយនៃកម្ពុជា។

សូមចុចឯកសារខាងក្រោមសម្រាប់ព័តមានទំនាក់ទំនង។

Attachment

Office Address

Kouk Thlok, Kandaek Commune, Prasat Bakong District, Siemreap Province, Cambodia

Contact Name

Trailblazer Cambodia Organization

Phone

Website

www.tcocambodia.org

សេចក្តីជូនដំណឹងស្តីពីការដេញថ្លៃ សម្រាប់កិច្ចសន្យាសាងសង់បង្គោលព្រំ

Bid Components

Contact Details

Announcement Description

Bid Components

សេចក្តីជូនដំណឹងស្តីពីការដេញថ្លៃ សម្រាប់កិច្ចសន្យាសាងសង់បង្គោលព្រំ

Submission Requirements

Contact Details