សហគមន៍កសិកម្ម របស់យើងខ្ញុំបានទទួលមូលនិធិ ពីគម្រោងពិពិធកម្មកសិកម្មកម្ពុជា ដែលផ្តល់ហិរញ្ញប្បទានដោយសមាគមអភិវឌ្ឍន៍អន្តរជាតិ(IDA) ដើម្បីធ្វើការទូទាត់នៅក្រោមកិច្ចសន្យាសម្រាប់ការផ្គត់ផ្គង់គោយន្តកន្ត្រៃចំនួន ១៨គ្រឿង និង រឺម៉កគោយន្ត ២៤គ្រឿង កិច្ចសន្យាលេខ៖ ២០៧។
ទំនិញនឹងត្រូវប្រគល់ទទួល/ផ្តត់ផ្គង់ជាពីរ (០២) លើក ដែលការផ្គត់ផ្គង់លើកទី១ ត្រូវអនុវត្តក្នុងរយៈពេល ១៤ ថ្ងៃ (ប្រតិទិន) ចាប់ពីថ្ងៃទទួលបានលិខិតបញ្ជាទិញ និងលើកទី២ ត្រូវប្រគល់រយៈពេល ០៧ ថ្ងៃ (ប្រតិទិន) បន្ទាប់ពីការផ្គត់ផ្គង់លើកទី១ រួចរាល់ (ដូចបានរៀបរាប់ក្នុង ទម្រង់ទី១៖ តារាងតម្លៃ និងការប្រគល់ទំនិញ)។
អ្នកផ្គត់ផ្គង់ទំាងឡាយដែលមានលក្ខណៈសម្បត្តិគ្រប់គ្រាន់ និងមានចំណាប់អារម្មណ៍ នឹងត្រូវបានអញ្ជើញមកទទួលឯកសារពិគ្រោះថ្លៃ ដោយឥតគិតថ្លៃ នៅអាសយដ្ឋានដើម្បីផ្គត់ផ្គង់ទំនិញដែលបានរៀបរាប់ក្នុងទម្រង់ទី២៖ លក្ខណបច្ចេកទេស ដែលបានភ្ជាប់មកជាមួយឯកសារពិគ្រោះថ្លៃនេះ។
ដើម្បីជាលក្ខណៈសម្បតិ្តគ្រប់គ្រាន់ និងអាចទទួលយកបាន អ្នកពិគ្រោះថ្លៃត្រូវ៖
ជាពាណិជ្ជករ ក្រុមហ៊ុនឯកជន ឬអាជីវករក្នុងសហគមន៍ ដែលមានអត្តសញ្ញាណសំគាល់ច្បាស់លាស់ដូចជា អត្តសញ្ញាណប័ណ្ណសញ្ជាតិខ្មែរ និងប័ណ្ណប៉ាតង់ប្រចាំឆ្នាំ (នៅមានសុពលភាព) ហើយអាចផ្គត់ផ្គង់ទំនិញតាមតម្រូវការ និងលក្ខណ:បច្ចេកទេសដែលបានបញ្ជាក់ក្នុងឯកសារពិគ្រោះថ្លៃ។ អ្នកផ្គត់ផ្គង់ដែលត្រូវបានកំណត់ថាពាក់ព័ន្ធនឹងការក្លែងបន្លំ អំពើពុករលួយ និងអំពើឃុបឃិត ហើយស្ថិតក្នុងបញ្ចីហាមឃាត់ ក្នុងអំឡុងពេលនៃការពិគ្រោះថ្លៃ នឹងមិនមានសិទ្ធិចូលរួមពិគ្រោះថ្លៃឡើយ។
សំណើពិគ្រោះថ្លៃ និងតម្លៃទំនិញ ក្នុងសំណើពិគ្រោះថ្លៃ ត្រូវមានសុពលភាព និងជាតម្លៃថេរសម្រាប់រយៈពេល៦០ថ្ងៃ បន្ទាប់ពីថ្ងៃផុតកំណត់នៃការទទួលសំណើពិគ្រោះថ្លៃ។
តម្លៃសំណើពិគ្រោះថ្លៃត្រូវរួមបញ្ជូលនូវ ពន្ធអាករនានា ការដឹកជញ្ជូន ការធានារ៉ាប់រង និងចំណាយផ្សេងទៀត ដើម្បីប្រគល់ទំនិញដល់ទីកន្លែងប្រគល់ចុងក្រោយ។
សំណើពិគ្រោះថ្លៃមិនត្រូវបានអនុញ្ញាតឱ្យមានការផ្លាស់ប្តូរឬកែប្រែឡើយ។
ការធានាលើទំនិញទៅតាមប្រភេទនៃមុខទំនិញនីមួយៗ ដូចមានរៀបរាប់ក្នុងទម្រង់ទី២៖យថាប្រភេទ និងលក្ខណៈបច្ចេកទេស ។
សំណើពិគ្រោះថ្លៃច្បាប់ដើមត្រូវចុះហត្ថលេខាដោយអ្នកពិគ្រោះថ្លៃ ឬអ្នកដែលបានទទួលសិទ្ធិពេញលេញដើម្បីចុះហត្ថលេខាជំនួសមុខឱ្យអ្នកពិគ្រោះថ្លៃ។ អ្នកពិគ្រោះថ្លៃត្រូវដាក់សំណើពិគ្រោះថ្លៃក្នុងស្រោមសំបុត្រមួយបិទជិត ហើយបញ្ជួនទៅតាមអាសយដ្ឋានដូចមានបញ្ជាក់នៅក្រោមឱ្យបានមុនឬត្រឹមថ្ងៃទី១០ ខែមេសា ឆ្នាំ២០២៤ ម៉ោង១០:00ព្រឹក នៅអាសយដ្ឋាន។សំណើពិគ្រោះដែលដាក់មកយឺតនឹងត្រូវបដិសេធ។ សំណើពិគ្រោះថ្លៃនឹងបើកជាសាធារណៈភ្លាមៗបន្ទាប់ពីកាលបរិច្ឆេទផុតកំណត់ឈប់ទទួលសំណើពិគ្រោះថ្លៃ នៅទីតាំងដែលបានបញ្ជាក់ខាងក្រោម នៅចំពោះមុខតំណាងអ្នកពិគ្រោះថ្លៃ ដែលអាចចូលរួមដោយផ្ទាល់។
គ្រប់សំណើពិគ្រោះថ្លៃត្រូវភ្ជាប់មកជាមួយនូវ លិខិតប្រកាសស្តីពីការធានាការពិគ្រោះថ្លៃ ដូចមានចែងក្នុងឯកសារពិគ្រោះថ្លៃ។ សំណើពិគ្រោះថ្លៃដែលមិនភ្ជាប់មកជាមួយនូវ លិខិតប្រកាសស្តីពីការធានាការពិគ្រោះថ្លៃត្រូវបដិសេធ។
សូមចុចតំណរភ្ចាប់ខាងក្រោមសម្រាប់ព័តមានបន្ថែម។