ប្រធានហិរញ្ញវត្ថុ / Finance Manager (1 Position)
Position Summary Expectations - Duties, Responsibilities
ទីតាំងការងារ៖ ភ្នំពេញ និងអាចចុះតាមសាខាខេត្តរបស់ក្រុមហ៊ុន
- គ្រប់គ្រង និងត្រួតពិនិត្យរាល់ប្រតិបត្តិការហិរញ្ញវត្ថុប្រចាំថ្ងៃនៅក្នុងក្រុមហ៊ុន
- រៀបចំ និងផលិតរបាយការណ៍ប្រចាំខែពាក់ព័ន្ធជាមួយការលក់ និងរបាយការណ៍ហិរញ្ញវត្ថុ រួមបញ្ជូលទាំងរបាយការណ៍ការស្តុក ការកត់ត្រាទិន្នានុប្បវត្តិ៍ ពន្ធ និងរបាយការណ៍កែតម្រូវធនាគារ ដោយប្រាកដថាមានភាពត្រឹមត្រូវ និងទាន់ពេលវេលា
- ត្រួតពិនិត្យ និងផ្ទៀងផ្ទាត់រាល់ឯកសារហិរញ្ញវត្ថុទាំងអស់ ផ្អែកលើគោលនយោបាយហិរញ្ញវត្ថុរបស់ក្រុមហ៊ុន
- រៀបចំ និងគ្រប់គ្រងសាច់ប្រាក់ភាគល្អិតសម្រាប់ចំណាយតាមសាខា
- ត្រួតពិនិត្យ និងផ្ទៀងផ្ទាត់ចំណូល ចំណាយ និងការងារហិរញ្ញវត្ថុផ្សេងៗជាប្រចាំ
- តាមដានត្រួតពិនិត្យលើការប្រមូល និងទូទាត់បំណុលរបស់អតិថិជន និងអ្នកផ្គត់ផ្គង់
- ត្រួតពិនិត្យដំណើរការលំហូរចលនាសាច់ប្រាក់របស់ក្រុមហ៊ុនជាប្រចាំ
- ចូលរួមជួយរៀបចំផែនការថវិការហិរញ្ញវត្ថុតាមសាខានីមួយៗរបស់ក្រុមហ៊ុន
- ត្រួតពិនិត្យបញ្ជីប្រាក់បៀវត្ស និងរៀបចំចំណាយប្រាក់បៀវត្សសម្រាប់បុគ្គលិក-កម្មករ
- ទំនាក់ទំនងជាមួយធនាគារ សម្រាប់ការងារដែលពាក់ព័ន្ធនឹងប្រតិបត្តការធនាគារ
- បណ្តុះបណ្តាលដល់បុគ្គលិកជំនាញផ្នែកហិរញ្ញវត្ថុជាប្រចាំ អំពីប្រព័ន្ធគ្រប់គ្រងហិរញ្ញវត្ថុក្រុមហ៊ុន
- ជំរុញការអនុវត្តគោលនយោបាយហិរញ្ញវត្ថុ ក្នុងក្រុមហ៊ុនប្រកបដោយប្រសិទ្ធភាពខ្ពស់
- សម្របសម្រួល និងបំពេញការធ្វើសវនកម្មផ្ទៃក្នុងប្រចាំឆ្នាំ
- ចូលរួមក្នុងការអភិវឌ្ឍប្រព័ន្ធគ្រប់គ្រងហិរញ្ញវត្ថុ និងនីតិវិធីអនុវត្តគណនេយ្យក្នុងក្រុមហ៊ុន ប្រកបដោយតម្លាភាព និងគណនេយ្យភាព
- រាយការណ៍ដល់គណៈគ្រប់គ្រង នាយកប្រតិបត្តិ និងភាគហ៊ុននិក អំពីស្ថានភាពហិរញ្ញវត្ថុក្រុមហ៊ុន
- ត្រូវប្រាកដថាមានការទំនាក់ទំនងល្អជាមួយភ្នាក់ងារ និងសវនករពន្ធដារ ដើម្បីអនុវត្តការងារស្របតាមច្បាប់អនុលោមភាពរបស់ពន្ធដារ
- ស្រាវជ្រាវ និងធ្វើការកែតម្រូវលើប្រតិបត្តិការដែលមានបញ្ហាពាក់ព័ន្ធនឹងពន្ធ
- សិក្សា ស្រាវជ្រាវ ច្បាប់ បញ្ញត្តិថ្មីៗ និងផ្តល់អនុសាសន៍ដល់គណៈគ្រប់គ្រងបំណុលពន្ធនៃច្បាប់សារពើពន្ធ
- ត្រួតពិនិត្យ និងចាត់វិធានការលើបំណុលអតិថិជន ដើម្បីប្រាកដថារាល់បំណុលទាំងអស់ស្ថិតក្នុងការគ្រប់គ្រង និងការទូទាត់ត្រឡប់បានត្រឹមត្រូវតាមនីតិវិធី
- ត្រូវប្រាកដថាគ្រប់ការងារគណនេយ្យ អនុវត្តស្របតាមមូលដ្ឋានគ្រឹះគណនេយ្យ និងអនុលោមតាមស្តង់ដារគណនេយ្យសម្រាប់សហគ្រាសធនតូច និងមធ្យម
- ធ្វើបច្ចុប្បន្នភាពបញ្ជីទ្រព្យសកម្មក្រុមហ៊ុនឲ្យបានទៀតទាត់ ដោយផ្ទៀងផ្ទាត់ជាមួយរបាយការណ៍ស្តុកជាប្រចាំ
ប្រធានទីផ្សារ / Marketing Manager (1 Position)
Position Summary Expectations - Duties, Responsibilities
ទីតាំងការងារ៖ ភ្នំពេញ និងអាចចុះតាមសាខាខេត្តរបស់ក្រុមហ៊ុន
- ធានាឲ្យបានលើការសម្រេចផែនការទីផ្សារ
- ធានាឲ្យបានលើការគ្រប់គ្រងទិន្នន័យអតិថិជនទាំងចាស់ ទាំងថ្មី
- ជម្រុញ ដោះស្រាយបញ្ហារបស់អតិថិជន ដោយភាពឆ្លាតវៃ និងអនុវត្តតាមគោលការណ៍ក្រុមហ៊ុន
- ធ្វើសេចក្តីសម្រេចចិត្តដោយការទទួលខុសត្រូវលើការដោះសា្រយបញ្ហាទីផ្សារបន្ទាន់ និងចាំបាច់បំផុត
- ពង្រឹងលើការទំនាក់ទំនងរបស់អតិថិជិន ដាច់ខាតមិនត្រូវឲ្យអតិថិជនទំនាក់ទំនងមកនាយកប្រតិបត្តិ ឬថ្នាក់គ្រប់គ្រងកណ្តាលណាម្នាក់ផ្ទាល់ដោយមិនឆ្លងកាត់ថ្នាក់គ្រប់គ្រងមូលដ្ឋាន
- ឬអតិថិជនមិនទទួលបានដំណោះស្រាយពីបញ្ហាសមស្រមពីថ្នាក់គ្រប់គ្រងមូលដ្ឋាន ឬប្រធានទីផ្សារការិយាល័យកណ្តាល
- បង្កើតនូវទម្រង់ឯកសារ និងលំហូរការងារ ពាក់ព័ន្ធនឹងផ្នែកទីផ្សារ ដើម្បីរក្សាឲ្យមានគំរូការងារច្បាស់លាស់ និងមានភាពងាយស្រួលក្នុងការបណ្តុះបណ្តាលបន្តដល់ក្រុមការងារទីផ្សារថ្មីៗ
- ទទួលខុសត្រូវលើការបាត់បង់ឧបករណ៍-សម្ភារនានា ដែលបានចែកចាយដល់អតិថិជិនរបស់ក្រុមហ៊ុន
- ទទួលខុសត្រូវលើការខកខានផ្តល់សេវាកម្មដឹកជញ្ជូនទឹកកកដល់អតិថិជនទាំងអស់របស់ក្រុមហ៊ុន
- ត្រួតពិនិត្យ តាមដានជាប្រចាំពីរបាយការណ៍លក់របស់ក្រុមការងារទីផ្សារតាមសាខា និងរៀបចំជារបាយការណ៍សង្ខេបរួមមួយ ជូនមកថ្នាក់គ្រប់គ្រងឲ្យបានជាប្រចាំថ្ងៃ
- ត្រូវប្រាកដថា រាល់ឯកសារសំណើទីផ្សារត្រូវបានត្រួតពិនិត្យ និងមានភា្ជប់នូវឯកសារគ្រប់គ្រាន់តាមនីតិវិធី មុននឹងដាក់ជូននាយកប្រតិបត្តិពិនិត្យសម្រេច
- ត្រូវធានាឲ្យបានយ៉ាងហោចណាស់រក្សាឲ្យបាននូវស្ថេរភាពបរិមាណលក់ប្រចាំ/ខែ/ឆ្នាំ ធៀបនឹងឆ្នាំចាស់ ហើយត្រូវជម្រុញ និងបង្កើនការលក់ ធៀបជាមួយផែនការលក់ប្រចាំឆ្នាំ ឲ្យខានតែបាន ។
- ត្រូវធានាឲ្យបានថាគ្រប់អតិថិជនទាំងអស់ មានកិច្ចសន្យាដៃគូ និងសំណុំឯកសារព័ត៌មានគ្រប់គ្រាន់តាមនីតិវិធីរបស់ក្រុមហ៊ុន
- ណែនាំពន្យល់ ដល់ក្រុមការងារទីផ្សារ និងអតិថិជនទាំងអស់ឲ្យមានការយល់ដឹងច្បាស់លាស់ពីគោលការណ៍ដៃគូអាជីវកម្ម នីតិវិធីការងារទីផ្សារ លក្ខន្តិកៈក្នុងកិច្ចសន្យា និងបទបញ្ញតិ្តនានារបស់ក្រុមហ៊ុន
- ត្រូវគោរពឲ្យបានខ្ជាប់ខ្ជួននូវគោលការណ៍ បទបញ្ជាផ្ទៃក្នុង កិច្ចសន្យាការងារ និងបទបញ្ញត្តិនានារបស់ក្រុមហ៊ុន
ប្រធានរដ្ឋបាល និងធនធានមនុស្ស / Admin/HR Manager (1 Position)
Position Summary Expectations - Duties, Responsibilities
ទីតាំងការងារ៖ ភ្នំពេញ និងអាចចុះតាមសាខាខេត្តរបស់ក្រុមហ៊ុន
- ការអនុវត្តការងារ ប្រកបដោយការទទួលខុសត្រូវខ្ពស់ មានភាពម៉ត់ចត់ លះបង់ ស្មោះត្រង់ និងតាមពេលកំណត់ ។
- រៀបចំបង្កើតលើពង្រាងគោលការណ៍ធនធានមនុស្ស នីតិវិធី លក្ខន្តិកៈ និងបទបញ្ញត្តិនានា ដែលមានការខ្វះខាត និងចាំបាច់ត្រូវមានក្នុងក្រុមហ៊ុន ដើម្បីឲ្យការអនុវត្តការងារ ប្រកបដោយភាពម៉ត់ចត់ និងត្រឹមត្រូវ ។
- ត្រួតពិនិត្យលើការអនុវត្តការងាររបស់បុគ្គលិក-កម្មករទាំងអស់ដើម្បីធានាឲ្យបានថាអ្នកទាំងអស់គ្នា មានការយល់ដឹងច្បាស់ និងអនុវត្តតាមគោលការណ៍ បញ្ជាផ្ទៃក្នុង និងបទបញ្ញត្តិ របស់ក្រុមហ៊ុន ។
- ពង្រឹងលើវិន័យ សីលធ៌មការងារ ការប្រាស្រ័យទាក់ទងគ្នាល្អក្នុងក្រុមការងារ និងជម្រុញឲ្យបុគ្គលិក-កម្មករទាំងអស់អនុវត្តតាមគោលការណ៍ធនធានមនុស្ស ប្រកបដោយបច្ចេកទេស ។
- រៀបចំឲ្យបាននូវផែនការបណ្តុះបណ្តាល និងជម្រុញឲ្យចេញជាសកម្មភាពអនុវត្តលើវគ្គបណ្តុះបណ្តាលគ្រប់ផ្នែកទាំងអស់ ដើម្បីបង្កើនជំនាញបន្ថែមដល់ធនធានមនុស្សនៅក្នុងក្រុមហ៊ុនឲ្យអនុវត្តការងារប្រកបដោយប្រសិទ្ធិភាពខ្ពស់ ។
- ចូលរួមដោះស្រាយបញ្ហាប្រឈមរបស់ក្រុមហ៊ុន ទាំងលើការងារពាក់ព័ន្ធនឹងផ្នែករដ្ឋបាល និងធនធានមនុស្ស និងបញ្ហាផ្សេងៗ ដែលប៉ះពាល់ដល់ក្រុមការងារ ក៏ដូចជាក្រុមហ៊ុនទាំងមូល ។
- បង្កើតនូវទម្រង់នៃការវាយតម្លៃការងារបុគ្គលិក-កម្មករ ប្រកបដោយសុក្រិតភាព និងតម្លាភាព ។
- • ត្រូវធានាឲ្យបានថា បរិយាកាសការងារ និងបរិវេណទីតាំងការងារ ទាំងនៅក្នុងក្រុមហ៊ុន និងសាខាទាំងអស់ មានសុខសុវត្ថិភាព អនាម័យល្អ ប្រកបដោយផាសុខភាព ។
- មានកម្រិតសិក្សាចាប់ពីបញ្ចប់ថ្នាក់បរិញ្ញបត្រឡើងទៅ
- មានបទពិសោធន៍ការងារយ៉ាងតិច២ឆ្នាំ
- មានគំនិតច្នៃប្រឌិត មានអត្តចរិកល្អ មានភាពស្មោះត្រង់ ម៉ឺងម៉ាត់ និងសុភាព រាបសារ
- ចេះធ្វើការងារជាក្រុម
- មានគំនិតក្នុងការគ្រប់គ្រង ចាត់ចែងការងារ និងមានការសម្រេចចិត្តខ្ពស់
- អាចធ្វើការក្រោមសម្ពាធការងារ និងតាមការកំណត់
- មានបទពិសោធន៍ធ្វើការក្នុងប្រព័ន្ធ (System)
- មានចំណេះដឹងកុំព្យូទ័រ Ms. Office និង Microsoft Outlook ។
