ការអញ្ជើញដេញថ្លៃជ្រើសរើសក្រុមហ៊ុន សម្រាប់ការសាងសង់ឃ្លាំងស្តុកជីកំប៉ុស្តិ៍ ទំហំ ១០ម៉ែត្រ x ១៥ម៉ែត្រ កម្ពស់ ៦ម៉ែត្រ with Banle Phtas Samnanh Tramkak Modern Agricultural Cooperative B.P.T

BTDC-ID: 42317

Closing Date: 15-Nov-2026

ការអញ្ជើញដេញថ្លៃជ្រើសរើសក្រុមហ៊ុន សម្រាប់ការសាងសង់ឃ្លាំងស្តុកជីកំប៉ុស្តិ៍ ទំហំ ១០ម៉ែត្រ x ១៥ម៉ែត្រ កម្ពស់ ៦ម៉ែត្រ

Office Address

Trapeang Chak, Tram Kak Commune, Tram Kak District, Takeo Province, Cambodia

Contact Name

Banle Phtas Samnanh Tramkak Modern Agricultural Cooperative B.P.T_MAC

Phone

096 266 4533

Announcement Description

សហគមន៍កសិកម្មទំនើបបន្លែផ្ទះសំណាញ់ត្រាំកក់ ត្រូវបានបង្កើតឡើង និងចុះបញ្ជីស្របច្បាប់នៅមន្ទីរកសិកម្ម រុក្ខាប្រមាញ់ និងនេសាទ ខេត្តតាកែវ ក្រោមលេខ ០០១/ស.ក.ទ.តក ចុះថ្ងៃទី ២២ ខែសីហា ឆ្នាំ២០២៤។ សហគមន៍ដំណើរការស្របតាមច្បាប់ស្តីពីសហគមន៍កសិកម្ម និងបទប្បញ្ញត្តិពាក់ព័ន្ធរបស់ក្រសួងកសិកម្ម រុក្ខាប្រមាញ់ និងនេសាទ។ ឯកសារចុះបញ្ជី លក្ខន្តិកៈ បទបញ្ជាផ្ទៃក្នុង និងឯកសារគតិយុត្តពាក់ព័ន្ធ ត្រូវបានភ្ជាប់ជាឧបសម្ព័ន្ធនៃសំណើគម្រោងនេះ។

សហគមន៍មានសមាជិកសរុបចំនួន ១១០ គ្រួសារ និងមានរចនាសម្ព័ន្ធអភិបាលកិច្ចច្បាស់លាស់ ដើម្បីធានាបាននូវតម្លាភាព គណនេយ្យភាព និងការចូលរួមរបស់សមាជិកក្នុងការសម្រេចចិត្ត។ រចនាសម្ព័ន្ធគ្រប់គ្រងរួមមាន មហាសន្និបាតសមាជិក ជាស្ថាប័នសម្រេចចិត្តខ្ពស់បំផុត ក្រុមប្រឹក្សាភិបាលទទួលខុសត្រូវលើការកំណត់ទិសដៅយុទ្ធសាស្ត្រ និងការត្រួតពិនិត្យ និងក្រុមគ្រប់គ្រងប្រតិបត្តិទទួលខុសត្រូវលើការអនុវត្តសកម្មភាព និងប្រតិបត្តិការប្រចាំថ្ងៃរបស់សហគមន៍។

សហគមន៍កសិកម្មទំនើបបន្លែផ្ទះសំណាញ់ត្រាំកក់បានទទួលជំនួយពីជំនួយខ្នាតតូចនៃមូលនិធិនៃបរិស្ថានពិភពលោកដំណាក់កាលទី៨GEF SGP UNDP ជាសហគមន៍អនុវត្តគម្រោងក្រោមលេខកូដគម្រោង Project Number KHM/SGP/OP8/Y1/STAR/LD/2026/02 សម្រាប់អនុវត្តន៍គម្រោងដែលមានឈ្មោះថា (គម្រោងពង្រីកខ្សែច្រវាក់ផលិតកម្មបន្លែសុវត្ថិភាព ក្នុងផ្ទះសំណាញ់ និងផលិតជីកំប៉ុស្ត) ស្ថិតនៅសហគមន៍ទំនើបបន្លែផ្ទះសំណាញ់ត្រាំកក់នៅក្នុងស្រុកត្រាំកក់ខេត្តតាកែវ។ គម្រោងនេះអនុវត្តចាប់ពី ១ខែសីហា ២០២៦ ដល់ថ្ងៃទី៣១ ខែកក្កដា ឆ្នាំ២០២៧។ដោយហេតុថានៅក្នុងគម្រោងទទួលបានឃ្លាំងស្តុកជីកំប៉ុស្តិ៍ ទំហំ ១០ម៉ែត្រ x ១៥ម៉ែត្រ កម្ពស់ ៦ម៉ែត្រ ចំនួន ០១ខ្នង។

សហគមន៍កសិកម្មទំនើបបន្លែផ្ទះសំណាញ់ត្រាំកក់ សូមអញ្ជើញក្រុមហ៊ុន/អ្នកម៉ៅការទាំងឡាយណា ដែលមាន សមត្ថភាព និងបទពិសោធន៍ក្នុងការសាងសង់ស្រដៀងគ្នា ដាក់ស្នើសំណើសម្រង់តម្លៃសម្រាប់ការផ្គត់ផ្គង់សម្ភារៈ និងកម្លាំងពលកម្មសាងសង់ឃ្លាំងស្តុកជីកំប៉ុស្តិ៍ខាងលើ ដោយអនុលោមតាមបញ្ជីប៉ាន់ស្មានការងារ និងលក្ខណៈ បច្ចេកទេស ដែលមានភ្ជាប់មកជាមួយសេចក្តីជូនដំណឹងនេះ។

ការអញ្ជើញដេញថ្លៃជ្រើសរើសក្រុមហ៊ុន សម្រាប់ការសាងសង់ឃ្លាំងស្តុកជីកំប៉ុស្តិ៍ ទំហំ ១០ម៉ែត្រ x ១៥ម៉ែត្រ កម្ពស់ ៦ម៉ែត្រ

Career Category: Invitation for Bids
Location: Takeo Province

Summary

អ្នកទទួលការស្នើសុំ៖ សហគមន៍កសិកម្មទំនើបបន្លែផ្ទះសំណាញ់ត្រាំកក់

ប្រធានបទក្នុងការដេញថ្លៃ៖ការសាងសង់ឃ្លាំងស្តុកជីកំប៉ុស្តិ៍ ទំហំ ១០ម៉ែត្រ x ១៥ម៉ែត្រ កម្ពស់ ៦ម៉ែត្រ ចំនួន ០១ខ្នង

ពិពណ៌នាពីលទ្ធផលគម្រោង

លទ្ធផលរំពឹងទុកដែលអ្នកទទួលការត្រូវផ្តល់ជូន បន្ទាប់ពីទទួលបានកិច្ចសន្យា រួមមាន៖

ការងារជើងតាង កសសរ និងធ្នឹមបេតុងអាម៉េ
ការងារកម្រាលបេតុងកម្រាស់ ១០០ម.ម
ការងារជញ្ជាំងឥដ្ឋ និងជញ្ជាំងស័ង្កសី (៣២០ ម²) រួមទាំងទ្វារចេញចូល ទំហំ ៤ម x ៣.៣ម
ការងារដំបូលស័ង្កសីកម្រាស់ 3c និងគ្រោងឆ្អឹងដែក (២៥៨ ម²) រួមទាំងសំយាប
ការផ្គត់ផ្គង់សម្ភារៈ កម្លាំងពលកម្ម និងការដឹកជញ្ជូនទៅដល់ទីតាំងគម្រោង ជាបន្ទុក/ការទទួលខុសត្រូវរបស់អ្នកទទួលការដែលឈ្នះក្នុងការដេញថ្លៃ

ទីតាំងអនុវត្តគម្រោង៖ សហគមន៍កសិកម្មទំនើបបន្លែផ្ទះសំណាញ់ត្រាំកក់ ភូមិត្រពាំងចក ឃុំត្រាំកក់ ស្រុកត្រាំកក់ ខេត្តតាកែវ

តម្លៃប៉ាន់ស្មាន៖ ១១៣,០៦៧,៧00 រៀលគត់ (ស្មើនឹង 27,685.52 ដុល្លារអាមេរិក)

អ្នកដែលអាចចូលរួមដេញថ្លៃគម្រោងបាន៖ ជាក្រុមហ៊ុនក្នុងស្រុកឫនិតិបុគ្គល ដែលមានសមត្ថភាព និងបទពិសោធន៍ក្នុងការសាងសង់ស្រដៀងគ្នា

កាលបរិច្ឆេទជូនដំណឹង៖ ថ្ងៃទី ៣០ ខែ តុលា ឆ្នាំ២០២៦

កាលបរិច្ឆេទឈប់ទទួលសំណើសម្រង់តម្លៃ៖ ១៥ថ្ងៃ គិតចាប់ពីថ្ងៃចេញផ្សាយសេចក្តីជូនដំណឹងនេះ (ត្រឹមថ្ងៃទី ១៥ ខែ វិច្ឆិកា ឆ្នាំ២០២៦ វេលាម៉ោង ៥ល្ងាច )

សុពលភាពនៃសំណើសម្រង់តម្លៃ៖ ៦០ថ្ងៃប្រតិទិន បន្ទាប់ពីថ្ងៃផុតកំណត់ដាក់សំណើ

ទីកន្លែងទទួលឯកសារដេញថ្លៃ៖ ការិយាល័យសហគមន៍កសិកម្មទំនើបបន្លែផ្ទះសំណាញ់ត្រាំកក់ ឬ លេខទំនាក់ទំនង (Telegram)ដែលមាននៅក្នុងព័ត៌មានលម្អិតសម្រាប់ទំនាក់ទំនង។

ទីកន្លែងប្រជុំបើកស្រោមសំបុត្រដេញថ្លៃ៖ ការិយាល័យសហគមន៍កសិកម្មទំនើបបន្លែផ្ទះសំណាញ់ត្រាំកក់

សំណើដេញថ្លៃត្រូវភ្ជាប់មកជាមួយឯកសារដូចខាងក្រោម៖

លិខិតច្បាប់ដើមបញ្ជាក់ឈ្មោះអ្នកមានសិទ្ធិចុះហត្ថលេខាក្នុងនាមអ្នកស្នើសម្រង់តម្លៃ
ឯកសារស្របច្បាប់ (ច្បាប់ចម្លងប័ណ្ណប៉ាតង់ ឬចុះបញ្ជីអាជីវកម្មដែលមានសុពលភាព)
លិខិតប្រកាសស្តីពីការធានាការស្នើសម្រង់តម្លៃ

សំណើសម្រង់តម្លៃត្រូវមានសុពលភាព ៦០ថ្ងៃប្រតិទិន បន្ទាប់ពីថ្ងៃផុតកំណត់ដាក់សំណើ។ កាលបរិច្ឆេទផុតកំណត់ទទួលសំណើ៖ ១៥ថ្ងៃ គិតចាប់ពីថ្ងៃចេញផ្សាយសេចក្តីជូនដំណឹងនេះ។

លក្ខខណ្ឌការងារ (ToR) លម្អិត ត្រូវបានភ្ជាប់ជាមួយសេចក្តីជូនដំណឹងនេះ។ សម្រាប់ព័ត៌មានបន្ថែម ឬសំណូមពរប្លង់សាងសង់លម្អិត សូមទំនាក់ទំនងតាម Telegram ដែលមាននៅក្នុងព័ត៌មានលម្អិតសម្រាប់ទំនាក់ទំនង។

Attachment:

សេចក្ដីជូនដំណឹងដេញថ្លៃធ្វើឃ្លាំងជីកំប៉ុស្ត
BPSTMAC_ToR_Revised Last Update
ពាក្យសុំដេញថ្លៃ

Office Address

Trapeang Chak, Tram Kak Commune, Tram Kak District, Takeo Province, Cambodia

Contact Name

Banle Phtas Samnanh Tramkak Modern Agricultural Cooperative B.P.T_MAC

Phone

096 266 4533

Expected Outputs

Contact Details

Announcement Description

Expected Outputs

Submission Requirements

Contact Details