ការដេញថ្លៃខួងអណ្ដូង ផ្គត់ផ្គង់សូឡាបូមទឹក ស៊ីទែនទឹក និងសាងសង់ជើងទម្រស៊ីទែនទឹក
with Action Aid International CambodiaThis job has already passed the closing date
Invitation for Bids
អង្គការអាក់សិនអេតកម្ពុជា (AAC) ដោយមានការឧបត្ថម្ភថវិកាពី អង្គការអាក់សិនអេតអៀកឡង់ (AAI) បាននឹង កំពុងអនុវត្តគម្រោង “បង្កើនលទ្ធភាពទទួលបានទឹកសម្រាប់កសិករខ្នាតតូច និងប្រជានេសាទក្នុងតំបន់ប្រឈមនឹងគ្រោះរាំងស្ងូត តាមរយៈប្រព័ន្ធសូឡាបូមទឹក” នៅខេត្តកំពត និងខេត្តកំពង់ធំនៃប្រទេសកម្ពុជា។គម្រោងនេះ មានគោលបំណង ដើម្បីជួយបង្កើនលទ្ធភាពទទួលបានទឹកសម្រាប់ប្រើប្រាស់ សម្រាប់ផលិតកម្មកសិកម្ម (ពង្រឹកការដាំដុះបន្លែ)និងជួយឲ្យកសិករមានលទ្ធភាពផលិតបានពេញមួយឆ្នាំ ជាពិសេសទៅទៀត គឺជួយលើកទឹកចិត្តដល់ស្ត្រី និងសម្រួលការងារធ្ងន់ៗក្នុងសួនបន្លែ(យោងទឹកស្រោចស្រព)ព្រមទាំងផ្តល់ឱកាសដល់ស្រ្តីក្នុងការដឹកនាំសកម្មភាពទាំងឡាយក្នុងការងារកសិកម្ម។ នៅក្នុងតំបន់គោលដៅ បញ្ហាខ្វះខាតទឹកសម្រាប់ស្រោចស្រពបន្លែ នៅតែប្រឈមខ្លាំង ជាពិសេសកសិករដែលដាំដុះអាស្រ័យទឹកភ្លៀង ស្រះទឹក និងស្ទឹង (ដោយសារនៅរដូវប្រាំងទឹកស្រះ និងទឹកស្ទឹងរីងហួត)។
ដើម្បីឆ្លើយតបទៅនឹងតម្រូវការរបស់កសិករក្រុមផលិតនៅក្នុងតំបន់គោលដៅងាយរងគ្រោះខាងលើ ជាពិសេសនៅរដូវប្រាំង និងអំឡុងពេលមានគ្រោះរាំងស្ងួត អង្គការអាក់សិនអេត គ្រោងនឹងផ្តល់ជូននូវប្រព័ន្ធចែកចាយដំណើរការដោយប្រើថាមពលព្រះអាទិត្យសម្រាប់បូមទឹកចំនួន ០៤ សំណុំ ជូនដល់ ០៤ សហគមន៍គោលដៅចំនួននៅក្នុងខេត្តកំពង់ធំ(២ទីតាំង) និងកំពត (២ទីតាំង)។ក្នុងនោះ មួយកន្លែងនឹងទទួលបាន ១សំណុំ (រួមមាន៖ ប្រព័ន្ធសូឡាបូមទឹកដើរដោយថាមពលពន្លឺព្រះអាទិត្យ អណ្តូងទឹក ជើងទម្រស៊ីទែនទឹក ស៊ីទែនទឹក និងប្រព័ន្ធទុយូ)។
ដើម្បីសម្រេចនូវលទ្ធផលខាងលើ អង្គការអាក់សិនអេតកម្ពុជា បាននឹងកំពុងស្វែងរកសំណើពីក្រុមហ៊ុនអ្នកផ្គត់ផ្គង់ ឬអ្នកម៉ៅការដែលមានសមត្ថភាពសម្រាប់ផ្គង់ផ្គងសម្ភារៈដូចខាងក្រោមៈ
ក្រុមហ៊ុន អ្នកផ្គង់ផ្កង់ ឬអ្នកម៉ៅការ ដែលមានលក្ខណៈសម្បត្តិគ្រប់គ្រាន់ និងបានចុះឈ្មោះក្នុងបញ្ជីពាណិជ្ជកម្ម ត្រូវបានលើកទឹកចិត្តឱ្យដាក់ពាក្យស្នើសុំ។ វិសាលភាពការងារ តម្រូវការជាក់លាក់នៃសម្ភារៈ និងបច្ចេកទេសនីមួយៗនឹងត្រូវបានពិពណ៌នាដូចខាងក្រោម។ ក្រុមហ៊ុន អ្នកម៉ៅការឬអ្នកផ្គត់ផ្គង់ ដែលត្រូវបានជ្រើសរើសនឹងត្រូវអនុវត្តការងារនេះដោយមានការចូលរួមសង្កេតពីអង្គការអាក់សិនអេតកម្ពុជា។ អាក់សិនអេត លើកទឹកចិត្តខ្ពស់ចំពោះក្រុមហ៊ុន ឬអ្នកម៉ៅការណា ដែលអាចមានលទ្ធភាពផ្គត់ផ្គង់ និងសេវាកម្មទាំងមូលរបស់គម្រោង (សម្ភារ និងការសាងសង់ទាំងបួនមុខខាងលើ)។ ហើយយើងក៏ស្វាគមន៍ដូចគ្នាចំពោះក្រុមហ៊ុន ឬអ្នកម៉ៅការផ្សេងៗទៀត ដែលទទួលដេញថ្លៃ និងមានលទ្ធភាពផ្គត់ផ្គត់ចំណែកណាមួយនៃគម្រោងទាំងមូលខាងលើ។ យើងនឹងពិនិត្យ និងពិចារណាដោយផ្អែកលើគុណភាព សេវាកម្ម និងតំលៃរបស់អ្នកផ្គត់ផ្គង់ឬក្រុមហ៊ុននីមួយៗ ប្រកដដោយសុក្រិតភាព។
ការដាក់ពាក្យស្នើសុំ
ឯកសារស្នើសុំដេញថ្លៃទាំងអស់ត្រូវបញ្ជាក់ពីប្រធានបទឲ្យបានច្បាស់លាស់ និងដាក់ក្នុងស្រោមសំបុត្របិទជិត រូចផ្ញើរមកកាន់ការិយាល័យអង្គការអាក់សិនអេតកម្ពុជា នៅទីក្រុងភ្នំពេញ ឲ្យបានមុនថ្ងៃទី៣១ ខែ ឧសភា ឆ្នាំ ២០២១ ម៉ោង ១៦:០០ រសៀល តាមអាសយដ្ឋានដូចបានផ្តល់ជូននៅក្នុងពត៌មានទំនាក់ទំនង។
លក្ខខណ្ឌទូទៅ
សម្រាប់ពត៌មានបន្ថែមសូមមើលក្នុងឯកសារភ្ជាប់ (Attachment) ខាងក្រោម។
